悲鳴望住言已成功同大波妹落去食野,言已不忘向悲鳴打眼色。悲鳴睇得出呢個眼色帶點諷刺得黎又帶半點囂張。悲鳴係無食午餐既情況下用九秒九既速度"秒殺"條雪條,然後慢慢諗一陣既開場白。

  「HI,你最近點呀?」「我有題數唔識,你可唔可以教下我?「哎呀,唔好意思,撞到你。」佢諗左好多開場白,但係自已用返另一套答法去打擊自已自信。其實悲鳴可以慢慢諗,因為言已同親囡囡野都食成個lunch time,最多等言已上到黎先同佢再諗。但係,空肚食雪條唔係人人都做到既。悲鳴感到一陣如地震般既痛,佢當務之急當然要去廁所解決啦。此時此刻,言已返左黎......

  「喂,悲鳴你做野未?唔係諗住雪條都要昆我請你呀?」佢輕挑咁講。「緊係...唔係啦!不過...我..有D...野要做...」悲鳴開始口齒不清。「有咩重要得過搵女呀?」言已仲未察覺到悲鳴樣貌上既變化,因為佢仲望住大波妹。此刻,悲鳴感覺到自己個肛門就快犯濫,佢大叫一聲,令言已既注意力集中返喺自己身上。可惜,同時引起一個人既注意,就係霜心!

  悲鳴以五秒既時間由位於走廊頭既課室衝到位於走廊尾既廁所,跑既過程佢無諗過自己有幾快,佢心入面只係諗住「邊個契弟設計到個廁所要係走廊尾?」途中佢經過女神課室,可惜因為速度太快,佢雖然有望但係咩都望唔到。衝到入廁所之後,佢是但入左個廁格放低佢既"重擔"。佢感覺到有如洪水犯濫,山泥傾瀉般既岩漿一次過,解放!

已有 0 人追稿