第六十五集 ~ 鳳︰窮鬼最勁係發窮惡,會去到另一個境界嫁!
 
係真係惡攪嫁!
 
「惡鬼墓」同我細個去過嘅「百鬼墓」都係出名多鬼怪…
 
D鬼怪仲要係出名惡攪,有真係勁嘅嗰種惡攪,亦有真係惡攪嗰種惡攪…
 
所以我事不宜遲喇,立即就衝去搵雞仔同忠義佢哋。
 



 
一講曹操曹操就到…
 
我講自己,真係話咁快就到。
 
我到咗「惡鬼墓」…
 
離遠見到雞仔,立即就隨手擸起舊嘢連埋我嘅火焰力量用力…
 


唔理距離百九幾碼都掟埋去…
 
「小COW你老祖,燒完我仲要掟,哇丫丫丫丫!」
 
「丫!大佬!」
 
係我身邊一班男鬼大嗌。
 
我冇理佢哋直接就死衝埋去救雞仔。
 


我見到我掟埋去舊嘢俾「死窮鬼」接住咗,不過佢總算要稍為定神接一下…
 
所以我立即…
 
「鹵水雞腳!」(原名叫暴雨鳳凰腿,細個偷玩改嘅)
 
一腳就踩埋去…
 
點知我快時「窮鬼」都唔慢…
 
立即用「我掟舊嘢」頂住…
 
「睇嚟大佬醫返都唗藥費。」
 
我就順勢一個旋風腿 (由伏魔劍十九式嘅旋風式變化而成)…


 
佢再用「我掟舊嘢」條頸頂住…
 
「嘩!」
 
我一落地立即再一個簡單而強力嘅日字沖拳佢噗吓…
 
「呵!」
 
似乎仲未打中「死窮鬼」,所以我隨手擸起人哋個墓碑就兜頭鍾埋去…
 
「噢!」
 
「死未?」呢句我問嘅。
 


「死咗都唔知第幾次喇。」
 
「唔好意思,不過唔好阻住晒啦!」
 
我一個SIDE KICK踢開同我對話嘅呢隻「我掟舊嘢」…
 
再向「死窮鬼」攻擊…
 
「黃焰!」我諗都唔諗喇,立即狠狠咁燒埋去…
 
不過都係俾佢避開咗。
 
「嘩,你想殺咗我?」死窮鬼回應我。
 
「你要對付我三弟,我當然唔可以袖手旁觀啦!」


 
「係你三弟嚟搵我先。」
 
「Eee…你冇聽過惡人先告狀咩?」
 
「惡人!?好!我就俾你睇咩叫惡鬼!睇吓惡鬼惡D定惡人惡D。」
 
佢一講完呢句就立即爆氣…
 
「哈!窮人發窮惡,窮鬼發窮癲,墓穴之靈,借我力量!」佢大嗌。
 
喺呢個時候…
 
「大哥,你攪咩啊?佢激發佢老能量喇!」雞仔終於出聲。
 


「咩係老能量?」我問。
 
「好耐都唔出嘅能量囉。」
 
「我理得佢老能量定正能樣,我照打可也,我唔出手,佢應該夠力殺咗你!」
 
「呢個我明白。」
 
「咦,請問你又係邊位啊?」我問前面講呢句條友。
 
「你好,我叫金…金玉麟。」
 
「哦,我識你,我識未來嘅你。你攪咩啊?」我回應佢。
 
「我…未…未來!?咁我未來咩樣嫁?係咪仲係好似而家咁靚仔。」
 
「Eee…未來嘅你靚仔好多。」
 
冇辦法唔呃佢,因為佢似乎俾人打得好傷…
 
而家成個豬頭咁。
 
「喂,雞仔,金玉麟攪咩啊?」
 
「下集到我話返俾你知丫。」
 
「Okay!」
 
「你有冇當我有到啊?我發緊輸惡嫁!」死窮鬼講。
 
「有!不是我當你遲到,嗱嗱聲搵訓導主任簽返張紙。」
 
「哦!」
 
佢想轉身就走,但係諗諗吓返番轉頭…
 
「唔好意思,請問訓導主任響邊?咦,唔係噃,請問咩叫訓導主任?」
 
「訓導主任你都唔識?死啦,收你皮,鳳凰七重天,黃焰!」
 
我襯佢陪我白白痴痴,立即嚟招剎佢措手不及…
 
點知佢都係回得切…
 
「好在,你條陰濕佬丫!」
 
「雞仔,順便教吓你嘢,你知唔知死窮鬼勁咩丫?」
 
「窮在路邊冇人問。」雞仔回應。
 
「咦,點解你識嫁?」
 
「我同佢頭先打咗一段時間,係佢自己講。」
 
「冇錯,佢下一句就係窮到山墳有遠朋,佢犀利嘅地方係佢有無窮無盡嘅鬼力,所以打極都唔會攰,仲要每吓都好似一大堆鬼打埋嚟咁,所以力量好大。」
 
「係啊,佢的確係打極都有力咁,其實我同佢都打咗幾耐吓。咁…鳳光大哥,對付呢類妖魔鬼怪要點打呢?」雞仔問。
 
「GOOD!虛心學習,學嘢啦!死窮鬼,發盡你嘅窮惡啦!」我講。
 
「係你叫嫁咋,唔好怪我啊,哇丫丫丫呀!」
 
佢谷到面都變埋色,仲將附近嘅靈魂都吸晒埋身,之後仲攪到…
 
連天色都變埋赤赤紅紅咁。
 
「我都係配合你咋!殺咗你哋就唔好意思啊!」
 
「睇嚟佢本來係隻血靈,即係非正常死亡嘅妖靈,偏向血系,血系妖物最鍾意發惡令到個天變紅色。」我教雞仔。
 
「點解啊?有作用咩?」雞仔問。
 
「有,即係將局部地方變成自己主場或者叫有利自己嘅環境。」
 
「咁佢原本就咁好力,而家仲要嚟個主場,大哥你有冇信心嫁!」
 
「借你金劍一用,一定贏!」我回應雞仔。
 
「好!」
 
「大哥,你有冇問過我啊?」金玉麟問。
 
「唔使問你,我保證你爽就得啦!啱嗎?」我回應佢。
 
「啱聽!」佢回應我。
 
我哋時間啱啱好,一傾掂數,超級死窮鬼就衝埋嚟…
 
都唔記得形容吓佢個窮酸相添…
 
咪就係大隻咗二三個碼,肌肉有D大舊到肉肉酸酸咁,不過靚仔咗…
 
「山窮水盡而無路!」
 
但係估唔到佢出招咁文雅,事實佢係用掟D墓碑嚟封我路再直衝埋嚟…
 
見佢咁優雅,我都忍唔住接招…
 
「柳暗花明又一村!」
 
我係用咗兩吓「橫削式」再用咗兩吓「旋風式」
 
「窮途未必係末路!」
 
扮晒嘢,其實佢係想封我後路…
 
「絕處也可以逢生!」
 
我當然一劍「衝擊式」衝返條後路出嚟…
 
「窮則變!」佢變陣!
 
「變則通!」我回應變陣!
 
「窮追不捨!」佢擸起塊石碑死追我嚟打!
 
「捨我其誰!」我一劍拮埋佢隻手度…
 
「窮兵黷武!」佢突然變出幾十隻小鬼想包圍我!
 
我差D中伏,立即認真起嚟…
 
仲揸實金劍,倒轉插地,嚟個…
 
「反擎天式!地堂旋風劍!」
 
一劍刺中十對鬼腳,再…
 
「拖劍式!順劈九連劈!斜斬!」
 
立地,一轉手,順勢一拖,一個斜斬KO晒十隻小鬼…
 
「窮途末路?」
 
「窮,寇,莫,追。」我回應佢。
 
「多謝高手!」
 
我雖然好似好簡單咁贏咗,但係其實我谷得好盡吓,而家隻手都震緊…
 
而死窮鬼就好似好多謝我同好欣賞我咁…
 
佢仲爆咗個秘密我知。
 
「高手,我知道你哋就嚟要去七彩個武林聚會,我有個秘密講你知。」
 
「好啊,你講啦。」雞仔出聲,順便用手俾咗個「GOOD」我。
 
「我都係聽返嚟,呢次七彩武林聚會係一個陰謀,似乎係有人喺幕後操縱。」
 
「你邊度聽返嚟?」我問。
 
「窮在山墳有遠朋,我D遠朋講嘅。」
 
「好!我信你,我最多小心D,因為我一定要去!」
 
「點解?」
 
「我三弟個師姐我一定要救!」
 
「大哥!」雞仔。
 
之後,死窮鬼返咗去休息,而我哋就去匯合返大家…
 
「喂!你又話俾我爽嘅?」
 
「吓!?咩你唔爽咩?我好爽噃!」我回應金玉麟。
 
「你老祖丫,信唔信我攞你嚟爽丫嗱?」
 
「得啦!當我欠你嘅,下次俾你雙倍爽!」
 
 (待續)
 
下集預告︰
 
「主人,稟報,未發現其他六派有任何異樣!」
 
已有 0 人追稿