一早起身梳洗完,我就一邊食住個早餐,一邊睇下D單據...

係Amy寄俾我既單據...

呢對情侶做野都真係幾快手~

咁快就寄D單黎問我拎錢~

果然真係夠晒貪~



貪婪喔~七罪宗~

其實D單喺我尋晚放工返黎就已經收到~

只係我一直都仲回味梗同飛揚BB相處既美好時光,唔想俾呢D無謂既野影響到心情,所以先放埋一邊唔理佢住~

但就算點唔想理佢...都總有要理佢既時候~

呢對貪婪既情侶都算幫得手~我就無謂要佢地久等~



打開D單據睇一睇...

有名牌手袋…有名牌時裝既...有名牌手錶既...有名牌化妝品既...有名牌護膚品既...有高級餐廳既...有五星級酒店既...有頭等機票既...有高級套房既...

加加埋埋...都幾十萬…

你地都真係幾識使架喎...

雖然話就話幾十萬對我黎講真係散紙黎~



但喺咁短既日子裏面可以使成幾十萬…會唔會痴線左D?

唔好話全數都係使喺嗰個Ashlynn身上...我就係計你七成...七成用喺Ashlynn身上都太過份喇掛?

你一個月搵唔到搵到咁多丫?

你一個月可以使飛揚BB幾多丫?

唔怪得私家偵探話飛揚BB個銀行戶口月月清...

咁俾佢使法...月頭就已經係月尾...

我真係有D心痛...

我心痛飛揚BB咁辛苦搵錢俾佢使...仲要俾帽飛揚BB戴...



嗱!你地唔好話所有野都係由我一手搞成架!

牛唔飲水唔撳得牛頭低呀!

我咁做都係為飛揚BB好架咋!

等飛揚BB可以及早脫苦海丫嘛!

唉~都係唔好諗咁多~快D開埋張Cheque好過~

寫好左張Cheque之後,我就換上一條淺藍色V領連身短裙仔加藍白間條婆仔鞋~

短裙仔~短裙仔~飛揚BB咁鍾意望我對腳~我就要著多D短裙仔色誘下佢~



喺塊全身鏡前照多照~確保夠晒靚女就揸返我架Lamborghini Aventador LP 700-4 Roadster返工~

今日都有D早~仲早過尋日~

我泊好架車,行過個郵筒之時...隨手放封入左張Cheque喺裏面既信封入去,就行返去公司~

我行到黎公司間大廈既門口~睇一睇隻錶...

『八點三十九分...』唔知飛揚BB返左黎未呢?

正當我諗下諗下咁行入大堂之時...

「Emma~Emma~嗄嗄…」我聽到飛揚BB把聲...

我轉一轉身,望住飛揚BB揮住手:『飛揚~早晨丫~做咩跑到索晒氣丫你~仲有時間喎~』



飛揚BB跑到索晒氣咁黎我面前...

飛揚BB雙手壓住膝頭哥抖一抖氣:「嗄...唔想要你等我返黎開門嘛~」

我眼定定望住飛揚BB:『就係因為唔想我等,所以你跑返黎?』

「嗄...可以咁講啦...哈哈...」

我忍唔住心中既喜悅...笑笑口咁講:『你真係好特別~』

呢個飛揚BB真係...唔想我等...就跑到索晒氣咁返黎...

你真係...



『你塊面...』我再用心打量一下飛揚BB塊面...

飛揚BB塊面好似...好似紅紅地咁...

而且仲紅到好似...好似...

「無~我跑過黎跑到塊面都紅姐~我地上去先啦~」飛揚BB撳一撳住塊面咁走入大堂~

跑到塊面都紅?

唔...我就覺得似係俾人打左兩巴咁喇~

不過飛揚BB話係跑到塊面都紅埋就係跑到塊面都紅埋啦~

開開心心同飛揚BB返到上公司~

尋日飛揚BB俾我既工作就喺尋日已經搞掂晒~

而且仲已經Send埋俾D客~

飛揚BB都無過問~而且仲好放心咁繼續交D野俾我做~

睇黎…飛揚BB應該就已經肯定左我既能力~可以好放心咁俾我幫佢分擔工作喇~

飛揚BB果然係慧眼識英雄丫下~

如飛揚BB做老細既話...我諗...都會係一個明君黎既~

而今日既飛揚BB望我對腳既眼神...好似有D...有D唔同...

我留意到...今日飛揚BB每次望我對腳既眼神都好似...好似...好似個品評家咁~

就好似去左藝術展欣賞梗藝術品咁~

飛揚BB係欣賞我對腳嘛?

覺得我對腳真係好似藝術品咁靚嘛?

呢個飛揚BB~𥄫人對腳都𥄫到好似欣賞梗件藝術品咁~真係好鬼特別~

我就唔打擾飛揚BB欣賞我對腳既雅興~繼續一邊擺下搖下踢下對腳仔~一邊工作~

做下做下野~又同飛揚BB傾下傾下~好快又到十一點~

『係呢~老闆仲未返既?佢幾時先會返丫呢~』我一邊望住部Mac機畫下畫下個平面廣告,一邊同飛揚BB傾下計~

「我諗差唔多架喇~」飛揚BB亦都一邊望住個Mon一邊同我傾下計~

『咁佢返左黎咪無得同你傾住做囉...』我有D失落...

姑丈返黎既話...咪無得同飛揚BB二人世界囉...

「咁又唔會既~老闆入左房之後就好少出黎~唔係講起佢既野應該無問題既~」飛揚BB用上把好似氹梗小妹妹既口吻~

『係咁就好喇~我最鍾意同飛揚傾計~』又可以Keep同飛揚BB二人世界~

就喺呢個時候...

“咔”一聲響...係公司大門打開既聲響...

「老闆返黎喇?」飛揚BB企一企起身...

「推得門入黎緊係返黎啦,唔通出去咩死蠢!」姑丈對飛揚BB既態度勁差咁囉...

作死你丫...咁樣對我既飛揚BB...

我喺道都係咁既話...睇你平時對飛揚BB既態度都唔慌好得去邊...

好!

『老闆返黎喇?』我亦企左起身~

就等我教訓下你!

「坐坐坐~唔駛咁客氣既~」姑丈對我勁客氣咁~

姑丈買我怕?

就緊係唔係啦~

『唔得既~你係老闆黎架嘛~我緊要對你客客氣氣架啦~呀~今晚我返去爺爺道食飯~同佢講下都好喎~』我用食指掂一掂自己個櫻桃小嘴~

姑丈係買我爺爺怕姐~

佢係怕我會喺爺爺面前打小報告~

我姑丈既所有,都係由我爺爺“借”俾佢既~

而我爺爺就最錫我架喇~

當正我係掌上明珠咁愛錫~

如果俾我爺爺知道姑丈蝦我既話,實收返晒佢所有所有野~

到時就算係我姑姐出面求情都無情講~(而事實上,爺爺都一直等梗呢個機會...等梗機會一次過收返晒姑丈既所有!如果唔係...又點會咁順攤俾我入黎工作...)

「唔好唔好~千祈唔好~」姑丈耷晒頭咁~

知驚喇咩?

『咁你應該點回應飛揚向你打招呼呢?』我望一望飛揚BB~

姑丈望一望飛揚BB,立即行到飛揚BB面前:「我返黎喇飛揚哥~」

「歡迎返黎...」飛揚BB好似唔係咁好意思咁~

使乜唔好意思~有我係道,我係唔會俾姑丈難為你架~

「唔歡迎~唔歡迎~咁滿意啦呵~我返入去先喇~」姑丈烚熟狗頭咁行返入房~

飛揚BB望一望我~我就向飛揚BB打左個眼色~咬住個嘴唇俾左個“LIKE”佢~

只要有我喺你身邊,我係唔會俾任何人難為你架~

『哈哈哈~係咩?』

「真架~」

『只要係你講既我就信!』

「OK咁啦~我個Friend個女朋友都話唔差架喎~」

『嗯嗯~得閒一定要試試~』

同飛揚BB有傾有講咁工作~真係好幸福~

講真一句,有乜幸福得過可以同深愛既人一齊工作~

仲可以成日都對住~

仲可以成日都有傾有講有笑~

時時刻刻都可以身處同一個空間~

我既世界有佢~佢既世界有我~我地既二人世界~

有講有笑就做到十二點~

時間過得好快,開心既時間過得特別快架嘛~

『係呢~等等我地食咩好呢~』我托住個頭~咬住手指咁問一問飛揚BB~

「等等丫...」飛揚BB諗左一諗,「等等我要去見客喎~今日應該同唔到你食喇...」

『下...』我苦瓜乾既面孔望住飛揚BB,『你去邊道見丫?』

今日只係一齊過左一個朝早...唔夠喉囉...

「個客約左去迪士尼酒店間華特餐廳見喎...」飛揚BB已經執好野...準備出發咁既款...

就喺呢個時候,姑丈由房行左出黎:「喂飛揚!你等等係唔係去迪士尼見客?幫我係咁易買條頸鏈返黎!」

去迪士尼…見客…

去迪士尼見客都算係做公司野...做正經野...

『老闆~我可唔可以跟埋飛揚去見識下丫?』我企一企起身~

「咁...」姑丈諗左一諗...

『咁即係得啦~飛揚我地行啦~』我立即拎起個手袋仔~拉住飛揚BB出左公司門~

你估我仲會俾機會你諗咩藉口留我喺道咩?

我同飛揚BB好快咁入到升降機之後...

「Emma...咁會唔會唔係幾好呢?話晒佢都係你老闆...」飛揚BB好似有D擔心...又有D唔忍心咁...

呢個飛揚BB會唔會真係太易心軟丫?

係~易心軟唔係話唔好~都要睇下對住邊個先得架~

對住細妹對住女朋友對住老婆對住個囡易心軟就話姐~

對個咁既衰人喎...咁都心軟?!

『你都唔忍心由得我單獨同個鹹濕佬一齊架...』我扁扁地嘴…

「條仆...老闆鹹濕過你?!」飛揚BB勁緊張咁~

見到飛揚BB咁緊張既樣,就真係好想笑一笑~

不過都係要忍下...忍下笑...唔可以笑出黎~

『都好耐之前既事LUU...』我欲言又止咁...

「條仆街唔係人黎架!等我上返去打鑊佢!」飛揚BB勁嬲嬲豬咁起勢咁撳個掣!

睇見飛揚BB個嬲嬲豬樣,真係勁可愛囉~

十足十個小朋友咁勁天真~

『你冷靜D先~你冷靜D先~』我捉住飛揚BB隻手~『咁我又無乜蝕底到既~我細細個就好識保護自己~每次嗰個鹹濕佬借頭借路想埋我身既時候,我都會走開~你放心啦~我唔蠢架~』

要知道,細細個既我已經一D都唔簡單~

係人係鬼一眼就睇得出~

我又點會俾自己有蝕底既機會~

『而家仲有你保護我,我就更加唔駛驚啦~』我又對飛揚BB打左個眼色~

而呢點先係最重要~

一直以黎我都好識得保護自己~

但而家...有飛揚BB喺身邊...我就可以好放心咁交個人俾佢~

因為我知道...一個咁體貼...咁細心...咁有愛心...咁有安全感...咁無微不至既男人...係會好好咁保護佢身邊既人~

唔會俾佢身邊既女仔受到傷害~

係唔捨得俾佢身邊既女仔有任何損傷~

行到出大廈門口,我就半開玩笑咁問一問:『飛揚~仲敢唔敢坐我車?』

「敢~不過...」飛揚BB諗左一諗,「你唔想坐米奇列車咩?」

我眼定定望住飛揚BB,再散發天真爛漫既笑容:『好丫~我好耐都無坐過喇~』

我都真係...真係好耐都無坐過米奇列車喇~

我更加無諗過...可以同到飛揚BB一齊坐米奇列車~

可以同飛揚BB一齊坐米奇列車~可以同飛揚BB一齊坐米奇列車~好期待呢~

帶住期待既心情,同飛揚BB一齊行到黎地鐵站~

「喂~你有八達通架嘛?」飛揚BB突然問一問喎~

『我緊係有啦~』我立即喺個miu miu銀包拎左張八達通出黎~

八達通仲方便過信用卡~我又點會無~

「有錢架嘛?」飛揚BB用上爸爸咁既口吻~

『緊係有啦~你當我細路女咩~』我谷一谷起塊面豬登!

做咩姐...我大個女架喇~再唔係以前嗰個任性既細路女丫~

「唔係唔係...」飛揚BB仲係有D疑惑咁既樣...

而家係唔係唔放心姐~

成個爸爸咁~

做爸爸緊張自己個囡之餘,都要識得放手俾佢行架嘛~

飛揚BB成個慈父咁,第時一定寵壞個囡架~

唉~到時就真係辛苦我喇~

上到地鐵~都好似無乜人搭車~我地仲有位坐添~

又話地鐵好多人搭既?又話多到上都上唔到車既?都唔係講到咁誇張姐~

我坐一坐低~雙腳緊合~雙手放就喺條短裙仔上~

喺公眾場所係要保持儀態~唔可以失禮~

坐喺我身邊既飛揚BB除左自己件西裝褸,蓋到我對大髀上:「地鐵D冷氣好凍架,小心凍親對腳。」

我就點點頭:『唔該。』

飛揚BB真係好細心~好體貼~

知道車廂既冷氣凍,就除件西裝褸俾我暖下對腳~

而更細心更體貼既係,飛揚BB知道車廂裏既男人都望住我對腳~唔想我蝕底~所以就用佢件西裝褸幫我遮一遮~

講真丫~你班麻甩佬真係以為我地唔知咩~

真係以為我地咁笨唔知你地𥄫我地對腳~仲留意住我地幾時會唔小心走光~影我地裙底咩?

其實好多時都係我地無乜所謂~扮唔知~由你地咋嘛~

反正俾你地𥄫下~影下相都唔係話好蝕底~

你地可以做得D乜姐?最多咪返到屋企對住我地D相黎J~

又唔係真係對住我黎J~

總之你地對我D相有幾興奮都好~興奮到射埋出黎都好~射到虛脫都好~只要唔係喺我面前對住我黎J,我都唔會理~

『唔該晒你件褸~』去到中環站轉車,當我想將件褸俾返飛揚BB之時...

「唔駛俾返我住,一陣仲有機會用得著。去到迪士尼先俾返我啦。」飛揚BB同我一齊行過去扶手電梯~

飛揚BB讓我行上前先~再喺我身後細細聲講:「我喺你後面擋住,你再用我件褸遮一遮後面,咁咪唔怕俾變態佬望~」

我就照樣行左上飛揚BB前一級扶手電梯,但我就無將飛揚BB件褸放喺後面~

我雙手攬住飛揚BB件褸~

好溫暖~好有安全感~

只要有飛揚BB喺我身後,我就感到無比既安全感~

一直行到去香港站月台~我都仲係攬住飛揚BB件褸~

飛揚BB同我並排咁企喺塊玻璃門前~我就望住塊玻璃門裏既自己...又偷偷望一望由玻璃門倒影出黎既飛揚BB...

望多兩望...偷偷再望多兩望...

『做咩唔問我點解唔用你件褸遮遮?』我攬住飛揚BB件褸望住佢~

「下...」飛揚BB呆左一呆~

『因為係你...我唔介意...』我堅定不移咁望住飛揚BB~

只要係飛揚BB...只要係飛揚BB...

只要係飛揚BB既話...就算係喺我面前...望住我...望住我黎J...射到落我身上...我都唔會介意...

因為...因為你...

『因為你係一個好男人...』我帶一絲絲微笑...

當然就唔止係好男人咁簡單啦~

仲因為...因為你係我最愛既男人~最愛既米奇~

「好男人...世上無好男人架...」飛揚BB傻下傻下咁笑笑口~

『有...我曾經遇過一個...』我情深深咁望住飛揚BB...

眼中既飛揚BB...除左係而家眼前既飛揚BB...仲有係戴住米奇頭既飛揚BB...

一個要我應承佢唔可以再咁任性既飛揚BB...

係你...係你教識我做一個好女仔...

係你...我只會為你做一個好女仔...

我要做一個...你會愛上既好女仔...

只有你...我只想你愛我...就好似我愛你一樣咁讓你一個愛著我...

「往東涌既列車會係兩分鐘後到達...」

我繼續攬住飛揚BB件褸笑一笑~

「The train for Tung Chung is arriving...」

唔知飛揚BB感唔感受到我既心意呢?

我想...我想佢可以感受到~

但我又怕...我又怕讓飛揚BB感受到...

所以...所以我都唔敢將我對飛揚BB既心意,完完全全毫無保留咁表露出黎...

因為...而家仲未係時候...

而家仲未係適當既時候...

Ashlynn…最大既阻礙...

但而家既情況係...Ashlynn已經做出背叛飛揚BB既事...

只要...只要再過多幾日...我相信只要過多幾日...過多幾日就可以...就可以令飛揚BB得到解脫!