<<現代驅魔文獻>>: 第七十七章：地藏獸周亭情誓 銅鑼灣昆吾留賓
第七十七章：地藏獸周亭情誓 銅鑼灣昆吾留賓
（昆吾篇）八十一日街頭抗爭終於結束了，想不到最終我真的創立了本土圖騰。在佔領運動中更認識了一位不屬任何圖騰的轉世驅魔師，名叫陸吾，江湖人稱躍洞蛟。
陸吾是個陽光型帥氣的廿四歲男生，擅使一根六尺長鐵棍。他翻筋斗如入無人之境，的確就是一個飛躍道高手。而且他頭腦靈活，與我們政治立場一致，所以也加入了我的本土圖騰，同時擔任我們的軍師。
除了荃灣向氏圖騰，經馮夷和陸吾的努力，已經成功游說柴灣共氏圖騰、北角陳氏圖騰和西環趙氏圖騰跟我們合併了。他們也很支持及認同我們的本土理念，由我們香港人自己解決和處理所有問題，只要我們團結便能抵抗伏羲圖騰強大的打壓和蚩尤復活的戰爭。。。
12月27日，下午三時正，在馮夷銅鑼灣的私竇裡，雲集了眾人坐在一起，是天琦幫我約了香港一些志同道合的大人物商議我們本土圖騰與他們合作之事。
他們已齊集坐在私竇的大廳裡，我領著身後的馮夷、陸吾一起進去，我基本上在這幫人中只認出兩、三個，很多人也不認識。
天琦站起為其他人介紹道：
「呢位就係我同大家提過，今日想介紹俾大家認識既昆吾。係旺角抗爭果時，幾十條差佬圍佢都唔係對手，而且係民主方面同我地都有一樣既理念。」
我向所有人抱拳，說：
「大家好，因為我地唔習慣握手，都係抱拳作禮。係我身後既，叫陸吾，係我地既軍師。另一位係馮夷，亦都係呢個私竇既主人。」
馮夷和陸吾也跟他們抱拳，天琦再為我介紹他們：
「昆吾，呢兩位係我既戰友台仰同東昇。隔離係勇武派既翰林，戴住V煞面具果位叫逸朗，民族派既浩天、阿輝、頌恆、俊傑、阿澤。同埋最後應該大家都認得既阿鋒同周亭亭。」
我盡力地記住他們的名字同時，我發現那個阿鋒旁邊的周亭亭一直就盯實我。她算不上是個絕色美女，但她齊陰的長髮，圓圓的眼睛，包包的臉龐，確是叫人不禁多望兩眼。
很快馮夷發現了我定著神跟周亭亭對望，就如無人在場。他撞了我一下，回過神後，我們正式坐下開會。
我先說話：
「我地呢班人雖然身為驅魔界，但而家政府無道，我地身在其中，無辦法唔為我地既香港思量思量。」
阿鋒說：
「昆吾大哥主張既係？」
「我覺得除左獨立，根本無任何方法。」
頌恆說：
「咁你有咩諗法同我地合作？」
陸吾已代我回答大家，說：
「其實昆吾既意思係，我地本土圖騰而家已聚眾四百幾人，無論人力財力都可以支援各位。」
此時看見阿鋒眉頭一皺，我補充說：
「我知道而家在座咁多位都可能已經有自己既組織或隊伍，而我今日搵天琦邀請大家黎，並唔係想將大家合併一齊。而係希望俾大家知道，如果大家以後係同港獨相關既行動，我地一定人力財力相繼支援！」
馮夷再說：
「其實我地只係想大家可以唔同勢力團結起黎，唔好分散。」
之後大家也各抒己見，不斷聽取大家對民主、抗爭路上的理念。周亭亭在討論過程中，也不時偷看我。這是什麼原由？對我有好感？沒有理由我比不上在座任何一位義士吧。
在最後結尾時，我們也大慨得些總結。
陸吾先說：
「之前大家既光復上水、元旦遊行、驅蝗行動，直到岩岩完既佔領運動，都係體現出大家係一等一既英雄好漢。」
阿澤也在點頭，浩天說：
「我認為呢種行動可以持續，而且容易俾廣泛市民認識我地。」
馮夷插嘴說：
「逸朗，你係代表勇武派出席，你好似未有咩意見？」
逸朗終於發聲，說：
「好簡單，我認為我地可以再激進啲。」
這個逸朗真是說到我心裡去，聽其他人的說話一直就只是一些普通的示威行動，未能找到個知音。之前陸吾已叮囑過我，因為這幫人的心底在想什麼還未清楚，我們不能隨便講出其實我們正想武力抗爭的意願。
現在難得終於在這幫人中，除了天琦他們外，還遇上逸朗。他一個的意願正合我意。看來勇武派真是人如其名，應該最能與我們本土圖騰合作。
在繼續的討論中，會抽煙的也在抽著馮夷珍藏的古巴雪茄，大家亦品嚐著八幾年、九幾年的紅酒，一直討論著抗爭運動以後的路。
中途，我在洗手間門口碰到了周亭亭，我本來打算直行直過，因為我知道洗手間總會遇上麻煩事。。。
果然如此，她叫停我，跟我對話了，說：
「昆吾。。。」
我無可否認心跳加速了，回應道：
「係，周亭亭。。。」
「呀，其實同我熟既人都叫我周亭OK架喇。」
「周亭，今日好高興認識你。」
「昆吾，你真係好特別。」
我尷尬地說：
「有咩咁特別，咪又係普通驅魔師一個。」
「唔知呢，我係抗爭路上咁耐，從來未見過一個好似你咁有心，咁有決心既人。」
「唔會啊，阿鋒都好堅啊。聽講個江山都係你同佢一齊打番黎架。」
「點講呢。。。頭先聽你講對香港出路既睇法，我覺得你就好有皇者風範。如果第日由你帶領我地香港既泛民，先真正有出路。。。」
「周亭你太誇喇，我只係比你大一級既大學生黎姐。」
「我講真架，如果有機會我都想可以幫你手。。。」
「我地唔係只在政治路上跑既人，你要記住我仲係一個驅魔師。本土圖騰係一個要面對妖魔鬼怪，可能隨時無命既組織。。。你就留係阿鋒到啦，我呢邊唔適合你。」
「雖然我唔係好明你講緊咩。。。但我尊重你既決定，就等我證明我都有資格成為你一員，等你俾我加入你既本土圖騰啦！」
我搖頭笑了，說：
「等你有機會知道咩係惡魔先講啦。」
周亭突然撲過來抱緊我，說：
「我會努力，從來我都係女漢子！」
我沒有抱回她，甚至把她推開說：
「但你岩岩呢下已經唔係女漢子吧。」
「我係，因為我岩岩唔係為左攬你，而係攞你電話咋！」
我摸摸自己的褲袋，真的被她偷了我的電話！這個周亭也狡猾呢！她在我面前按我的電話打給她自己。
周亭說：
「好喇，而家我有你電話喇！」
我奇怪地問：
「你要我電話做咩？」
「答你先都得，但你要應承我一樣野先。」
「周亭小姐，聽講我地今日先識，咁快就要同你做承諾？」
「總之你應承我先啦，一定唔會為難你既野，只係你一定做到既小事。」
「既然係咁，好啦。」
「你要保護我，唔好俾人蝦！呢個就係承諾同攞你電話既原因。」
「周亭，估唔到第一次見你就咁奸！哈哈！」
「昆吾，我會記住你，第日我地一定會再見！」
「我諗機會唔大喇，我見阿鋒今日傾計既態度睇黎同我地呢班人都未必太岩。」
「可能我地會係另一個場合再見呢！記住喇，你要保護我一生一世架！」
這時馮夷正在走過來，偷笑地說：
「喔！周亭原來你係到，阿鋒話有事要走先，正想叫埋你。」
周亭有少許紅著臉回答說：
「哦，好啊，唔該你馮夷。」
看著周亭的背影離開，馮夷便偷笑地進了洗手間。
晚上九時大家也開始離開了，我們三人繼續坐在大廳。馮夷取瓶新紅酒，我笑說：
「你同軍師飲啦，我都係飲番我既花雕，哈。」
馮夷笑說：
「真係唔知你幾時開始學埋大撓前輩咁飲花雕，軍師不如我地都陪昆吾一齊飲花雕，點睇？」
陸吾說：
「講打我就唔夠昆吾黎姐，講飲真係無次試到真功夫。黎啊昆吾！」
我微笑地說：
「講番正經，頭先點？」
馮夷奸笑地說：
「正經？聽講頭先我同軍師係到摸底，但有人係到媾緊周亭BB呢！呵呵！」
我說：
「邊有。。。佢只係同我講下佢係阿鋒到幫手既野。」
馮夷再取笑說：
「保護人地一生一世叫傾公事啊，真係服左你喇。」
陸吾向我乾了一杯，說：
「馮夷兄弟啊，係人都知我地個昆吾大哥係情聖黎架啦！你個妹都中招啦，更何況而家呢個得十八歲既妹妹仔周亭，哈哈。」
我幫他們倒酒後，我向陸吾抱拳說：
「好喇好喇，你地唔好再笑我喇。講真，咁軍師大哥你頭先傾成點呢？」
陸吾說：
「咁講正經喇，全日傾左咁耐，阿鋒好明顯背後有財有勢，佢都係想睇下我地呢邊搞咩姐，一樣係摸底。其他好多都係有啲熱誠既，但大多都係誇誇其談，不切實際。唯獨。。。」
馮夷跟我一起異口同聲說：
「勇武派！」
之後我跟馮夷擊掌互笑，陸吾再說：
「兄弟不愧為兄弟，諗野都一致。無錯，好多都只想由2015區議會想入到局，只有勇武派係有意圖準備策劃一系列既武力抗爭，真真正正想獨立。」
我們正想再討論時，外面不知來了什麼爭吵聲，馮夷出去了解。門口接待處傳來一把男聲在吵鬧，說：
「做咩唔賣酒俾我！我見你又有雪茄又有紅酒！」
接待處的美女服務員只是說：
「唔好意思啊先生，我地呢到只接待會員，唔好意思。」
那男聲好像已喝醉似的，繼續說：
「咩會員啊，樓下又寫住賓館，而家又唔賣酒俾我！」
馮夷說：
「先生唔好意思，賓館係再樓上，我地呢層係私人雪茄CLUB，麻煩請你離開啊。」
醉男大聲說：
「你講野啊！睇少我無錢啊！我而家就入會！」
馮夷再勸時，聽到他們的動手聲，我也和陸吾行出去了。我認得那醉男正是柏常，我叫停了他們。
柏常看來太醉還未認出我，說：
「哼，低B仔。唔係我對手驚啊，慢左喇！」
柏常拔出背上的雙劍，我也取出昆吾劍。他左手將劍轉了一圈後變成反手握劍向馮夷劃過去，我及時把馮拉後，自己已向前刺攻。柏常的劍仍然很快，但我也不俗，幾下格擋已看穿他每次攻擊。
我速度很快地轉身用劍由上向下劈，力度及速度同時兼備，柏常不得不以雙劍叉字型擋向我的攻擊。連續兩下這樣的攻擊已迫到他退後到挨著入的玻璃門。
此時我轉為反手握住劍壓向他的叉位中間制止了他，我說：
「柏常兄弟，仲記唔記得地藏獸？」
柏常這時半醉半醒地說：
「地藏獸。。。你係昆吾？」
「柏常兄弟醒醒，點解你會係到既？」
他還未答我，已經收回雙劍，掩著嘴巴跑進洗手間了，聽到不少嘔吐聲。
柏常出來後，進了大廳，我介紹了我們現在本土圖騰的情況和給他熱毛巾清醒下，並詢問他發生什麼事。
他說：
「唔該曬昆吾兄弟。。。唉，說來話長。。。」
「兄弟請講。」
柏常說了宋廣進找他押運及家族的事情後，他嘆氣說：
「呢條仆街赤松子聯同賊人劫左我架解款車後，累到我而家有國難報，有家歸不得。。。仲要俾人通緝。。。」
「不如咁啦，以後柏常兄弟你就係到落腳，馮夷呢到仲有房可以俾你住。咁之後既野再作打算，免得日後流離失所啊。」
柏常想了一會，終於答應入伙我們，總算又多位身手了得的英雄。
以後的抗爭路上和對付惡魔，柏常一定可以大有發揮。