《情困之時，我遇上了自稱情性的情聖》: [Case 12－重來一次] PART 07
“叮叮叮叮叮叮叮叮叮叮叮叮叮”鬧鐘響左好耐...
『唔...唔...天...天光喇？』我都唔係好願醒...
我都好耐無試過聽到鬧鐘響...
我都好耐無試過要鬧鐘響醒我...
我真係好想可以繼續瞓落去...
因為我真係好攰...
因為我尋晚...破左戒...
嗱！我唔係同Zoe有D乜野越軌行為丫！
我只係陪Zoe陪得夜左...過左十二點咋...
真係純粹Dry陪架咋！
咁尋晚Zoe喊極都唔停咁...唔通唔理佢咩...
我就緊係要喺佢身邊，陪住佢...氹下佢架啦...
『唔好喊～唔好喊～生日唔喊得架～』我拎住張Tempo...手忙腳亂咁...
「嗚呀呀呀呀！！！」Zoe就喊得越勁...
『黎黎黎～唔好喊～唔好喊～喊到成隻花面貓咁喇～』我就用張Tempo幫Zoe印下面上既淚水...淚痕...
「嗚...嗚...Sorry...我太失儀喇...」Zoe拎一拎我手上張Tempo，低住頭咁幫自己抹眼淚...
『唔...唔緊要...喊左出黎會舒服D既...』我講梗咩呢？點解好似咁矛盾咁既？
「嗯...嗯...我都忍左好耐架喇...一直都忍住忍住...」Zoe忍一忍淚水…
『我都明既...做小三…好多時都係有苦自己知既...』我都唔係好敢講得太多...怕講多錯多…
「唔可以同人講...就連親人同好姊妹都唔可以講...」Zoe再印一印D淚水...
『嗯...』不敢有風...不敢有聲...這愛情無人証...
「Send個Message又要睇時機...怕會俾佢老婆見到...」Zoe又忍一忍淚水…
『嗯...』共你隔著空在秘密通電...挑戰道德底線...
「每次約會都要偷偷摸摸...」Zoe又忍一忍淚水…
『嗯...』即使間整個約會情調幽暗似地下城...還是算溫馨...
「出街都要搵D無乜人既地方...連拖手都要左望右望...」Zoe又忍一忍淚水…
『嗯...』多麼想跟你散步橋上把臂看著風景...但是我清醒...
「我知我唔見得光丫...我知我做人小三會俾人鬧賤格...會俾人鬧禮儀廉...但我真係好愛佢...只係我地愛在錯的時間...我都只係等佢...等佢同佢老婆離婚姐...只要等到佢同佢老婆離婚...我就可以堂堂正正...」我無左等Zoe講落去...
『乜你真係咁諗咩？』我打斷左Zoe...
「下？」Zoe呆呆咁望住我...
『你真係覺得...一個有家室既男人...同你講“我愛你”...真係可信咩？』我望住七仔既燈光諗下諗下...
「唔...」Zoe諗下諗下...好似唔願將個答案答出口...
『“我願對你承諾，從今天開始，無論是順境或是逆境，富有或貧窮，健康或疾病，我將永遠愛你、珍惜你直到地老天長。我承諾我將對你永遠忠實。”曾經...佢喺眾人面前...許下過承諾...』喺眾人面前...
Zoe無出到聲...只係靜靜地咁等我繼續講...
『曾經...佢對住佢最愛既人...許下過最真摯既承諾...』對住最愛既人...最深愛既人...
Zoe仍然無出到聲...繼續靜靜地咁等我繼續講...
『而家佢同你講愛你...你真係覺得...信得過嘛？』我望一望住Zoe對眼...
Zoe對眼充滿住...充滿住淚水…好多好多淚水...
「嗚呀呀呀呀！！！」Zoe大喊起上黎...
『唔好喊～唔好喊～無事既～無事既～乖乖～』我又手忙腳亂不知點算好...
「嗚呀呀呀呀呀呀呀呀！！！」
Zoe真係好喊得...
一喊就喊左差唔多成個鐘...
呢個鐘頭裏面，我只係識得俾紙巾Zoe...
陪住喺佢身邊...
唔知做乜好...
唔知可以做得D乜...
唔知點樣先可以令Zoe平伏落黎...
唉...我真係好笨...
都係我唔好...
本來Zoe已經無再喊...
係我又再整喊Zoe...
都係我衰...係我賤格...
陪住喺Zoe身邊好一陣子...等到佢既眼淚都快要流乾...
應該已經將積蓄喺眼裏已久既眼淚都一次過流清晒出黎...
「嗚...嗚...Sorry...Sorry...我又...我又再...失儀...」Zoe拎一拎住我手上最後一張紙巾...
『唔係唔係…係我講Sorry先岩...喺我整到你咁傷心...』我都話我會講多錯多架啦...
「唔...唔...」Zoe擰一擰頭，「你講得好岩呢...」
『嗯？』我講得好岩？
「嗯...都係我自己蠢...一直甘心受騙...」Zoe點一點頭...
『唔...』又無話蠢唔蠢既...
面對愛情...每個人都總係會痴痴呆呆...失去理智架啦...
「多謝你點醒左我～我而家知應該要點做～」Zoe帶住微笑咁點點頭...
『嗯...嗯...唔多謝...唔多謝...』其實我都無做過D乜...
陪住Zoe坐多一陣...等到Zoe抖返順條氣之後...
「多謝晒你陪我過生日～」Zoe喺大門前向我鞠一鞠躬...
『哦哦...唔多謝～唔多謝～大一歲又大個女～要開開心心丫～』喺人地生日搞到人地喊左咁耐...真係唔好意思...
「嗯～我以後都會開開心心～唔再喊～你好似個爸爸丫～」Zoe笑一笑～
『邊...邊係呢～我仲未咁有責任感呢～』爸爸唔易做喎...
「嘻嘻～咁我...返上去先喇～」Zoe揮一揮手～
『嗯嗯～夜喇～快D返去梳洗完休息下啦～』都真係夜喇...
「嗯～聽日見～」
『聽日見～』
目送住Zoe行入大堂...行入𨋢...消失喺我眼前後...
我望一望住我手上隻錶...
『十二點二十分呢...』
夜喇…真係有D夜喇…
返到去都差唔多成點喇...
今晚...我做唔到灰太狼喇...
我揸車返到屋企...
“咔”開一開鐵閘...
“咔”開一開木門...
“啪”開一開廳燈...
放一放低個公事包...除一除鞋...一步一步行入漆黑既睡房...
當我行入漆黑既睡房後，我坐一坐喺床邊...
開一開著盞床頭燈...
暗黃色既燈光照射到床頭上既一張相...一隻戒指...
我拎起喺床頭上隻戒指...拎一拎起同老婆影既合照...望住老婆既甜美笑容...
『對唔住呢老婆...今晚我...我遲左返黎...』
我好內疚...
我內心總係好內疚...
望住老婆張相...我內心充滿住內疚之情...
因為一個女仔...而無好好聽老婆話...過左十二點先返到屋企...
我真係好內疚...好內疚...
就算係瞓醒一覺...而家望住老婆張相...我都仲係咁內疚...
信守承諾...
我竟然...做唔到...
唉...
『老婆丫老婆～我應承你～一定唔會再有下次～絕對絕對絕對唔會有下次～你要信我架～』
對老婆發完誓之後，都係時候要起身梳洗準備返工～
唔可以再破戒架喇～咩戒都唔可以破架喇～
“啪啪”我拍一拍自己塊面，精精神神生生性性咁起身梳洗食左個早餐換好衫做晒早上要做既事！
我就戴一戴上隻結婚戒指，帶住微笑咁望住老婆張相：『老婆～我返工喇～我一定一定一定一定一定一定唔會再破戒架喇～等我返黎喇～拜拜～』
「凌生早晨～」樓下個看更今朝既心情特別好咁～
『早晨～』可能係贏左波掛～
抬頭望住個天空，行去停車場。
今日既天氣...都唔錯丫～
藍天白雲～仲有雀仔喺天空飛翔～
我都要提起精神～精精神神～
帶住精神既心情，行到黎停車場～
行到黎紅色既Ferrari 488 GTB旁...
“咇”解一解鎖…
“咔”上一上返車…
坐喺駕駛座上扣一扣好安全帶...
喺個軚盤上按下ENGINE START…
“吼！吼...”
『準時返工～準時返工～』
“吼～～～吼～～～吼～吼～～吼～～～”
喺高速公路上，一路上都係暢通無阻～
唔...Zoe尋晚喊左成晚...狀態會唔會唔係咁好呢？
唔...唔知Zoe今日返唔返到工呢？
唔...唔知Zoe會唔會請假呢？
我諗請假可能會好D既...
狀態唔好...返工都只係會不停咁做錯野...
狀態唔好？
或者Zoe已經無晒事呢...
或者Zoe同佢個男朋友已經無晒事呢...
真係可以無事？
第三者喎...
無事又真係好事？
第三者喎...
唔...
我一路帶住滿腦子疑問，一路揸車返公司...
吼～～吼～吼！吼...”直至到返到黎公司既停車場...
“咇”鎖好車之後，望一望手上隻Piaget...
『早十五分鐘返到黎公司～』十分好！
我既生活正常返啦～
乜我既生活有唔正常過咩？
無～無～
一直都好正常～一直都好正常～
我一直都係咁諗～諗住好正常咁返上公司～
但當我一返到上公司...就發現唔係好正常...
「你聽我講先啦！」
當我一踏入公司門口，我就聽到有把男人聲...
「你聽我講！你聽我講！」
仲要好大聲下...
「我講真...我今次真係講真！」
呢把陌生男人既聲係...
「你聽我講！我今次真係講真架Zoe！」
Zoe？
呢把陌生男人既聲...嗌左Zoe個名出黎？
「我唔聽呀！你走啦！呢道公司黎架！」我又聽到Zoe把聲...
Zoe…男人...
我一步一步行入公司...
我望一望住Zoe個位既方向...我已經望到...有班同事圍住...
我再行近D...
「Zoe！你聽我講！你聽我講好唔好？！我講真我講真！我今次真係同我老婆離婚！」
係Zoe既...男朋友...
「夠喇！你走啦！唔好再煩住我喇！」我聽到Zoe好似好難受咁...
我行到埋去人群之中...
我望到有個...肥肥地既中年阿叔...捉實Zoe隻前臂...
我見狀就立即捉住呢個肥肥地既中年阿叔隻手：『咩事？』
個肥肥地既中年阿叔呆一呆咁望住我...
唔止係個肥肥地既中年阿叔，就連Zoe...就連身邊既同事都呆左一陣...
「凌生...凌生...」過左一陣，D同事先有返D反應...
『發生咩事？你係邊個？』我好認真咁望住個肥肥地既中年阿叔。
「我係Zoe既男朋友！發生咩事都唔關你事！」呢個自稱係Zoe男朋友既中年阿叔仲要霸氣外露咁既死人樣咁望住我...
『呢道係C-Moon。唔係C-Moon既員工我就請你出返去。』我望住個中年阿叔實一實。
「C-Moon咁又點呀？！我係你地既大客！我同你地老闆好熟架！」呢個中年阿叔仲要大返我轉頭！
Candy立即喺我耳邊講：「呢個鍾生既業務遍佈台灣...我地公司既台灣生意主要都係由佢手上得黎...係我地公司四大客之一…我地唔敢得罪佢...」
『大客咁又點呀？公司有公司既規矩。未經批准邊個都唔可以自出自入。尤其係Creative Department。』我既視線一直都喺呢條仆街身上。
「你條二打六！算老幾呀？！」條仆街繼續聲大夾惡！
『我係呢個Department既Director。呢道我話事。』我捉到條仆街隻手實一實！
「Di乜春rector姐？咪又係走狗一隻！你一個月搵幾多呀？你知唔知我一分鐘搵幾多呀？我秒秒鐘幾千萬上落架！我斗一斗都幾千美啦廢柴！」條仆街噴到我一面屁！
『你鍾意點講都好，總之我而家就請你出返去。唔係既話，我Call Secure。』同呢D仆街講多都徙氣！
「Call乜春食蕉呀？你就食蕉喇！」條仆街露出一個杜汶澤既西樣...
『Call Secure。』我好認真咁望住呢個杜汶澤西樣...
「Call乜春食蕉呀？」
『Call Secure。』
「Call乜春食蕉呀？」
『Call Secure。』
「Call乜春食蕉呀？」
『Call Secure！』
「凌生，已經Call左Secure。」Candy匯一匯報。
「好！好好～你好野！我認得你！凌生丫嘛～Creative Di乜春rector呀嘛～我實同你老細講！你實無運行呀你！」條仆街就一路行出公司，一邊指住我黎屌。
『無事喇。返埋位做野。Zoe跟我入黎。』我就向住我間房行過去。
D同事見狀都立即閃返埋位扮工...
Zoe就跟住我背後...一直跟喺我背後行...
入一入房...
拉一拉埋窗簾…
「凌生對唔住丫...」Zoe就已經急不可耐咁同我道歉。
『嗯？你無做錯做乜要講對唔住？坐丫～』我行到去部咖啡機仔前...
「之但係我...」我無等到Zoe將說話講完...
『坐低先啦～』我就打斷左Zoe既說話。
Zoe就尷尷尬尬咁坐喺張梳化上。
我就繼續沖下咖啡...好用心咁沖下咖啡...
因為我都好耐無沖過喇...
沖左一陣...終於都叫做沖左杯似似地樣既咖啡出黎～
我就拎到去Zoe面前，交一交俾Zoe：『試下丫～未必話真係好好飲～又未必岩你口味～不過唔試過又真係唔知既～』
Zoe接一接過我杯咖啡...望一望...諗一諗...飲一口...
『我叫你入黎...其實係想俾你避避風頭～』避一避都要既...
「唔？」Zoe好似唔係好明我既意思咁...
『出面丫～出面班人一定多野講架喇～免得有意無意聽到D難聽既說話啦～』我喺窗簾之間望一望出去～
「唔...嗯...」Zoe有D無奈咁點點頭...
扮工室...就係咁...
總係有咁多是是非非喺道飛黎飛去～
尤其係好似今次咁...搞到咁大添...
一定有排傳啦...
「我！我真係無諗過佢會上黎架！」Zoe好緊張咁解釋。
『你當然無諗過啦～唔係既話，你今日仲會返工咩？』我笑一笑Zoe～
「我！我...」Zoe好似有口難言咁...
『同佢講清楚喇？』我就多口問一問。
「嗯...嗯...講清楚晒喇...一刀兩斷喇...」Zoe揸實杯咖啡點一點頭。
『真係一刀兩斷，無瓜無葛架喇嘛？』我再多口問一問。
「嗯嗯...無瓜無葛架喇...」Zoe再點一點...
『咁咪好囉～』如果真係可以一刀兩斷，以後都唔駛煩啦～
「之但係...我好蠢丫呵？」Zoe面有難色咁問一問...
『嗯？』我唔係好明Zoe指既蠢係...
「浪費左咁多時間...浪費左咁多心機...浪費左咁多青春...」Zoe咬一咬唇...
『杯咖啡岩唔岩飲丫？』我指一指住Zoe手上杯咖啡，『唔試過係唔知架嘛～』
Zoe呆一呆咁望一望杯咖啡後，笑一笑～
好多野都真係唔試過唔知～
最緊要都係試過唔岩立即頭也不回盡早離場～
俾Zoe坐多一陣，飲埋杯咖啡之後...
『我同你請假，再送你返屋企啦～』我就同Candy講聲幫Zoe請日假。
「下？唔...唔駛喇～我OK喎...」Zoe緊緊張張咁。
『我諗...你而家都唔在狀態...返去抖下都要既～』我就接過Zoe手上隻杯，放一放好。
「唔...嗯...」Zoe點一點頭。
拎齊D野...同Zoe自自然然咁行出房...
行過同事既位之時，佢地就緊係繼續扮工～扮晒無事咁啦～
我就一於好少理，繼續同Zoe自自然然咁行出公司～
同Zoe好自然咁行到黎停車場。
行一行埋去紅色既Ferrari 488 GTB旁。
“咇”解一解鎖。
“咔”幫Zoe開一開車門。
「唔...唔該…」Zoe上一上車，撳一撳住條裙...
自然呢家野...真係唔扮得好耐～
好明顯Zoe一D都唔自然～
我坐喺駕駛座上扣一扣好安全帶。
喺個軚盤上按下ENGINE START…
“吼！吼...”
向住Zoe屋企既方向出發～
一路上，Zoe都好靜咁...好靜咁好似...好似諗梗野咁...
好似好多野諗咁...
女仔丫嘛～係多野諗D～
尤其係做左個咁大既決定～
一定係會心亂如麻～心事難下～
不過最緊要都係諗完知道自己唔好再行錯路～唔好行回頭路～
回頭路...更難行呢～
當我地差唔多黎到Zoe屋企樓下之時，我見到有間五金舖...
我突然諗起...有D野應該買定先～
我停一停車，停喺馬路邊：『你等等我～』
我快快腳走去五金舖，又快快手手買埋要買既野～
「嗯？你買左D乜呢？」當我一上返車之時，Zoe八八卦卦咁望一望我手上包野。
『等陣你就知架喇～』我就開一開車，去Zoe屋企～
泊好架車，上一上到Zoe屋企…
Zoe既屋企唔係話好大，但就好闊落。
成間屋既佈置都好簡約，好襯Zoe既品味。
『你頭先咪問我買D乜既～嗱～就係呢兩個門鎖喇～』我拎一拎出兩個門鎖俾Zoe睇，『我幫你換左佢先～咁就唔怕...佢無啦啦走上黎啦～』
Zoe望住我手上兩個門鎖：「你唔俾佢係金屋藏嬌，呢間屋係佢既，我轉頭就會俾佢迫遷架？」
『呃…』係喎…我都無諗過添...
「哈～講笑咋～你唔係真係諗我係D咁既女仔丫嘛？呢間屋係我自己出錢租架～」Zoe笑一笑，就轉身行左入房。
『我...我唔係咁既意思...』我知我解釋都無用架喇...
鬼叫我真係有咁諗過咩...
「你有咁既諗法都好正常既～嗱～螺絲批～」Zoe交左Set螺絲批俾我...
『我...我真係唔係咁既意思...我...我只係...我只係覺得一個男人應該會盡返少少責任...讓女朋友生活安定D...』唔知點解，我總係好似越講越錯咁...
「嗯～明架喇～只係...其實我都識得照顧自己既～」Zoe帶住微笑點點頭...
『唔...嗯...』我都話我講多錯多架啦...『我幫你換左個鎖先～』
「嗯～辛苦你喇～」Zoe帶住微笑點點頭後，就轉身行一行入房。
我就除一除件西裝褸...再摺一摺起對袖，開始幫Zoe換鎖～
喺換鎖既期間，我都聽到Zoe好似執梗野咁。
我諗Zoe講得呢間屋係自己租既話，佢應該就係執梗嗰個人渣D野...
我就無理咁多～繼續幫Zoe換鎖～
換鎖呢家野，就真係難唔到我既～
『搞掂～』只係兩三下手勢，就換得妥妥當當～
「咁快手既？真係唔該晒你丫～」Zoe就抱住一箱...紙皮箱...
『唔駛客氣啦～你呢箱係...』我好奇咁問一問。
「佢D野囉～」Zoe隨便咁放一放喺牆邊。
『哦...都...唔係好多野姐...』一細箱咁...
「嗯～其實佢都無乜野放喺道～佢只係久唔久上下黎過夜...」Zoe諗左一諗...停左一停…
『哦...咁你打算...俾返佢？掉左佢？』我都係轉移下話題..免得尷尬...
「等陣拎去寄返俾佢～佢要唔要都係佢既事～」Zoe輕描淡寫咁...
『嗯～都好既～你都係唔好當面俾佢好...佢上黎都唔好開門俾佢喎！』呢D人一上到黎又死纏難打咁架喇！
「嗯嗯～放心放心～我一定唔會俾佢入黎～嗚呀...」Zoe打左個喊露...
『嗯嗯...咁...咁我都唔阻你休息喇...』搞掂晒D野...都係時候離開喇...
「咁...咁你...」Zoe問一問...
『我都要返公司架喇～』仲有好多野要處理呢～
「嗯～咁...我送你...」我無等到Zoe繼續講落去...
『得啦～唔駛送黎送去咁麻煩～快D去休息下啦～』我就拎一拎返起件西裝褸。
「嗯...咁好啦...」
『嗯～拜～』
「拜～」
我望住Zoe轉身行入間房…
再偷偷望一望房入面張白色床...上面有幾隻咿唷公仔...
係…咿唷…