於是,我好像回到了中學的數學堂一樣,埋頭處理著眼前麻煩的數學。桌上放著的exercise, 封面清清楚楚地寫著「Quadratic equation in 2 unknowns」。,不同的是, 以前練習上的unknowns, 不是a 就是 b。而現在的unknowns, 一個叫HE, 一個叫Owen。  

我真的沒有一腳踏兩船。我只是在同時間處理兩個unknown而已。

HE: 幾時同我補返影畢業相呀? 下星期?
我: 我ok呀, 下星期好得閒

那天下雨影不成畢業相之後,他因為有project而忙了一段時間,一拖就拖了兩三個星期。我仔細看一看schedule, 下星期開始就要mid term, 本來是應該專心溫習的, 但他提起我不想令他失望。
 
HE: 咁下星期三lunch time啦, 一齊食飯跟住影埋相


我: 好吖, 我到時嚟搵你啦
 
同時間,Owen傳來了message。
 
Owen: 你係咪都係下星期開始mid term呀? 
我: 係呀...... 唉, 都未得閒開始溫書, 仲有個report 今晚交 
Owen: 好快做完嘅啫 
我: 希望啦......
Owen: 我book咗library 一間study room同 Jason一齊溫書, 你一唔一齊?
我: 好呀! 


Owen: 我book咗星期三, 你幾點到幾點得閒呀?

星期三? 不是吧。才剛約好了HE星期三要去找他, Owen又提出約同一天一起溫書, 真不知道星期三是好日子還是什麼。

我: 我下晝嚟join~ 上晝有啲嘢要做...
Owen: 哈哈好吖。我地溫住先等你啦。
我: good good good! 
Owen: 你上晝有咩搞呀? 上堂?
我: 唔係呀... 我有個女仔friend 畢業想我去搵佢影相
Owen: 原來係咁, 女仔影畢業相係咪要攬個大公仔㗎



畢業公仔! Owen不提起我也想不起來要送畢業公仔!

我打開HE的Facebook, 想看看他之前畢業禮時的相片, 參考一下別人都送什麼。然後我發現了一個似曾相識的臉孔。我想了一想, 是Suki! 那個之前一直纏著他, 俗不可耐的女生。幾個月前在那次船p之中一直想把阿男拉開,也有在阿男畢業展留高給他的那個人。照片中,HE板著臉,而她就夾硬擺出一副女朋友的姿態,擁著一隻穿畢業袍的三眼仔貼在他身旁。很明顯是她死黏過去的, 她還很不要臉的在相片下寫著「My dearest, happy gradution!」。
 
連Graduation這個字都串錯,她到底書讀到哪兒去? 我不禁冷笑了出來。算了吧,幾個月前妳得不到他,即使Jolly在中間不小心幫了妳一把,現在我回來了,妳終究還是不會得到他的。看到她送的三眼仔之後,我就下定決心要送比她特別上百倍,要讓他記著我一輩子的畢業公仔。我立即拿出畫簿, 起好了草圖之後再趕了兩晚工,我終於把「它」完成了。
 
「你呢兩晚搞咩呀,晚晚都搞到咁夜。」Clare大半夜在圖書館自修室回來看見我還沒睡。原來已經凌晨三時多了。
「趕工呀……搞咗兩晚終於搞掂嚕。」我舉起手上的「它」。
「嘩真係好靚喎﹗好勁呀你啲手工﹗就係比佢咖?」
「係呀。我見到有第二個女仔送比佢,我忍唔住要整一個特別十萬倍嘅比佢,我要佢一世都記得我。」
「唉,都唔知話你咩好,佢之前hurt到你咁,但係你偏偏要對佢咁好。」
「咁所有嘢都係因為Jolly之嘛,我地怪錯咗佢……同埋我唔甘心之前好地地咁突然咩都無晒。」
「咁Owen呢?你諗住打孖上?」
「唔...知...呀……所以我而家咁煩囉…… 我用咗好多時間同Owen熟,到而家真係熟到佢對我好似有少少興趣咁但阿男又出返嚟……我都好亂呀, 我都唔知自己想點。」


「但係你都無理由同時發展兩邊咖~」

我拿著手上剛完成的畢業公仔,看著貼在書桌上那張即影即有,那是我和Owen拍的第一張合照,整個畫面很有諷刺的味道。我說過要放下的,但自從HE回復以前對我的態度之後, 我又不知不覺間變回以前的自己。其實我真的不太清楚自己到底是怎樣。一個是我投資了一段時間,剛剛開始有回報,很好很好的荀盤;另一個是曾下重注, 投資失利過,近日好像出現曙光但其實表現不穩定的股份。我真的不知該怎樣選擇才好。

「Clare,你記唔記得year 1 嗰年finance教過investment profolio? 要減低投資風險應該點做?」
「Jannie! 你變咗喇! 咁賤嘅嘢你都講得出!」
「咁係Professor教嘅, 我活學活用之嘛……」
說著我們兩個人一起大笑了起來。