＜無甜後宮＞唔係呀？二十歲先黎讀番中學！？: 放學後

12點45分
話咁快就放學，因為剛剛開學既關係，所以成個星期只係番半日。
我當然唔係放學飲可樂啦，我只係想衝番屋企食番口煙，
依幾個鐘入面，我煙癮不停發作，但都唔係啲咩大問題
食開煙既朋友都知道，煙癮只係雞毛蒜皮既事，最難頂既係“心癮”。

我在執拾書包時，眼前出現了兩個身影，
就係阿Ling同Gigi。
「喂，軒仔，一陣得唔得閒丫？」Gigi問
「下……做咩咁問？」我嚇左一跳


「約你同我地食Lunch之嘛，咁得唔得丫？」Gigi篤一篤我手臂再用扮可愛既聲線講「你唔係咁忍心拒絕丫嘛 -3-？」

「威啦！咁快就咁受歡迎」雪兒突然插咀
我無理到雪兒，繼續同Gigi傾計

「對唔住丫，我真係同唔到你地食，因為我一陣要番工」
「原來你有番工嫁？咁係邊到番？」Gigi一臉好奇地問
「係……係市中心其中一間西餐廳度番part time，所以下次先啦好嗎？」
「嗱，你應承左我地嫁，唔準反口嫁！」Gigi繼續扮聲



其實望落佢地兩個都幾可愛丫，雖然未到女神既級數，但外表都算突出。
此時我不禁伸出雙手，輕輕撫摸兩名女生頭部，然後微笑著說
「得喇得喇，我唔會呃你地」
我發現佢地雙臉慢慢變紅，雙眼合實，阿Ling紅得最明顯。
數秒後，佢地轉身背向我，同我講
「咁……咁……咁聽日見啦，拜拜」講完就跑走左
我微笑，心裡說著「兩個傻妹」

我突然有一個念頭
「其實如果有個妹妹，都幾好……」


＿＿＿＿＿＿＿＿＿＿＿＿＿＿＿＿＿＿

我番到屋企，食左口煙，換好便服就出門口，諗住到公司先再食野。

轉眼間，由兩點開始工作，直到八點。
當我準備收工時，經理用Walkie-Talkie講
「軒仔，有個女仔係門口搵你丫~」
「有女仔搵我？」我回應
「哈哈！你都算鬼馬，番學第一日就咁快有女仔搵你」經理正在奸笑
我無回應，行到門口之前我有諗過會唔會係Gigi或者阿Ling
我行出門口，向左邊望了一眼，我非常驚訝。
。
。
。
。


。
「點解會係你嫁？」