＜無甜後宮＞唔係呀？二十歲先黎讀番中學！？: 同居（二）

番到學校，我依然比紫冰仇視，
我透過一班狗公同學知道，原來紫冰係插班生，轉左黎只有幾日時間，
班M男仲話比佢仇視係一種另類幸福，
真係頂佢地唔順……

今日倩怡竟然主動約我一齊食lunch，
佢百忙之中都抽時間同我食，我都無理由拒絕。
我地就去左一間茶餐廳食飯，我叫左個唦嗲牛肉麵，佢就叫左個粟米肉粒飯。
「近排威啦，比轉校生錫左一啖」倩怡嘟咀咁講
「都無錫到……做咩丫？呷醋丫？」我開玩笑


「我先無呷醋丫！」口裡說不，卻身體很誠實
「好好好……」我笑著說
「係呢！點解要參選學生會？你應該都聽聞過有咩下場」
「因為我想改變啲野，係啲咩就遲啲同你講」
「懶神秘！！」倩怡又再嘟咀，真係好可愛！
「我想問呢，你願唔願意做我既書記？」
「到你當選先講啦」倩怡微笑回應
「你咁講即係對我無信心姐」我一臉失落
「唔係對你無信心，但紫冰既樣貌應該吸引唔少男性投佢一票」倩怡一臉認真
「其實我統計過，我地學校女多男少大約6:4，我諗應該唔係問題」


「咁你做左會長之後記得同我講係想改變咩喇，嘻嘻……」
「一言為定！」其實我係諗住個日同倩怡表白……
＿＿＿＿＿＿＿＿＿＿＿＿＿＿＿＿＿＿

我同倩怡食完飯就各自番左課室，
上埋最後兩堂就諗住番屋企從長計議點拉票，
我打鐘放學個陣因為急尿，所以用最快速度跑去廁所，屙完先番黎執野走。
交完水費我就番課室，行到我位置面前後面有人大叫「駱梓軒同我即刻出黎」，我當堂嚇左一跳，心諗：好彩岩岩屙完尿。
我望番後面，原來叫我果個人係……李紫冰。



雖然對八卦既同學黎講係又一單新聞，但經過倩怡上次主動搵我，以及比人誤會我同紫冰有親密行為之後，我既同班同學都無乜大反應，只係望住我笑騎騎咁。
「駱梓軒同我即刻出黎！」李紫冰又大嗌
「等我執埋野先啦好嗎」我擰轉頭，沒好氣地說
「比1分鐘時間你，唔好要本小姐等咁耐」
「唉，知喇知喇」我趕快執拾手頭上既書本
「其實你啲男女關係點搞嫁」雪兒都忍唔住問我
「唉，你唔明嫁喇，總之煩啦」其實我個心只有倩怡一個……真係？

離開學校，我就跟住紫冰行，大家都好沉默無講野，但最終我都想問佢野。
「我地依家去邊？」
「搭車去荃灣囉」好似唔想同我講野咁……
「去荃灣做咩」
「幫我拎行李囉」開始有點不耐煩說
「下，你自己拎都得啦」
「你唔係講過野唔算數啊？」紫冰睜大隻眼望住我


「我講過咩？」
「你話過會照……照顧我嫁……」紫冰dup低頭，聲線漸漸變小
「好啦好啦……」我唯有幫佢……
「好野！！」佢笑住咁走去巴士站
我係第二次見佢笑，其實佢笑得幾甜丫，都唔明點解要成日咁cool。
我地去左搭58M去荃灣，搭車中途佢訓左教，仲無意咁挨左落我膊頭，見個冷氣都幾大，所以幫佢扭細個冷氣。

差唔多到荃灣，我見佢訓得咁林，仲流左少少口水，都唔忍心叫醒佢，但無計，始終都要落車，唔通到總站搭番番去荃灣咩……
我輕輕彈左一下落佢額頭，之後扮訓，不久後佢用力捏我手臂。
「唔好以為我唔知你彈我額頭」佢不斷捏我
「哎吔……我都無咁諗過……」
「岩岩扮訓仲話無咁諗！幼稚！」
「係喇！我最幼稚！你最成熟！落車啦」
「哼！」



去到佢屋企，我就坐左係梳化等佢執完行李，
過左陣佢終於係房到出黎，仲換埋衫，
佢身穿白色露臍T裇，淺藍色牛仔熱褲，將雪白既小蠻腰同嫩白既美腿表露無遺，好彩我心裡有倩怡，如果唔係我會把持唔住……
「紫……紫冰……」我目定口呆
「做咩？」
「無，覺得你咁著好靚姐……」我講真的……
「我不嬲都靚！不過你唔好鐘意左我」
「傻的嗎？我心有所屬嫁喇」講多左……
「咁係邊個？」佢戚起咀角
「er……唔講……」
「你唔講信唔信我打比你媽咪話你恰我丫拿！」是那招……
「你贏！番到去先講」我沒好氣說
＿＿＿＿＿＿＿＿＿＿＿＿＿＿＿＿＿＿

我地番到屯門都成六點幾七點，最後番去都係叫pizza hut食。


「點丫，講得未丫？」紫冰食住pizza講
「係……倩怡……」
「哈哈！咁高難度既！哈哈」佢大笑著說
「我諗住做到學生會會長就同佢表白」
「咁你依世都無機會」紫冰接著說「你咁想做到會長就係因為佢？」
「其實係另一啲原因……你有無聽過風紀委員會係負責學校秩序，老師係唔會理？」
「有聽過下咁啦」
「咁你知唔知風紀委員會佢地平時濫用職權，欺壓其他學生」
「咁依個未聽過」
「我想做會長就係因為依一點，我想拉委員長落台，再換一個可以信任既人，人選我已經搵到，但我等緊佢答應」
「你諗到咁長遠既，但我覺得你咁做同自虐無分別」
「以後既野，到時先諗」我接著說「紫冰，我想你幫我一樣野」
「講！但我唔一定幫」
「你退出，比我做會長，作為交換，我一做完自己要做既野就會退任比你」
「比我諗諗……」好似有啲心動！


「咁好啦，唔好再講學校既野喇，食完野幫你換床單」

因為紫冰黎我屋企住既關係，佢會訓我間房，我就訓我父母間房。
我幫佢換完床單之後，佢就唔知kick到啲咩，成個人撲向我到，女上男下咁訓左係張床到。
我地塊臉只係相隔幾CM
「紫冰……」我輕聲叫佢
「可唔可以唔好再叫我紫冰？」佢本身雪白既臉頰，開始慢慢變得通紅
「下，點解」我開始FF佢唔係想要啲咩特別稱呼丫嘛……
「你唔覺“紫冰紫冰”咁叫好怪咩，都係叫我Ice啦」
「咁好啦，Ice」
佢慢慢起身，我亦離開依個同Ice「邂逅」左數十秒既地方。