＜無甜後宮＞唔係呀？二十歲先黎讀番中學！？: 小息

說時遲，那時快，竟然有人聽得到我內心既呼叫
「軒仔，等我黎救你！」低沉既聲線吸引我地三個既目光，原來係班會主席
「一齊落去食野啦，唔好理呢兩個八婆喇」當然係講笑咁講啦，但始終可能會“講者無心，聽者有意”。
「想死啊？」Gigi一野拍落去主席個頭，主席大叫「哎吔……」之後主席就拉左我走

我同主席一齊落樓梯，佢仲摸摸個頭
「排球隊係唔同啲，力度有番咁上下，到依家仲痛緊，我未同你介紹tim，我叫Jacky」
「抵你死，咁樣話人」
「咁人地想多啲親近異性丫嘛」Jacky一臉失落「唉……想要個女朋友都咁難……」
「識女仔唔係咁識嫁……」我向Jacky說教


「咁應該點？請軒哥指教！」Jacky停低腳步，雙手合實
「下……咁又未去到要指教既地步，遲啲有機會先同你講」我後退一步
「一言為定！」Jacky重拾笑臉繼續行

之後我同佢落左去小食部，仲同佢幾個朋友一齊。
我就買左個三文治同凍奶茶，買完就行番去Jacky身旁。
我飲左啖奶茶，諗住行去後面休息室啲枱到坐，行到中段，我停低左，

怎預料我會係依到見番「佢」