話說高一開學個陣,禁學校就話參加下社團對第時教大學會有幫助,
禁阿俊同嘉宜都㨂左同一個學社參加,(咩學社就唔講啦,因為都無關重要)
雖則我對個社團就冇咩大興趣,但係我個時又驚嘉宜入到社團會比其他人溝左去,所以最後都同佢地入左同一個學社。
就係因為禁,我識到一個大我兩年既學姐,梓靈。
佢係呢個學會既其中一個幹事,禁個陣學會有活動,唔知點解我就禁唔好彩比人抽中左要出席,於事乎就開始左我同梓靈學姐既第一次交流。
因為個活動佢有份負責,有啲細節要再同我地講,所以我就比左我facebook佢,我記得佢即晚就加左我,之後inbox講左一啲關於活動既野
「頭先同你講既野你記得同另外一個組員講喎~」梓靈提醒我
「yes madam」我都唔知點解個陣會禁ON9禁應佢==
「人地仲後生,叫madam好老啊。><」
「禁叫你姐姐law」


「叫我梓靈啦。姐姐5系你D哥哥仔叫ge...」
「yes 梓靈~」
「當堂開心曬~」
「禁易就開心?」
「系啊,點解個個都好奇點解我可以甘易開心ga???」
「估唔到你禁大個人仲成個仔路女禁姐」
「甘人地不嬲都系細路女啊。」
之後我地傾左好耐....好耐
「做咩你禁夜都未訓既?~」佢問我
「因為想學姐你同我傾計~」


其實佢個樣都幾令,禁按照慣例都係要講下呢啲氹下佢既
「口花花,唔驚女朋友嬲咩~仲有 我講過叫我梓靈呀><」
當佢打呢句既時候,我就知佢想試下我有冇女朋友
「我都冇女朋友==」
「下,睇你個樣唔似冇喎」
「呢啲野有樣睇嫁咩==」
「禁你呢,禁得閒同我吹水,唔駛陪男朋友咩?」
我即刻乘勝追擊,其實我知佢冇男朋友,因為佢係學校都算出名,而嘉宜都有同我講過佢既野,話佢單身左已經一年。
亦因為禁,我一入到個個學社已經開始留意到佢,再加上佢係一個靚女,同埋之前比嘉宜刺激過,所以我都想同佢有進一步既關係。
「我都冇男朋友,我單身左一年啦」佢仲打左個sad既表情符號,


我一見到呢句,我就知道,佢對我應該都有好感,佢講得呢啲比我聽,都係想我同佢可以曖昧下,之後我地再繼續傾左好多野,傾到零晨1點。
過左幾日,學社又有新活動,話說呢個學社好麻煩,每星期都有幾日要4個社員去小學部度教啲小學生普通話,由每個社員都要輪流做,因為社員人數多,所以一個人其實一個學期大約都係做兩至三次,唔知係同梓靈有緣定係佢特登安排,我同佢被分配左係同一組,
教小學生普通話既過程都冇咩既,因為大部分都唔駛我出聲,都係由其他社員教,我就負責派下啲教材比啲小學生禁姐,於是又完左一日,
個晚我如常開著冷氣係房間睇卡通,無啦啦見到facebook有人inbox我,一睇,原來係梓靈,
我地已自從個晚傾過計之後,已經幾日冇揾過對方,主要係因為我都唔知有咩可以同佢傾,同埋對佢又唔係真係好有感覺,所以有時間都寧願睇多兩套卡通。
「今日啲小朋友好得意呀^^」其實佢真係一個幾中意小朋友既人黎
「係阿~我都覺」我本身對小朋友係冇咩好感,因為我好怕麻煩,但係唔通我同佢講我一啲都唔中意小朋友嫁,佢地好煩嫁禁咩之後講左啲咩我都唔係太記得,總之就佢叫我加左佢msn再傾,個晚我地傾到零晨2點,最後佢話佢想睇那些年,我就話我已經睇左,但係我覺得好好睇,所以可以陪佢睇多一次。(我第一次睇那些年係同一個男仔friend去睇,諗番起我同佢個陣真係好friend,只不過佢之後轉左校,大家雖然仲會聯絡下,得閒出黎聚下,但係已經同以前個種感覺唔同曬,佢之後都應該會係故事裏面出現),就係禁,我同梓靈開始左我地第一次既約會。