米米蓮妖怪作品 -《再遇見到你》(長篇) (暫停刊): 第三十七集 ~ 鳳︰係時候休息吓喇，不過攪掂埋第二層先。
聽朝再修正。
================
第三十七集 ~ 鳳︰係時候休息吓喇，不過攪掂埋第二層先。
睇嚟雞仔對腳有機會醫返好喇！
(廢話！唔係你而家對腳點嚟啊？)
我都差D唔記得咗佢即係我添，唔好意思呀吓。
我而家身處喺七重妖塔裡面，而雞仔佢就同忠義佢哋喺竹林深處人家…
之前喺嗰度聽臣婆佢講話呢度有我嘅命運喺度…
我仲好直接咁以為呢度係有方法可以令我返去本來嗰度添，但係…
諗諗吓我返去又點丫，我兩袖清風，孜然一身，喺香港冇人冇物…
返去根本同喺呢度係一樣…
唉 ~ 不過算啦。
我同地藏女神嚟到七重妖塔嘅第二層，但係…
我唔知點解好似…
好似突然好感觸良多咁。
我有D掛住雞仔，掛住忠義，掛住…
掛住瑞基佢…仲掛住班衰仔，掛住香港，仲有…
有掛住D已經唔喺度嘅人，好似…師父啊，Father啊，仲包括…
佢，我師姐佢…
點解我個思鄉感覺咁強咁嘅？好似有D唔正常，所以…
我嘗試去感覺一吓呢層周圍嘅環境，我發現…
呢度有D我好熟悉嘅靈力留咗喺度，仲…
好似我自己嘅靈力。
奇怪喇，點解會咁嘅？
「喂，你俾頭先條蛇屍鰻攪到傻咗呀？做乜嘢呆咗咁企喺度啊？」地藏女神講。
「吓！？我…冇啊。只係覺得呢度有D奇怪啫…」
「奇怪！？有乜咁奇怪啫，只係一大片農地喳嘛。」
「係呢，其實…你叫咩名啊？定係你真係想我一直叫你做地藏女神啊？」
「我！？我仲係人嗰陣就叫做凌小雲。」
「嘻，你個名都幾得意噃，不過好似唔係好襯你。」
「咩唔襯啊？！不知幾襯啊，身材細小，我又好似雲咁，皮膚又白又柔軟。」
「哈，你都幾欣賞自己噃，不過我唔係咁嘅意思，我意思係你係神仙，又唔係靈魂，你個名個諧音啊；又更加唔似卡通片個小雲咁啦，佢最鍾意攪屎棍嫁，哈哈。」
「哼，都唔知你講乜。」
「係噃，小雲，你做乜跟住我啊？你唔係鍾意我呢個伯父啊？」我再取笑佢。
「黐…黐線，我…我點會鍾意你…你呢個伯父噃！我…我無聊喳嘛！鬼得閒跟住你啊！我…我…係噃，你做乜同我懶熟咁叫我小雲啊！」
「你叫小雲，我唔叫你小雲叫你咩啊？仲話自己係「鬼」，得閒跟住我喎，不過…你真係唔鍾意我呀？咁我真係命苦囉，仲諗住人到中年，魅力沒法擋添，哈哈…不過話時話，你個面仔紅晒喇。係呢，乜你哋D神仙真係咁得閒嫁咩？無聊到冇嘢做跟住我呢個麻甩佬。」
「其他嘢我唔答你喇，不過…神仙又唔會死嘅，更加冇神仙會退休，D人類做少少好事又可以做神仙噃，所以而家天上嘅神仙仲多過人類啊，好多神仙都去晒外太空管理嚧。」
「咁攪笑，太空又咩好管啊？空溜溜。」
「點知噃，我又唔係…」小雲突然停咗落嚟，因為…
(嗄 ~~~ 嗄 ~~~) 突然喺我哋遠處傳嚟D咁嘅聲。
「做乜嘢突然好似有D人地發脾氣嘅抖氣聲嘅？」我問。
小雲原來已經望住遠處…
「好似係嗰舊嘢發出嚟嫁。」
我之後都跟住佢望嘅方向望…
「乜嗰舊嘢啊？人哋妖怪嚟嫁，只不過一隻抱住咗另一隻喳嘛。」
「係咪…係咪就係你哋攪到我細佬咁？」攬住妖怪嗰隻妖怪好嬲咁同我講。
「吓！？我啱啱嚟咋喎，你細佬…」
我望到被攬住嘅妖怪下體重要部位潰爛不堪，所以我都「依呀」咗聲，之後再講︰
「你…你細佬定佢「細佬」啊？佢「細佬」好似傷得好嚴重噃。」
「你個衰人，整傷咗我細佬個「細佬」，而家仲喺度恥笑佢！？」條妖怪好嬲。
「我…我真係想打實你，我都話我啱啱嚟囉，關我差事咩！」我回應佢。
「仲話想打實我添？D靈力同你一模一樣，你唔使扮嘢喇，接我九齒釘耙啦！」
隻妖怪好唔講道理，一個泥耙就向我兜頭鋤過嚟！
(叭 ~！)
算佢唔好彩啦，我係邊個啊？陳鳳初啊！
唔好意思，而家我叫返我做陳鳳光好D，費時亂。
我一手就握實佢個釘耙，仲變得好認真添…
「你細佬受傷，我深表同情，但係我講過，佢受傷唔關我事！你聽唔聽得清楚？」
我用我教書嘅嚴格語氣同佢講，嗰種認真嘅態度就連我自己都驚。
「唔好咁啦，農夫妖怪呀，真係唔關佢事嫁，大家打交就唔好啦，不如你放開個泥耙慢慢傾丫，好嗎？」小雲想做和事佬同佢咁講。
而農夫妖怪嘅回應係…
「我…我…我好痛啊，放…放開手先…先…唔該。」
我見佢個樣咁痛就放開手。
「唔係我捉住佢啊大佬，係佢捉住我啊，仲叫我放開個泥耙…」
我哋淨係啤住佢，都冇出聲，而佢就噤住隻手。
「我個泥耙其實係我隻手嚟，我同細佬本嚟同體嘅，不過我哋又要貪玩又要貪呢度環境好，所以輪流出街囉…」佢再講。
我哋繼續冇出聲，而佢就繼續講︰
「我…我哋兩兄弟係副體嚟…」
「副體！？」小雲佢出口快過我。
「有正體咪有副體囉，正體唔關我哋事，我哋兩兄弟係副體，係呢層層主，不過我哋比較貪心，呢度D小妖怪都俾我哋兩兄弟食晒，淨係我哋自給自足嘅田鼠怪同埋 唔好食嘅稻草人喺度，成日對住D田鼠怪同稻草人好悶家嘛，我哋咪之後輪流行街街囉，點知…點知攪成而家咁…」隻妖怪竟然喺我哋面前喊咗出嚟。
「攪乜啊？我哋都冇問你嘢。而家仲要喺我哋面前喊…」我無奈到唯有咁講。
「咁人哋又唔夠你打噃，又幫唔到我細佬噃，你又捉到人哋隻手鬼死咁痛噃，我想唔喊都唔得啦。」隻妖怪再講。
我都唔記得講吓佢哋個樣添，訓喺度冇晒力傷咗下陰嗰隻…
同喺度喊緊嘅呢隻妖怪個樣係一模一樣嘅，佢哋都成個農夫咁…
一頂草帽，白色爛衫，黑色麻褲，一對布鞋，一個泥耙…
個樣就西瓜咁大個口，眼鼻都畸形嘅。
(乜你咁講人嫁…)
我同時又望吓小雲佢，原來都冇乜形容過佢俾大家知添…
佢…原來身材都幾好噃…
(鹹濕佬！)
D女人真係…望吓啫，視姦你咩？
佢個樣子都唔錯嫁，有D小家碧玉Feel囉…
(唔係你估…)
超，懶叻，身形就好似同佢之前咁講，細細粒，好易恰…
(你真覺得我好易恰咩？)
車，人哋講係咁講丫嘛，不過…係個PATPAT就大咗少少…
(小雲佢突然目露兇光) 我係時候停口，專心返於面前嘅農夫妖怪度喇。
「係呢，妖怪兄你冇事丫嘛？」我問妖怪。
「有啊，隻手應該斷咗。」
「咁你係咪想斷埋隻腳丫？」我再次認真咁對待佢。
佢亦冇再出聲，所以我就好自然咁同小雲慢慢行上樓梯，再慢慢向上層進發…
我另返轉頭，望望先見到一堆稻草人同嘔心嘅田鼠怪一齊出返嚟問候農夫妖怪…
睇嚟我嚟之前有D高手嚟打到佢哋好傷頂喇，頭先驚到唔敢出現…
不過頭先我都唔弱，一個無情力摙到隻農夫妖怪手都斷埋。
之後我冇再理佢哋，另轉頭就斯斯然行上樓上，但係我再見到一個凹位…
我又見自己辛苦咗足足成日喇，不如就喺呢個凹位度休息吓啦…
因為呢度係兩層中間，妖怪應該唔可以自出自入嘅…
我就咁坐低咗…
「喂，小雲，班唔班到支水嚟飲吓啊？」我問。
「而家我係你妹仔呀？冇水咪…算啦，俾我支水你飲吓啦。」
佢從後攞咗支水俾我，佢點解有支水喺後面我唔知，不過…
佢似乎係因為見到我個嘴都乾到白晒喇，所以就俾支水我飲…
(咔咔 ~) 我隻手突然撞到一D嘢…
係一個錦盒。
我好奇，所以…
打開咗佢，一睇，發現…
鎖匙！？用嚟做咩嘅呢？
(待續)
下集預告︰
…呢度好唔尋常，明明係應該囚禁妖怪嘅地方，但係就竟然一隻妖怪都冇…