欠債還情，天公地道: 尋找爸爸的故事

終於，我原校升讀幼稚園。
 
咩叫「升讀」幼稚園？大家可能有所不知，我之前讀果Ｄ叫「N班」，中文好似叫做學前班。
 
而家再讀既先叫幼稚園。
 
好消息係，我地全班同學全體都升讀成功。
 
壞消息係，MISS朱無再做了。
 


聽講佢好似搵到頭好人家嫁左。
 
又有一個人執MK妹手尾，都算係件好事黎既。
 
而我，就終於都可以正正式式咁做一個講野好叻既小朋友。
 
終於到左識講說話既「合理年齡」。
 
我亦終於單刀直入咁問VICKY。
 


「媽咪，爸爸呢？」
 
「……唉……仔，唉……」佢無再講野。
 
之後一個星期六，佢帶左我去荃灣。
 
「我帶你去見你爸爸。」當日一早，佢就咁同我講。

我地巴士到達荃灣，再轉小巴。
 


而我亦大約估到點解我咁耐都未見過我老豆。
 
最後，我地到達目的地──竹林禪院。
 
睇怕我老豆都應該係賣緊咸鴨蛋。
 
我地一路行入去，我就一路更肯定。
 
最後，我地行到靈位前面。
 
我一望到個靈位，我即刻衝左出去佛堂外面。
 
我不停嘔，不停嘔。
 
痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！痴線！


 
靈位個名係：詹正光；詹陳思娜
 
我今世，係我自己既私生子？
 
痴線！
 
到底我上世留左幾多風流帳？