＜無甜後宮＞唔係呀？二十歲先黎讀番中學！？: 冷艷少女

「我都想參選」女生企起身，舉起左手
眾人目光投向依個女仔。

雖然同佢有一段距離，但依稀留意到又係一名美女，令我嘆為觀止，同倩怡有得比。

「請兩位同學上台」校長說

我到台上可以近距離望到依位美女，
擁有微棕偏黑既秀髮，嫩白細緻既肌膚，依稀聞到身上散發著清甜糖果香味，約矮我半個頭既身高。
雖然係一位美女，但表情冰冷，佢單單一個眼神就令我感到寒意。


所以我會稱佢為「冷艷少女」

我向佢微微一笑，但佢無視我
「投票將會10月20號進行，即是兩星期後，你地可以係依兩個星期進行任何拉票活動，當選後兩日內要交出至少三位成員名單，兩位參選者，有無問題？」校長嚴肅地講解
「無問題」我同冷美人同一時間講
「無問題就雙方握手示好，選舉第二，友誼第一」校長說

我地雙方都伸出了手，當我接觸到佢嫩滑小手個陣，我感覺到佢隻小手非常冰冷。
「我叫李紫冰」她冷冷的說
「叫我軒仔得喇」我尷尬地說


之後佢單手用力向下拉住我手臂，失平衡既我整個人側向紫冰但無跌倒。
「我係唔會輸比你」紫冰抬頭到我耳邊說
不久，佢冷冷地笑住咁轉身離開，我企係台上呆左幾秒先有意識離開。
雖然紫冰係台上向我下戰書，但台下既角度比其他同學覺得係紫冰係我臉上錫左一啖。
此時我又墜入一連串既誤會當中，
同時亦成為學校其中一個風雲人物。
＿＿＿＿＿＿＿＿＿＿＿＿＿＿＿＿＿＿

回到課室，正當我諗緊搵咩人選好，我望一望雪兒，好！就踢佢入會啦
「雪兒，你會唔會同我一齊入學生會？」


「傻的嗎？你仲記得我係風紀嫁可？」
「記得……」
「如果你當選，我地以後就係敵人，所以我地都係少啲來往好啲」
「做到咁絕？」
「咁做對大家都好」
「咁我問你一樣野……你鐘唔鐘意依家既風紀委員會？」
「老實講，我唔鐘意，但係無辦法」
「我有辦法，就係幫你成為委員長」
「下！！！你點幫」雪兒相當驚訝
「我會想辦法拉佢落台，之後推薦你做委員長」
「你知唔知自己講緊咩？你當你自己係革命家？」
「我好清楚自己講咩，只係睇你接唔接受我既方案」
「睇下點啦」
「咁係你決定之前，可唔可以唔好當我係敵人？」
「考慮下」雪兒無望住我講


女人大多數講「睇下點」「考慮下」都表示你好大機會成功，愛情係咁，依個情況都唔例外。

「投票個陣我會投比你，但唔代表我依家支持你既方案，到時我先決定支唔支持」雪兒dup低頭講
我立即開心到撲上前攬住雪兒嬌小玲瓏既身體
「雪兒bb，好多謝你丫！！我一直都同自己講雪兒係最好！！」我一邊攬住雪兒，一邊笑住講
因為太突然，雪兒來不及反應，全身僵硬。
「啊！對唔住，太感動喇，嘻嘻」我放開雪兒，接著說「咦，你臉紅喎，你唔係鐘意左我呀嘛？」
「痴線！」雪兒用書大力拍打我頭部
「哎吔……痛嫁……」我摸摸比雪兒打既位置
「哼！咸濕仔！」雪兒講完就一支箭咁走左

＿＿＿＿＿＿＿＿＿＿＿＿＿＿＿＿＿＿

因為今日唔洗番工，所以放左學就番左屋企等食媽媽煮既飯。
「媽，咁好餸既」


「係丫，今晚有兩位客人黎食飯丫嘛」

~叮噹~

「一講就到，你去開門先啦」媽咪指住門口
「哦，好」我行緊去開門

我打開門，見到一男一女
個女仔上一秒仲係面上有笑容，下一秒已經一臉震驚，其實我估唔到「佢」都會識笑。

「又係你？」女生怒視著我說……