＜無甜後宮＞唔係呀？二十歲先黎讀番中學！？: 女神也是人

第二日，我七點鐘起身，勉勉強強無遲到，入到學校就聽到打鐘既聲音，
諗住去操場等開始早會，但眼見人群迎面而來。奇怪，點解唔係排隊，
而係走向樓梯方向，不過我都無多理，跟住上去，發現原來每一個人都係番去自己班房。
當我走進課室後，見到其他人已經係自己坐位到，我坐低後就望向雪兒
「雪兒~」我扮可愛
「嘖，好嘔心丫！！！」雪兒皺著眉頭
「其實我有野想問……」
「咁多人唔問係要問我」啤到我實一實
「咁多人入面你同我熟啲丫嘛，你懂的」我笑笑口咁講
「閘住」雪兒擺出交叉手


「唔好咁啦」
「嗱，一係咁，叫聲大小姐先」
「大小姐……」我細細聲咁講
「下，咩話，我聽唔到喎！」玩野啊？
「大！小！姐~」我應該嗌到走廊都聽到。同時，全班都望住我地，包括Gigi同阿Ling
「頂你！洗唔洗咁大聲」雪兒睜大眼望住我
「怕你聽唔到丫嘛」
「怕左你，想問咩」雪兒沒好氣地說
「其實學校方面我有好多野都唔清楚，開始覺得依間學校有少少特別」



「我地學校最特別之處就係老師唔會主動維持學校秩序，而係交比風紀處理，
當然除左上堂、嚴重事件、或者係風紀委員會主動要求既時候」

「咁做風紀咪好大權力？」
「係嫁，有一小部分學生唔鐘意風紀，但始終都有訓導撐腰，佢地都唔會亂搞事」
「原來雪兒姐有咁大個後台嫁……小弟失敬失敬」我笑著說
「所以，你唔好得罪我」
就係咁，我同雪兒傾到Miss Chan番黎上堂

＿＿＿＿＿＿＿＿＿＿＿＿＿＿＿＿＿＿



終於到我期待已久既小息，執好枱面，我離開坐位時，下一秒發生既事，令到課室在場既同學都好驚訝。
我企起身行左幾步，聽到門口有把女聲
「唔……唔……唔該，我想搵……駱梓軒，請……請問佢係到嗎？」佢有小小口疾咁講
我聽到我個名， 出於本能反應當然望過去啦，我當堂成個人呆左，
唔止我一個，全班本來吵吵鬧鬧，都慢慢變得一片死寂，全部目定口呆咁望向門口，
因為果個女仔就係……倩怡！！！

「駱梓軒，你識佢嫁？」雪兒第一個開聲，但我無回應
之後啲男仔細細聲討論「女神黎左！！！」「佢地識嫁？」「唉，這些機會不是屬於我的」「軒仔佢行咩狗屎運丫」
我無理會佢地，只好急急腳咁拉住倩怡走落小食部

落到小食部，當我回神過來發現，原來我一直拖住倩怡隻手。
「啊……對唔住！」我收回拖住佢個隻手
「唔……唔緊要」佢dup低頭


買完野食就走去休息室坐，同上次一樣既枱，但唔一樣既位置，就係坐佢格離。
「點解入課室搵我，唔係到等」
「咁都係同一層姐，咪諗住搵你一齊落黎囉，你介意？」倩怡嘟起咀仔
「我唔係介意，應該係話連介意既資格都無，你係眾人女神黎嫁嘛，我只不過係普通學生，有失你身份丫」
「女神？你指每半年一次既男女神排行榜？」
「下，乜有啲咁既野既咩？」
「真係有嫁，但係我覺得我根本就唔係啲咩女神……」倩怡會唔會太謙虛？
「其實呢，以你樣貌應該會有好多朋友，點解成日收埋自己，唔好好咁識下朋友，係學校入面，社交係好重要！」
「但係……我已經唔係好識融入佢地圈子，佢地之前都有邀請我去食飯，行街等等活動，
但都比我一一拒絕，久而久之，都開始無再理我，如果我突然搵番佢地，咁樣好似好怪咁」
「點會怪呢，佢地一定會好歡迎你」我唔知點應好……
「其實以前我都有幾個感情幾好既朋友，因為有啲原因，所以我同佢地疏遠左」佢講到眼濕濕
「因為……前男友？」
「嗯……」
「你仲好愛佢？」


「係……佢係我第一個男朋友，我仲未識放底佢」倩怡已經流出了兩行眼淚
依個時候我個心，突然好痛，唔係因為有暗病，亦唔係因為倩怡係我面前喊，
而係倩怡承認佢仲係好愛佢前男友。
難道……我已經愛上眼前依個女仔？

望見眼前喊緊既倩怡，只好用母指輕輕抹去臉上既眼淚。
「傻妹，唔好喊，係佢唔識珍惜姐」我溫柔地說
但倩怡愈喊愈勁，我無辦法，唯有出“絕招”
我伸出雙手，緊緊擁抱著倩怡，一開始倩怡都無反應，但後來開始配合我，
個頭慢慢挨去我到，令我可以感受到一陣陣既體香。
「嗚……梓軒……多謝你……嗚」倩怡喊到聲線有點模糊
「傻瓜」我輕輕撫摸著她的頭部

我攬左倩怡幾分鐘，無視旁人既目光，個世界好似得我地兩個咁。
＿＿＿＿＿＿＿＿＿＿＿＿＿＿＿＿＿＿



我不願讓你一個人 承受這世界的殘忍
我不願眼淚陪你到永恆