「屌你快撚啲食啦,啲pizza凍撚晒。」天元好唔耐煩。

「頂鬼叫你唔肯而家叫外賣咩,掛住睇波。」Yvonne真係啋佢都傻,食野緊要啲。說時遲那時快,佢已經攞咗第二舊pizza。

我攞住兜肉醬意粉,坐係度睇住佢都為咗舊pizza而係到嘈,順便等場波開始。

好彩我唔食pizza姐,如果唔係陳天元屋企將會發生一場腥風血雨。

Serena 攞咗兜雞翼過嚟。「嘉瑜你食唔食嘢?」



「唔啦,冇乜胃口。」

我覺得唔係好對路,於是問一問佢:「係咪有啲咩唔舒服呀?」

「冇呀,ok呀。」

「你呃唔到我㗎啦,你肯定呢幾日搞社辯搞到攰得滯。嚟啦,入房訓。」

於是,我就抱住嘉瑜,抱佢入一間房到訓。



幫佢襟咗張被,點知佢成個細路仔咁,要我氹佢瞓覺。「唉,你真係麻煩。我要去睇波啦。」

我係佢面上面錫咗一啖,佢瞓咗都係咁靚。

「早抖啦傻妹。」我就出咗去。

「乜你個嘉瑜搞咁耐架?波都差唔多開囉喎。」申屠串鳩我。

「咁你個曦姐呢?人影都冇喎!」佢即刻俾我窒到冇聲出。



我開手機,睇一睇出場陣容。「屌你老母個莫耶斯,又出費蘭尼?我打中場都好過佢啦!」

「香港年輕中場新星,學界最有價值球員加盟曼聯,有得諗喎!」

「連你都覺得點掂,咁得啦,申屠你都過埋去,取代朗尼,同雲佩斯一齊做前鋒拍檔咪得囉。呢個陣,真係歐聯都有得攞。」

「乜咁睇得起我呀?睇波算喇。」呢個時候,場波已經開始咗。

拜仁雖然都肯定出線,但係始終贏面比較高,又冇理由唔贏埋佢。另一邊廂,曼聯至少要有分落袋,重要睇另一場比賽嘅結果,先知道可唔可以晉級。

所以一開波,曼聯就選擇防守,拜仁佔盡控球優勢。

Serena 好努力咁同 Yvonne 解釋緊場上面發生緊咩事,真係辛苦。

「喂,Yvonne,你知唔知佢哋場上面係踢緊一個波,唔係你嗰兩個波喎!」



佢聽到之後紅都面晒,「康洛文你條仆街仔!」之後就想追住我嚟打,但係費事俾人投訴我哋擾人清夢,就冇咗件事。

突然,曼聯搶到控球權,史摩寧傳比卡域克,之後打咗一次快速反擊,最後雲佩斯大腳抽入,曼聯領先一比零!

呢個賽果令到我哋都好震驚。身為獌狗嘅我甚至忍唔住要歡呼。

莫耶斯,你好嘢!我到而家都覺得你比人炒好唔抵。

之後,曼聯就縮得更加後,甚至平時都唔係好返嚟後半場嘅朗尼同雲佩斯,都變咗做防守中場。正如白文翰話齋,而家曼聯係打緊10-0-0戰術。亦即係泊大巴。

佢哋死守到半場,但係拜仁功力強橫,去到下半場,拜仁終於靠著洛賓的軌跡,一扭三再狂抽,追返一比一。

之後兩邊都陷入膠著,最後維持一比一嘅比數,各袋一分。



同一時間,另外一場比賽亦都打完,曼聯證實驚險以得失球差晉級。

美好嘅一天。

睇完場波之後,我真係好眼瞓,我終於明點解嘉瑜會咁唔舒服。

我係天元間房到攞咗個枕頭,同嘉瑜一齊訓。

「你好肥呀莫嘉瑜,比啲位我啦。」

雖然好迫,但係好暖。我好快就瞓著咗。

好彩整間唔使返學姐。
已有 0 人追稿