你永遠要提防女朋友的身邊人: 【後記】

後記：
 
一直以嚟，好多謝大家嘅支持。
 
我知道我出文係比較慢，同文章結構問題，我一定要一集一集出，唔可以斬件分開上。
 
成日要大家等，真係非常抱歉。其實都係嗰句，有人肯等一無是處嘅自己，已經好幸福。
 
好多謝大家頂得順我嘅寫作方式，對白唔多，內心讀白仲多過衝上雲霄嘅感情線。有時我自己Proof-read嗰陣都睇到睇瞓，真係多得大家一個月嚟咁樣折磨自己。
 




呢一個故寫咗幾多字我無統計過，應該差唔多八、九萬字啦我諗。因為番工比較忙，加上身體唔好，所以出文都好慢，喺度而次向大家致歉。
 
其實喺我心目中，呢個故嘅女主角唔係戲份最多嘅雪兒，而係葉澄。
 
你永遠要提防男/女朋友的身邊人，Jerry提防狗公平，葉澄提防雪兒。但到頭嚟係愛情信唔過定未遇到啱啱對象，我想留俾大家想像。
 
由一開始，葉澄想用Tiffany屈雪兒同狗公平，到被雪兒反將一軍，到自殺、再到Jerry同佢傾計，直至最後想條Tiffany物歸原主。其實無論Jerry定葉澄，都有喺背叛中成長。
 
其實係雪兒貪玩，定一直太自悲嘅Jerry留佢唔住，其實係唔會有定論。事實上雪兒係好愛Jerry，呢個悲劇，亦出於所有人都愛錯方法。
 




狗公平只顧自己，所以有得食就食，最後傷咗葉澄又傷咗自己；葉澄太愛狗公平，又留唔到狗公平，最後扭曲咗性格，害人害己。Jerry同雪兒都太自愛，最後大家都受傷。
 
另外想提一提子為，其實佢係咪真係愛Andrea呢？相信大家都心中有數。
 
最後，有關呢個故短片化(好抱歉，之前用咗微電影呢個赤化字，今後都會用番短片呢個稱謂)事，今日一點，就會進行Casting。我知道講故台有好多故，比呢個故更受歡迎，更有資格得到更多機會。
 
我自問能力有限，但嚟到呢一步，我會盡力去做好，希望留到呢一刻嘅大家，可以一齊期待呢個小小嘅夢變大，然後成真。
 
我好愛你地，真架。