＜無甜後宮＞唔係呀？二十歲先黎讀番中學！？: 怨家路窄

突然有個女仔大叫
「係你！！！？」
「又係你？」我指住佢講
「你地兩個識嫁？」Miss Chan望住我地兩個
「我先唔識佢！」我同女風紀同一時間回應
「咁……梓軒你同雪兒一齊坐啦，橫掂個位空左」Miss Chan指住女風紀格離個空位

「Miss Chan！明玩我姐！」雪兒表示不滿
「橫掂都無人同你坐，依家比個靚仔你，你仲咁多野講」
「唉……你話點就點啦」雪兒伏係枱面



我行到坐位，小心翼翼地拉開木椅，避免驚醒雪兒引起不必要既罵戰。
當我坐在木椅數秒後，雪兒突然彈起望向我，嚇到我側左一邊。
「嘩！嚇死人咩」我流了滴冷汗
「哼！我係唔會比你有好日子過嫁，睇住黎啦！」雪兒望番Miss Chan方向
「唉……點解要搞咁多野……」我沒好氣地說
但最後雪兒無回應我

「好喇，我地要選男女班長同班會主席喇」Miss Chan拍左幾下手再講「由男女班長開始先，你地有無人自願或者已經有人選？」
Miss，唔好玩啦，班長依種“吃力不討好”既工作邊會有人自願，連拋左書包幾年既我都知道啦。


「等我黎做！」此時雪兒企起身單手舉高
我當堂嚇左一跳，然後得啖笑。
「你做班長？我地一定渣都無得剩」我戚起咀角說
「Miss，同埋我有個人選」雪兒斜視我
媽的，我已經知道佢背後既陰謀……
「下……」我一面鄂然……
「就係佢」雪兒指向我
「好啦，就咁決定啦」Miss擰轉身拎起粉筆係班長個格仔寫上「駱梓軒，鄭雪兒」

時間一分鐘一分鐘咁過，黑板上既掛鐘已經指向10點30分，最後黑底白字寫上：


一一一一一一一一一一一一一一一一一
會 書 主 班
計 記 席 長

李 文 郭 鄭駱
朗 詠 玉 雪梓
賢 琪 輝 兒軒

一一一一一一一一一一一一一一一一一

~~~~~叮一噹一叮一噹~~~~~
~~~~~叮一噹一叮一噹~~~~~
小息鐘聲響起

「20分鐘後番黎課室啦，再見」Miss Chan講完就行左出門口



正當我想起身個刻，有兩個女仔行埋黎，分別平陰妹同埋冷衫女
「Hello，我叫Gigi丫」冷衫女頭微微側向左邊甜美笑著
「我……我叫阿Ling……」平陰妹怕怕醜醜唔敢直視我

「你地好……，揾我有事？」
「無丫，其實係阿Ling想識你先過黎揾你之嘛」Gigi望住阿Ling奸笑
阿Ling立即臉紅，啤住Gigi大叫「林詠芝！！」
「咩喎，咁依個係事實丫嘛……」Gigi嘟起個咀講
我無奈地對住佢地強顏歡笑……
依個狀況好唔知點，走又唔係唔走又唔係，就咁走左去的話好似好無禮貌咁……

「救命丫！！！邊個可以救我丫！！」我內心呼叫著