＜無甜後宮＞唔係呀？二十歲先黎讀番中學！？: 緣份？

佢自己一個坐，相當顯眼。
點解？因為幾乎每張可以容納八個人既枱都坐滿人，唯獨佢個一張枱只係得佢一個。
我目定口呆望住佢約十秒，雙眼被她美艷動人既外表吸引。

「喂，軒仔你搞咩，成個人呆左咁既」Jacky問
「……」我無回應Jacky，視線亦無離開過該名女生
「哦~原來係咁」Jacky望住同一個方向說「佢係我地學校女神之一，
不過佢一直都無乜同人講野，就算過去撩佢，佢都未必睬你，
佢之前都有一兩個朋友陪佢既，但自從上年有個男仔媾到佢之後就好少再同其他朋友一齊，
圈子只得男朋友一個」


「下……已經有男朋友！？」我失望地說
「之前姐，係暑假個陣散左喇」
「咁即係我仲有機會啦」
「你有無聽我講野嫁」Jacky唔耐煩咁講「都話佢無乜同人講過野，就算你行過去都好大機會食檸檬
再講，人地話哂都失戀無耐，你估佢仲有心機去睬你咩」
「唔試過點知呢」唔通我去慣夜場媾女又話你知咩……
「唉，你要食檸檬無理由唔比你食，祝你好運」Jacky拍一拍我博頭
「Jacky，食住花生睇好戲啦」

以我有3年夜場既經驗，無論酒吧，Clubbing定係唱K，我都經歷過，區區一個學生妹會難到我麽？



我走到女生對面既空位問「請問介唔介意我坐係到？」
「……」佢好似有煩惱，可能真係因為感情問題
「點解得你自己一個既」我坐底之後又問
「……」佢dup低頭，保持沉默
比啲反應都好丫，我望唔透，究竟我個3年經驗係咪未夠班？

我再無講野，趕快食完個三文治就企起身諗住走
走之前都係講埋最後一句，理唔理我只係其次，依一句係我發自內心，真心想同佢講
「唔應我唔緊要，不過比我講埋最後一句……


下次過馬路真係要小心啲喇，如果你有咩事，你身旁既人都會難過，同埋唔好將啲野諗到咁灰，換個角度去睇，可能所有野都會唔同呢」我鼓起勇氣講依一番說話

「點解……點解你會知我差啲比車撞嫁」佢抬頭望我

Yes！佢終於肯應我

「因為……我就係部的士既乘客」我坐番底回答
「咁你都認得我？」
「係啊，因為你書包」
「書包？」佢疑問
「係啊，其實係操場既時候已經認得你，仲企係你格離」
「咁咪即係見住我比黃sir鬧？？」佢睜大雙眼望我
「嗯……」
「嗚~……好衰樣丫……兩次醜事都比你見到哂……」佢雙臉通紅，用雙手遮住自己
……嗚……呀……好可愛丫！！！！


「哈哈……都係好事黎既，如果唔係都唔會比我有機會識到你」我微微笑著說
「其實你又講得幾岩既，我同你都幾有緣，
但你岩岩話會有人為我難過依一點，我就唔係咁認同喇」佢食指同中指慢慢張開，形成細小既縫隙，單眼望向我「我無乜朋友同埋……」
「我會！」我指住自己，聲量稍微增大，打斷佢既說話
「嗯……？」佢雙臉比剛才更加紅
「其他人我唔知，但至少知道自己會。
珍惜現在所擁有既野，生命真係無take two！
嗱，我唔係賣緊廣告！！」
「嗯，多謝你」佢笑得十分甜

「都就夠鐘喇，我番上去先」我再次企起身
「我都要番去喇，不如……一齊？」佢dup低頭講
「好丫，你Form幾？」
「Form 4」
「咁咪即係同一層！」我高興地說


幾經辛苦行到五樓，佢先開口問我
「其實呢，你叫咩名」佢怕怕醜醜咁問
「駱梓軒。你呢？」
「關倩怡」講得好細聲
「咁我入去先喇，再見……」
「梓軒……」dup低頭，踢左幾下腳
「嗯？」我輕聲溫柔地說「做咩？」
「聽日可唔可以陪我？」
「無問題丫，你想幾時都得！」
「咁我聽日小息搵你啦，再見」倩怡急急腳走入4D課室

望住倩怡入左課室後，我先開始動身
我推開木門進入課室時，Jacky跑到我身邊問「見你開頭同女神講野但佢都無理你，之後我都無眼睇就番上黎先」
「點丫，個檸檬好唔好食？」Jacky奸笑
「我有話過我食檸檬咩？


我同佢傾左一陣，仲一齊上黎」我好得戚咁講
此時Jacky非常激動「咩話！！女神竟然會so你？」大聲到成個課室聽到
「頂你，做咩咁大聲」我掩住佢把口
「佢仲話聽日小息搵我」我接著說
「仲約埋你tim！！？」今次仲大聲
「殊…………」我將食指放在咀前
「唉，軒仔，唔好FF咁多啦，我打死都唔會信囉」Jacky拍一拍我博頭
「唔信就算」我沒有氣說
＿＿＿＿＿＿＿＿＿＿＿＿＿＿＿＿＿＿＿

雪兒依然無同我講過一句說話，
不過我無在意，只係掛住回想倩怡既笑容，我仲時不時含春咁笑左出黎
＿＿＿＿＿＿＿＿＿＿＿＿＿＿＿＿＿＿＿

我戒不掉


她的微笑
洋溢幸福的味道