過左幾日之後,有個又係紅社既 Form 5 男仔揾我,佢叫鄧國燊。
 
佢既樣斯斯文文,講野都好有禮貌,佢應該就係呢間學校既學霸。不過講成績,呢度又會有邊個可以同我比較呢?
 
 「係呢康同學,大家都知道你曾經係XBS度讀過書,相信你都係一個好傑出既人才……」
 
 Yvonne Cheung,我真係屌你老母!全校都知我讀XBS,今次唔打到你變「易慌張」,都真係對唔住自己!
 
 「……其實我係今年紅社既社長,宜家揾緊同學擔任幹事。我覺得你係一個好適合既人選,唔知你有冇興趣呢?」
 


 哦,做社幹事,咁就唔同喇,可以諗下……

傾咗一陣間,我就接受咗佢嘅邀請。
 
 「好,我都好希望參與社嘅活動,合作愉快。」
 
 「多謝你,合作愉快。」
 
 「Red Hse General Meeting 15/9」
 


 「以下我地會介紹我地今年紅社內閣嘅成員,首先,係我地嘅社長-鄧國燊!」
 
 佢向MC同台下嘅社員點一點頭。台下掌聲如雷。
 
 「……好啦,下一位就係我哋另一個committee member,5B康洛文!」
 
 我揮手致意,十足十689。
 
 「……到左最後,就係5B陳莉曦!」
 


莉曦燦爛嘅笑容同佢個胸成為咗全場嘅焦點,狗公無一不拍掌。

 冇錯,我做commitee既其中一個原因,就係鄧國燊同我講,莉曦都會加入做committee。咁樣我就可以多啲時間係佢身邊,佢自然就會中左我既計...呀唔係,係接受我。
 
我諗深一層,唔係喎,我頭先先串完台下果班為胸而生嘅狗公,但係我何嘗唔係望緊莉曦個胸?諗到呢度,我自己都有啲慚愧。

「唉,算囉,試下認認真真咁追佢!」

完咗 General Meeting,我哋所有紅社內閣成員去咗附近一間酒樓打邊爐,順便吹下水玩下無聊 game。

「唔係掛,玩 truth or dare? 咁白痴嘅 game,我中一之後就冇玩過咯喎!」

「喇,你有所不知啦洛文哥,truth or dare 呢,就係我哋新西人嘅傳統嚟,今次就俾你體驗下堅毅物種嘅傳統!」

「屌,咪玩我啦,我住元朗都未聽過有啲咁嘅傳統!」



「咁你玩唔玩先?」

既然莉曦都玩,算,玩一次。

「轉呀!!」支筆咁啱指住莉曦。

「啦曦姐,唔好介意呀,我想問你同申屠有冇做過?」我估唔到呢條問題竟然係一個女人,即係隔離班嘅陶子欣問嘅。全場起哄。

「乜你問啲咁嘅問題架?好難答。」莉曦一臉尷尬。

「有就有,無就無嫁啦!」

「冇呀。」



「真係冇?」

「真係冇。」大家聽到之後都幾意外。

「冇可能,申屠份人咁撚淫,邊有可能未同你做過?」

「好喇好喇,唔好再講啦我哋。」如果唔係我出嚟叫大家唔好講,相信班友仔全晚就會討論申屠子成同莉曦之間有冇扑過嘅話題。希望我呢句會係佢心中加到啲分。

嗰晚,我whatsapp咗莉曦。

「有冇野 咁樣比人講 有冇唔開心?」

好快,佢就覆咗我。

「咩嘢比人講?lol」



「頭先打邊爐嗰單」

「算啦 我冇所謂 [laughcry] 間唔中佢哋都會講下 冇乜嘢嘅 申屠都唔介意」

「係冇嘢至好」

「放心啦 anyway thx 多謝你咁關心我」

多謝我?唔通佢真係覺得我好?
已有 0 人追稿