原來 Yvonne 係同我一班,不過咁都好,至少班上面有一個識嘅人,識其他同學都快啲。
 
By the way,除左睇同學之外,睇埋自己係咩社都好重要。係開學之前,我都做左少少基本嘅 research,知道原來涼糖清夷會有四個唔同既社(紅、黃、藍、綠),而且都會有幾多社際活動玩。
 
但係畢竟係第一年,所以詳細情形我都唔清楚。我亦都唔抱太大希望。
 
我再望望分班結果,先發現原來係我地嘅英文名後面有一隻英文字母,代表我地所屬嘅社。睇下先:
 
5B班
陳莉曦 Chan Li Hei R


張依韻 Cheung Yee Wan Yvonne R
方幼儀 Fong Yau Yi B
郭玲玉 Kwok Serena Ling Yuk R
莫嘉瑜 Mok Ka Yu G
楊曉琳 Yeung Hiu Lam G
白文翰 Bak Man Hon B
陳天元 Chan Tin Yuen R
陳偉賢 Chan Wai Yin Y
康洛文 Hong Lok Man R
顧顯融 Koo Hin Yung G


申屠子成 Shentu Zhicheng Y
 
 R,即係Red 紅社啦,唔錯。
 
咦,乜Yvonne又係紅社?
 
可能呢啲,就係叫做緣份。
 
 「叮噹叮噹……」鐘聲響起,夠鐘上禮堂聽校長廢噏。
 


 「……祝各位同學係新嘅一年可以愉快咁學習,多謝。」
 
校長廢噏完畢。係之前嘅20分鐘,我好頑強咁保持清醒。但係我隔離嗰條友仔,就訓到流口水,唔係我嗌醒佢,睇怕佢開學第一日都要見見訓導。
 
 「呵欠~ 完啦?多謝你啊兄弟。」
 
 「唔洗。喂大佬,我明嘅,校長講啲野真係好悶下,但係你都唔好咁「明張目膽」咁訓呀,始終訓導見到就唔係幾好……」
 
 「得啦,小弟呢方面經驗豐富,黎到新學校都冇有怕!係喎,見你咁生面口,斷估唔係舊學校個邊轉嚟掛?傾左咁耐,都未知你叫咩名添。」
 
 「姓康叫洛文。」
 
「陳天元。」
 
行樓梯既時候,陳天元同我講左好多同學之間嘅關係,令我都可以盡快融入呢到。之後嘅日子,我可以咁快同新同學打好關係,都真係要多謝佢。


 
「各位同學早晨」
 
「乜老師早晨」
 
唔係老作,百家姓都有「乜」字
 
打完招呼之後,到左最殘酷嘅時候--分編座位。「各位同學,我就求其排位,唔好介意呀。」
 
黑板
第三行   第二行     第一行
方幼儀   張依韻     莫嘉瑜
顧顯融   陳天元     康洛文
楊曉琳   陳莉曦     郭玲玉
陳偉賢   申屠子成  白文翰


 
「喂洛文,我地又見面喇!」
 
「係呀陳天元,見你應該好過見其他人。」
 
坐我前面莫嘉瑜聽到我咁講,即刻話:「Wow,XBS仔一入到黎,就同天元搞gay,果然係好基--」
 
「屌,咪聽人亂講。」實係 Yvonne 爆料。我望一望 Yvonne,佢細細聲咁同我講:「係我呀,點呀?」
 
算啦,俾人笑一陣姐。不過講真,陳天元呢個人比我嘅感覺十分之好,我應該可以好快同佢打好關係。
 
你地有冇諗過,點解我無啦啦要同佢打好關係?
 
因為,我睇中左佢嘅孖生細妹陳莉曦。
 


其實,我頭先校長廢噏環節,我可以勉強保持清醒,係因為佢坐咗係陳天元隔離。天元全程耷低頭訓覺,我可以好清楚望到佢個妹,望到佢上半身。雖然佢個樣未算得上係天使臉孔,但係佢就絕對係魔鬼身材。雖然我只係識左佢15分鐘,甚至冇傾過計,但係我已經幻想緊佢用佢既32C夾住我嘅巨龍。
 
「係呢阿Sky哥,你呀妹有冇男朋友?」
 
「有,咪係坐第二行最後嗰個申屠子成囉。點呀,你想媾我個妹?」佢用一個唔係太友善嘅眼神望住我。
 
「唔係,純粹得意問下啫。」
 
唔……有啲難度。
 
不過我有樣好,就係我同佢同社。既然有咁多社際活動,機會就一定有。
 
嗰晚,一個不知名嘅號碼add咗我入一個group。
 
456B精英齊奪星!!!!


12 members
 
天元突破:熱烈歡迎康洛文同志入gp!!
 
係喎,今朝俾咗個電話俾陳天元,呢個應該係5B班group。個名有啲娘,但係都幾得意。
 
我求其打句開場白:「yo 大家叫我康文署就得」
 
~serena~: hi 名校仔arr
[足球]ltcyno.10: yo 港島名校大仆街
[心]CY: yo 港島名校大仆街
十年生死兩茫茫: yo 港島名校大仆街
我: 屌我唔係陳庭佳
metttchan: yo 港島名校大仆街
yukakom**: yo 港島名校大仆街
 
成班友仔都幾仆街下,但係對比起喺所謂名校讀緊果啲「良好學生」,佢哋至少幾玩得,無太多心計。係呢度讀書,應該會安樂啲,唔需要日日顧忌太多。寧為雞口,不為牛後。
已有 0 人追稿