＜無甜後宮＞唔係呀？二十歲先黎讀番中學！？: 遲到

我跑到去的士站即刻撲上車
之後望一望隻錶
「7點55……遲撚硬呀！！司機大佬，李露媚紀念中學呀唔該！唔洗急最緊要快！」
「收到！」司機大佬以“震撼聲”回應
行車中途我都不忘欣賞窗外既風景，差不多到學校既時候，司機突然剎車
~~~~~~~~吱~~~~~~~~
差啲成個人飛去車頭坐位，當我正想同佢講「屌！用愛膚堅啦！」既時候，佢竟然快我一步出口「屌！」左一聲。心諗「佢唔係識讀心術下話。」
司機大佬右邊個窗慢慢拉下，「睇撚住丫！！」用佢雄厚既“震撼聲”大嗌「要死行遠啲啦！」
「原來係我多疑……」我dup低頭細細聲講
「對唔住丫，對唔住丫。」隱隱約約聽到一把女聲，女生向司機道歉後就轉身跑走左。



我望去女生方向，擁有烏黑而修長既秀髮，白晳無瑕既膚色，修長既玉腿，身穿白色連身校服裙，背著粉紅色書包，拉鏈位掛住一個鬆弛熊公仔，但睇唔到個樣，可惜！
咦！依套校服咪即係同校，不過算啦，可能係“背多fun”呢。

到左學校附近，司機就停車「多謝你$35.6」依然用震撼聲，我懷疑佢係咪有少少撞聾。
我係銀包拎出35.6
「唔洗找喇」我頭都無回就咁跑入學校。
入到操場，我漫無目的咁揾應該排邊條隊

「停係到！」突然比一位女同學捉住手臂


我擰轉身望住佢，佢戴住黑框眼鏡，可愛既平陰，皮膚幾白，人唔算靚，但又唔係醜個類，手臂上仲有一條紅色既風紀帶。
「你遲到喎，過去左手邊個條隊排隊啦。」女風紀好cool咁講
「好……嗄嗄嗄……唔該你」我跑到氣都喘埋
我望番前面諗住行，腳都未郁又比佢叫停左
「咪住！」
「咩事？」我望住佢
「你個頭有啲啡喎，依家跟我去揾訓導。」

我心諗……你只係一個風紀咋喎，洗唔洗丫。算，好男不與女鬥。
「但係……我係天生喎」我扮無辜求其諗個藉口


「我理得你，總之跟我黎」

What the fuck?
「咁洗唔洗寫封家長信送上你府上呢請問？」我係要同你鬥氣，吹咩
「你……」風紀瞪大雙眼
但句說話都未講完我已經轉身穿入隊群之中

行到前排最左手邊條得六七個人既隊，有男有女，毫無疑問依條隊係“遲到專用區”，咁我就行去隊尾，開始聽該死既早會。