愛情・從來只適合旁觀: 高一篇 （二）
第二日番到學校，因為同新同學仲未熟，所以我主要都係同阿俊，嘉宜傾計，
當然，呢個時候我個頭已經變番黑色，因為琴日訓導話如果我唔染番黑就唔會比我番學。
話說我今朝竟然罕有地訓到唔知醒，所以遲曬大到，足足skip左一堂，正式上堂第一日就遲到，
我諗大概我已經比人認定係個壞學生，其實我唔係要禁呀，我只係唔想比人認定係薯仔個類人姐，點解會搞到而家成個mk壞學生禁。
正當我係度苦腦緊，特然有個男仔行埋黎。
「喂，你都幾夠疆喎，琴日染到成頭金毛都仲夠膽番學，今日仲要第一日上堂就遲到，琴日個仆街訓導點鬧你先？」
「er…冇佢叫我染番黑佢姐」我有啲尷尬禁答佢
「條仆街又會禁好死既，正常佢應該會煩你好耐，同你講埋曬啲on9野嫁喎，我之前都比佢鬧得多。」
佢好似好自豪禁講 睇黎呢個野真係壞學生黎，都係唔好同佢禁熟好啲
「哦，係咩。」
我就求其應佢諗著打發佢走 但係佢唔知點解好似同我懶熟禁，好似想同我做friend,唔通呢啲就係物以類聚？
佢以為我都係佢個類人所以想我埋堆？我唔要呀，我唔想做佢呢類人，應該話我其實覺得佢呢種人好扮野，所以一直都冇咩好感，經過一輪奮戰，我終於打發左佢。
平平安安又過左兩個星期，又到星期一，其實我真係好憎呢間仆街學校，個校長同啲主任鬼死禁自大，
成日覺得呢間係band1學校就睇唔起其他學校既人，
係，你冇睇錯，係校長同主任睇唔起其他學校既學生，我成日係度諗，你為人師表，連對其他人最基本既尊重都唔識，你叫我點尊重番你呀。
仲有就係我地學校連星期六既朝早都要番學，所以一星期其實就得星期日係正式放假，真係諗番起都覺得陰公。
講番我個班先，基本上班上既人都開始熟落，但唔知點解同我熟既都係男仔。。。
除左嘉宜之外，基本上都好少同其他班上面既女仔傾計，或者禁講，佢地見嘉宜同我好熟禁，所以就以為我同佢係拍緊拖，所以女同學都唔太敢揾我傾計，可能驚比人講閒話啦。事實上我同嘉宜由初中開始已經比其他人傳我地拍緊拖，但係其實我地私底下根本就冇咩交流，連msn同whatsapp都好少傾，只不過佢一直係其他人面前成日扮到好似係我女朋友禁，咩都管著曬，又成日發我皮氣，所以先令其他人誤會，老老柒柒丫，我真係唔撚知佢諗咩。
不過，佢其實都算係令女，所以你問我對佢有冇feel?
其係有既，不過我根本就唔知自己可以做啲咩，又唔夠膽追佢，再加上都已經識左佢幾年，佢其實係屬於收兵個類女仔黎，而且每段感情維持時間都好短，就算有男朋友，對我都係好似好曖昧禁，大佬，我眼睇你就淨係同我曖昧姐，我點知你暗地裏仲同幾多隻兵嫁。
不過，當時我仲未認識收兵呢個概念，所以真係成日都比佢搞到茶飯不思。
講番正題先，班上面各人既角色都已經定左落黎，相信大家都明白，每一個群體，都由唔同既人擔任唔同既角色，所謂既角色，就係例如成日中意搞笑既人會被認為係小丑，有領導才能既人會被大定認定係大佬之類。
而我同阿俊因為靚仔，就被大家認定為班草，點解我會知我自己係班草？因為由班女仔把口傳出黎，然後慢慢傳到我隻耳度囉。
「喂，你琴日做左啲咩呀？」嘉宜笑笑口禁問我
「冇咩特別呀」我好冷淡禁答佢，
因為其嘉宜都係一直對我都係忽冷忽熱禁，經過幾年既折磨，我悟出左一個道理，對著佢，認真就輸了。
自從我明白到呢個道理之後，我對著佢就越黎越冷淡。
「哦～禁你快啲問下我琴日做左啲咩啦～」根據我對佢既瞭解，睇佢個開心樣，琴日應該係識到個靚仔
「禁你琴日做左咩丫」我好無奈禁問佢
「我琴日同班friend出去玩，識左佢靚仔大哥哥，琴晚仲同佢whatsapp到好夜添～」佢好撚興奮禁講
「哦，禁咪好囉。」
其實佢知道我講呢句個陣個心會痛嗎... 之後佢就繼續講個男仔既野，但係我根本就唔會有心情聽，而家我諗番，究竟佢個陣成日做呢啲野係為左令我吃醋，定係佢真係純粹想同我分享呢？
我睇唔通，我諗唔透，但係其實答案係咩，都已經唔重要，因為，或者佢注定係我人生中既一個過客。
如事者，又過左兩個星期，我亦開始同班上面既女仔熟落，其實我都算好彩，全級4班，文組兩班，理組兩班，理組就梗係冇咩靚女啦，因為全部都係讀書樣，而全級黎計，靚女幾乎都集中曬係我個班，雖然真係算得上女神既都係得兩三個，
而我就同班上面其中一個腐女friend左，佢個名就叫阿樺，
禁話題就梗係圍繞著動漫啦，就係因為禁，我亦都同佢既一個姊妹認識左，就係我地班上面既阿欣。
記得個日上完第一課，禁小息我就梗係訓下教啦，點知又比嘉宜嘈鬼醒我
「喂，我好開心呀，你快啲問下我做咩禁開心啦～」
「有野就講啦。」
我都係想快啲訓教姐，其實或者我可以將你講既野當催眠曲禁聽既
「我就黎同一個男仔一齊啦～你快啲凳下我開心啦」
「……」呢一刻我真係唔想講野
「做咩呀，你唔開心牙....」
「冇呀，禁咪幾好囉，等你唔駛禁dry嘛。」
屌你明知我唔開心嫁啦，其實你根本就知道我對你有feel，你而家算係玩9我？ 諗番起，就係因為呢次對話，我決定左要快啲揾番個女朋友，而呢個時候，我就認識左一個對我一生有好大影響既人，梓靈。