＜無甜後宮＞唔係呀？二十歲先黎讀番中學！？: 學生會

由開學到現在已經一個月，我既人際網絡已經每form都有識既人，
而倩怡經過我多次既勸告，終於投入正常既社交圈子。
唔知我應該開心定難過呢？倩怡既朋友愈來愈多，反之就同我愈來愈少單獨相處。
雖然少左見面，但我地依然感情好好，亦有時會傾一兩個鐘電話。
經過一個月既時間，我feel到倩對我都好似有少少感覺，唔知係咪我錯覺呢？
唉！兒女私情放埋一邊先！

我用左一個月時間觀察風紀委員會，以及聽聞其他學生既經歷，
發現佢地會濫用職權威脅學生，從中收取利益。雖然有學生投訴過，
但風紀深得老師信任以及受害者無任何證據，所以起訴失敗。


我有問過雪兒點解會咁黑暗，佢話以前都唔係咁，係依兩年開始轉變，
聽說委員長係“某社團”既人。
雪兒雖然擔任風紀一職，但佢表明自己並唔係其中一個壞份子。
最後我仲打聽到倩怡既前度係同風紀委員長有密切關係。

回到現在，我身處學校禮堂，禮堂相當之大，就算容納一千多名學生都仲有好多空位。
我同雪兒因為班長既職務，所以遲左入禮堂，全班都男一行女一行咁坐，
但只有男仔個行有空位，所以我就同雪兒一齊坐。
校長又係度講一大堆廢話，我又有我發呆，但講到一個話題令我回神過來。
校長：「今年有無同學自願參選學生會？如果無就由老師提名。」


參選學生會既條件好簡單，只要係中四以上就可以，如果只有一個參選者，會自動當選。
聽說因風紀委員會既關係，近兩年都無人自願參選，
因為風紀委員會會想盡辦法打壓學生會，令到學生會無機會亂來。
但我靈機一觸，想到學生會係唯一可以反抗風紀既機會，我實在睇唔過眼風紀既行為。
我要創造一個神話……
所以我有一個目標……
。
。
。
。


。
。
。
。
。
。
。
。
。
。
就係做學生會會長！！
。
。
。
。


。
。
。
＿＿＿＿＿＿＿＿＿＿＿＿＿＿＿＿＿＿

「今年有無同學自願參選學生會？如果無就由老師提名。」校長說

如同學所講，無人會自願。
校長一句說話，換來一片死寂。

「我要參選」我企起身，高舉左手
簡簡單單一句話，吸引全校學生驚訝既目光。
之後雪兒捉住我衫角向下拉，向我示意坐番低唔好搵依樣野黎玩

「軒！唔好玩啦，你明知會比風紀釘死你，依家坐番低仲黎得切」雪兒睜大眼睛激動地說


「我唔係玩，我真心想做」我望回雪兒
「你係咪痴線嫁，你咁做係自虐囉」
「我已經決定左……」我細細聲咁講

我覺得學生會會長一職係非我莫屬既時候，
有位女生吸引住我眼球，佢做同我一樣既姿勢。

「我都想參選」女生企起身，舉起左手



我……當堂呆左……