＜無甜後宮＞唔係呀？二十歲先黎讀番中學！？: 誤會

鐘聲響起歸class的信號~

意識到快要打鐘既時候，就同倩怡一齊番課室。
行到五樓，佢用通紅既雙眼望住我
「可唔可以比你電話我」我萬萬也想不到，佢竟然主動問我拎電話
「可以！」我係褲袋拎出一部未解鎖既電話
「玩我？」佢講完之後一野咬左落我手臂，仲唔放口
「哎吔！！好痛丫！！停丫！！」我忍住淚水大叫
「@……#@*××oo……」因為仲咬住我，所以說話含糊不清
「你講咩丫？放口先啦！真係好痛！」


糾纏了一會兒，倩怡終於肯放過我，我指著她留下深紅色的牙印說
「你睇下你做既好事」
「鬼叫你玩我」倩怡弄了一個鬼臉
「死啦，都唔知會唔會有瘋狗症……」
倩怡扮嬲咁對空氣咬幾下，並發出牙齒碰撞聲音
「饒命啊大人，我講下笑咋」
我最後用筆在倩怡手掌寫上我既電話號碼後，就各自番課室。
＿＿＿＿＿＿＿＿＿＿＿＿＿＿＿＿＿＿

我番到課室，見每個人都用一種奇異既眼光望住我。



Jacky從後鎖住我頸部說
「原來你琴日無講大話，點解女神會主動搵你，從實招來！！」
「是咁的……依個係秘密」我笑了一笑
「唉，這些機會不是屬於我的……」Jacky嘆了一口氣
其他同學亦將我逼到牆角嚴刑逼供
「你地咩關係？」「幾時開始識佢？」「你地係咪拍緊拖？」一個接一個問

Gigi忽然大叫，高舉手中的手機接著說「有最新消息！！」
同學們蜂擁而至圍住Gigi，我出於好奇過去睇下，


我穿過人群，Gigi播放緊影片，片中既男主角身處學校休息室緊緊擁抱著女主角。
咦，咪住！依個男主角咪係我？由倩怡喊開始至到我攬住佢既過程一一比人偷拍下來

「你偷拍我？」我問Gigi
「唔係我啊！係我格離班既朋友。我同佢講左關倩怡黎搵你既事之後，
佢就衝左落去，隔左陣佢就send左條片比我，真係唔關我事嫁……」佢不斷解釋
「真係好無聊囉」我火滾到無眼睇
「你地幾時一齊嫁？」同學異口同聲地問
「我地無一齊過，只係倩怡唔開心我就攬住佢借個膊頭比佢，
乜你地無聽過擁抱就係最好既安慰咩？」我大力拍一拍旁邊既木枱
接著說「你地知唔知咁做會影響到倩怡嫁？
佢始終都係女仔，傳左出去你地叫佢點見人丫？
影響到我自己我唔緊要，但我唔想影響到倩怡……唔想佢又再一次受到打擊！！」
全班都好驚訝，估唔到我會咁激動，我講完依一番說話後，
我注意到倩怡企左係門口附近，之後跑走左。



回到自己坐位後，雪兒咀角戚起一邊笑
「嘩~好Man丫你」我知佢係諷刺緊我
我無理佢，只係伏係張枱想好好訓一教，諗下點面對倩怡。
此時電話震了幾下，心諗「死喇，佢一定係倩怡whatsapp我」，心裡有千千萬萬種死法。
最後我鼓起勇氣按了一下「有3個未讀信息」。
＿＿＿＿＿＿＿＿＿＿＿＿＿＿＿＿＿＿

倩怡：hello~（10:49）

倩怡：軒？（10:52）

倩怡：你係咪已經睇左條片？（10:59）

我：嗯…對唔住（11:31）



倩怡：唔緊要啦，我應該多謝你（11:33）

我：多謝我啲咩？（11:38）

倩怡：你岩岩為我講說話 ☺（11:40）

我：你唔介意佢地誤會你咩？（11:42）

倩怡：唔介意啊，過一排就會無事嫁啦（11:43）

倩怡：不過依家有少少唔開心囉，
隔咁耐先肯應人whatsapp（11:43）

我：咁人地專心上堂丫嘛（11:45）



倩怡：唔好扮野啦，番學頭兩日邊會上堂嫁！
唉，依家緋聞男友呃我喇，無人錫我嫁喇！（11:47）

我：邊個緋聞男友?？（11:48）

倩怡：哼！唔知呢?（11:48）

＿＿＿＿＿＿＿＿＿＿＿＿＿＿＿＿＿＿

估唔到倩怡會用驚人既速度回應，之後我地就由上堂傾到放學，另外條片已經好快傳遍全校。
雖然比其他人誤會我地係情侶，但我地並無避忌對方，反而接觸多左，
放學約埋去食lunch，仲比我見到佢電話set我個名叫「緋聞男友」，唔通我真係有機會？
＿＿＿＿＿＿＿＿＿＿＿＿＿＿＿＿＿＿



＜曖昧讓人變得貪心＞