愛情・從來只適合旁觀: 高一篇（四）

我記得個日係星期六，即係我約左梓靈去睇那些年個日，我個日中午都有同佢msn，
事關我地約左8點半睇戲，佢就話佢訓陣教先，叫我6點打比佢叫醒佢，因為佢驚唔知醒，
禁作為第一次真正單獨同女仔去睇戲，（其實之前同嘉宜都試過一次，之後會係番外篇交代番），我就梗係要做好準備，
我個日成日都期待著同佢既見面，事關我地屋企其近都相距10分鐘路程，所以我地約左7點係附近既m記門口等，禁我4點就已經開始坐立不安，
先檢查自己銀包夠唔夠錢，因為小弟之前冇拍過拖，而自己又唔係大洗，所以零用錢草埋草埋都有幾多，
我記得為左以防萬一，我帶左足足五舊水出街...然後我開始做掌上壓，
個陣受動漫同網絡媒體茶毒既我總覺得瘦就係型，所以個陣真係瘦到得排骨，然後發現到自己有頭大膀頭窄既現象，所以決心要練番大隻啲，好彩近幾年已回復正常身型，
講番正題先，話説做完掌上壓已經係5點，我就知道，係時候啦，我入左廁所沖涼，之後吹頭換衫，
左避免顯得自己太重視呢個約會，我就只係著左tshirt同7分褲，加埋對個陣覺得好靚既mk粉紅色air mix....
然後就開始做最花時間既準備功夫－－－gel頭，


個日唔知係手感好定係神眷顧我，個日個頭gel到史無前例禁型，其實講黎講去都係mk頭姐，
搞掂曬啲野之後先5點45分，於是我望著個鐘，一到6點就打比佢，
但係我發覺，原來自己係第一次打比佢，於是超緊張，但係又唔可以比佢察覺到我緊張，於是我同自己講，連打比佢都淆，點溝佢呀！
我禁左撥出鍵，電話裹面傳黎佢甜美既聲音
「喂」
「喂，夠鐘起身啦」
「我起左啦～」佢把聲都係好好聽～
「禁好啦，陣間見啦」我用左自己覺得最成熟既音調講就係禁，
6點55分，我就到左m記門口，3分鐘之後，佢終於到左，
話說我唔中意人遲到，尤其係第一次出街，所以亦增加左我對佢既好感，


佢著左長袖衛衣加短褲，再帶左副冇鏡片既眼鏡，我見到即刻精神百倍，事關有啲女仔帶左眼鏡之後會即刻變左讀書樣，有啲女仔帶左之後會即刻增加左種淫底既feel，而佢呢個look禁啱就係後者，亦係我夢未以求既淫賤大姐姐～
「你禁早到左既＞3＜」佢微笑著禁講
「er…應....應該既」
「禁我地行囉，我想去食野先呀～」
「好呀，你想食咩呀？」
「我想掃街～食牛雜魚蛋個啲」我對於佢呢個答案真係跌眼鏡，仲以為佢一定會話要去食日本野
「好呀，我都想」
行左幾步，佢見到有人拖著隻好大既狗行緊埋黎，佢即刻捉著我彈左去另一邊避開隻狗，
之後佢同我講佢細個比狗追過，所以好驚狗，
我記得自己仲同佢講，唔駛驚喎 我係度嘛，佢笑著禁答我 「嗯～」


之後我地去左掃街，正當我準備比錢個陣，佢就話
「你比我請啦，我琴日先出左零用錢炸～」
禁我就話好啦，之後我地係附近既坐低左，然後我發現左一個好嚴重既問題
「咦，得一支竹簽添，我行番去問佢攞多支啦」我同梓靈講
「唔駛啦～我地兩個用一支咪得囉」
天呀！禁咪即係間接kiss!
佢吉左一舊魚蛋
「拿，餵你食啦～」
好甜！我重來都唔知魚蛋係甜嫁！就係禁，佢餵下我，我餵下佢，好快到左睇戲既時間
套戲開頭就係柯震東準備去陳妍希既婚禮，或者每個人都真係會有一個屬於佢既沈佳宜，呢個人可以係我地既朋友，知己，甚至係一個連朋友都算唔上既人，但無論係邊個，你，始於係錯過左佢，或者你有努力過，表白過，付出過，但係有時感情既野就真係好似歌詞禁講：命裏有時，終須有。命裏無時，莫強求。
都係講番我同梓靈先，其實我成程都冇睇過套戲，我只係一直偷望著梓靈，
直到有一幕講到柯震東同陳妍希開始曖昧，我同梓靈係呢個時候禁啱互相望著對方，然後又好尷尬禁另番轉面，我知道佢應該都對我有feel，我唔知下次冋佢出街仲會唔會出現禁啱feel既場景，我甚至唔知仲有冇機會再同佢出街，我淨係知我唔想佢成為我既沈佳宜，我想佢做我女朋友，
就算只係可以擁有佢一秒，我都滿足啦。我都唔知那來既勇氣，一野就拖著左佢隻手，但係我視線仲停留左係電影銀幕度，我唔敢望佢，我個心跳得好快...好快
咦。。。佢冇甩開我隻手。。。禁。。我即係成功左
我地大家再次互相望著對方，佢對著我笑，然後挨左落我膀頭度，一切都好自然，好自然，


而係套戲做到一半個陣，我地就kiss左，
都唔知係巧合定個天幫我，我買飛個陣得番最後個排既位，所以唔怕比人望著，唔會尷尬。
我會記得，我既初吻就係戲院裏面發生。終於到左散場，出黎個陣佢見到我地學校既同學，之就佢同我講佢唔想禁快比人知，所以就鬆開左我隻手，
你地以為我會覺得唔開心？哈哈，錯曬啦，因為其實我都唔想公開，我覺得係facebook較relationship呢啲野好門面，一齊左咪一齊左囉，駛物話比其他人聽，我甚至唔想比其他人當做茶如飯後既討論對象，所以佢話唔想公開，我一啲都唔mind。
我地由戲院行番屋企，中途經過一個公園，我地座左係遷秋度。
「點解你會中意我既？幾時開始嫁？」佢問我
「呢啲野冇得解嫁喎，中意咪中意囉。幾時開始？em....第一次同你傾計個陣已經有啲feel嫁啦」
「你知唔知幾個月前有幾個人都追過我，我都冇同佢地一齊，而家唔知點解就同左你個衰人一齊＞＜」
有時愛情就係禁，你付出既時間同你既收獲好多時都唔成正比，例如一個男仔追左一個女仔幾年，個女仔都可能唔會因為佢既專情或者付出而同佢一齊，相反，最後個女仔可能就會同一個只係出過幾次街，識左唔夠幾個星期既男仔一齊，
愛情，大概就係禁殘酷既野。
「你真係唔介意唔公開？」佢好緊張禁問我，好似覺得好對我唔著禁
「傻妹，我唔介意喎，只要你係中意我既就夠啦」我微笑著答佢然後，
我地迎來左拍拖之後既第二個吻。我記得，呢個吻係發生係遷秋架前面就係禁，我送左佢番屋企，然後慢慢禁行番自己屋企。沖完涼，我攤左係張床度，電話響起了，係梓靈。
「我好掛著你呀」呢句係佢係電話既第一句說話
「我都係～」


「不如你聽朝黎我屋企揾我丫，之後我地一齊番學～」
因為佢阿爸阿媽長期係大陸做野，所以呢間屋得佢同佢阿妹住
「好呀～」我記得...我地又傾到唔肯收線，最後佢話眼訓，然後我同佢講聽朝見，然後就收左線了我....
第一次知道，原來拍拖既感覺，真係禁甜密。
而家諗番起，如果我個陣唔係第一次拍拖咩都唔識，或者，佢而家仲係我女朋友，
只可以話，我係錯既時間，遇見左對既人
我記得佢問過我：「你覺得我地可以一齊幾耐呀？」
我好堅定禁答佢：「到你唔中意我為止。」
佢話： 「我之前啲男朋友個個都係禁講，但係最後都係佢地飛我」
我話：「我會證明比你睇我同佢地唔同」
我作出既承諾，我做到了，但係你，到底去左邊呢....