＜無甜後宮＞唔係呀？二十歲先黎讀番中學！？: 同居（一）

「李紫冰？」我一臉恐慌
「哼！」
「入黎先啦」我沒好氣地說
入到屋後，我招呼紫冰同佢爸爸到梳化坐，等我啊媽煮好飯就一齊食。
我地五個人一齊食飯，有紫冰，紫冰爸爸，我爸媽同我，話題就咁開始……
「我都估到你地見過面」紫冰爸爸笑著說
「佢係同我同校，亦係我競爭對手！」紫冰激動地說
「哈哈，其實今晚係有野想同你講嫁，丫仔」我媽咪說
「有咩講……」
「紫冰爸爸係我同你媽咪既同事，我地聽晚就會去外國做野，


今次係想同你講紫冰會係到住一個月，你要好好咁照顧人丫」我老豆好嚴肅咁講
「咩話！！要我照顧佢！？」我嚇左一跳
我再望望紫冰，佢心情似乎好平穩，應該一早知道，但唔知係我……
「其實我自己住都無問題嫁……」紫冰望住佢爸爸講
「無問題？點會無問題？你麵都唔識煮多個，仲有你自己住好危險嫁，有個照應好好多」
「爸爸！唔好講人地啲醜事出黎啦……」紫冰dup低頭講
「放心啦，我會好好照顧紫冰嫁喇……」我都係接受現實吧啦
之後我丫媽對住紫冰爸爸話「我地做唔做得成襯家就睇今鋪」……What the fuck?

之後佢地話要我同紫冰培養下感情，就逼我地落街行下，傾下計。


落到去樓下公園我地就坐低，
尷尬既氣氛令到我地靜坐五分鐘，之後佢就開始講野
「喂！你隻手個到做咩」佢注意到我手上既紋身
「哦~都紋左好耐，三年左右」
「你中一開始紋身？」佢有點疑惑
「唔係……係我17歲個年……」我都係選擇講真話
「下……你二十歲？仲讀緊中四？」紫冰既疑問愈來愈多
我就同佢講番以前中四輟學之後既生活，以及為何要讀番書
「哦~估唔到我黎緊要同個壞人一齊住」佢咀角戚起一邊笑
「都話我唔係壞人……」



突如其來既一班MK仔睇中左紫冰
「喂，靚女，做乜咁夜唔番屋企丫，等哥哥陪你好無？」其中一個MK仔講
班MK仔有六個人，當中唔係營養不良，
就係肥矮毒撚樣，我同紫冰選擇唔理佢地，
之後我拖住紫冰諗住走走。
無錯！係拖住！！
行左幾步，之後佢地跑去我地面前檔路，真係心諗有無咁MK丫
「靚女做乜唔應人姐~」有個MK仔捉住紫冰另一隻手講
當時紫冰嚇到眼泛淚光，我真係忍唔住喇
「放開你隻閪手！」我大聲喝住，一臉憤怒
「你講乜撚野丫，你邊撚到嫁，我同你講，條女我地食硬嫁喇」六個MK仔圍住我地
「食屎就有你份」我講完就一拳打左落眼前一個MK仔到
之後另外幾個亦上前幫拖，但佢地真係弱到黎多幾個都可以打得贏。
我打左落第一個人到，後面肥仔就熊抱咁攬住我，


我一個批㬹，肥仔塊臉食撚哂，之後訓左係地下。
其中一個瘦MK見到後跑去我面前，之後我正面對住佢，
伸出左手捉住佢左邊膊頭，停低後再左腳踢前拉弓儲力，然後用力後踢踢落小腿位置，
佢成個人失平衡大字型撻落地下，我再補一腳收佢皮。
其餘三個睇到腳仔都震哂，佢地又想打，但又覺得唔夠打，但我無多理，一次過收哂佢地皮。
我走到剛剛捉住紫冰隻手果個MK仔面前，踎低同佢講
「屌你，岩岩唔係好撚型既咩，六打一都打到你咁撚柒，學乜撚野跟人丫，
番去食媽媽煮既飯啦，仲有我無跟人，但我係豹哥既契仔，
唔知邊個豹哥既話就番去問你大佬啦」我拍左幾下MK仔塊臉
一場鬧劇就咁完結，我再次走到紫冰身邊，
見佢已經哭成淚人，諗都無諗就緊緊抱實佢。
依種感覺好熟悉，好似好耐以前都有咁做過……
「無事嫁喇，乖啦」我邊攬實紫冰，邊掃掃佢背隻講
「嗚……咁人地驚嫁嘛……鳴」紫冰左我懷抱中啜泣
「我會保護你、照顧你嫁嘛，喊完就番去啦好無？」我溫柔地撫摸紫冰頭部


「嗯……」紫冰此時亦雙手攬實我
＿＿＿＿＿＿＿＿＿＿＿＿＿＿＿＿＿＿

班MK仔已經散去，我同紫冰係一個寧靜既公園相擁左約10分鐘，
然後番左我屋企，紫冰全程一粒聲都無講過，
直到佢要番自己屋企先同我地講拜拜。
其實紫冰外表冰冷，好似好堅強咁，但今次佢咁小鳥依人都幾可愛。
我諗經過今次佢會對我無乜敵意，我真係咁諗，但都只係諗……
＿＿＿＿＿＿＿＿＿＿＿＿＿＿＿＿＿＿


讓我照顧你 面對再大的風雨