＜無甜後宮＞唔係呀？二十歲先黎讀番中學！？: 宣戰

10月9日……
「大家好，我係新一任學生會會長」我在台上宣布。
台上唔只我一個，仲有Ice、倩怡同埋一班男生，我不久後會燃點一條導火線……
。
。
。
。
。
。
＿＿＿＿＿＿＿＿＿＿＿＿＿＿＿＿＿＿



三日前……

「我係候選人駱梓軒，我會承諾大家黎緊會有一個好既轉變，為大家爭取更多學生福利」我在操場小台階大聲叫
雖然講依啲野好「行」，但唔通未上任就打草驚蛇同人講我會推翻風紀委員會咩……
眼見之前Ice連同幾個女同學運用美人計去拉票，我心中有點不甘……，其實可以打定輸數……
唔通我真係無機會搞依一場革命？

今日如常放左工就番屋企，番到去發現Ice仲未訓，佢話肚餓所以煮左個餐蛋麵比佢。
「好飽丫」Ice摸摸肚皮一臉滿足


「食飽就快啲訓啦」
「其實我諗清楚……我接受你既交易，我會退出」
「咁突然……」我有點不知所措
「我有多一個條件，就係要做學生會統籌」
「無問題」
「成交！」Ice高興地說
「聽日我會搵劉志傑傾下」
「邊個黎嫁？」
「曾經係劍道部既部長」
「我地學校有劍道部既咩」


「以前有，依家無，將來可能會有」

一年前，劉志傑因為同風紀委員長發生口角，所以委員長威脅學生會，要求廢除劍道部。今次我要一支有力既「軍隊」，所以我要同劉志傑合作。

第二日，我約左劉志傑到休息室
「你好，我係駱梓軒，我有啲野想同你傾」
「學生會既野？」
「係，我當選既話我會重開劍道部，我想你再擔任部長一職」
「你咁做會比風紀班人視為眼中釘」
「我正有此意，我咁做係想推翻風紀委員會」
「其實我有聽聞你係轉校生，你唔知風紀委員會班仆街有幾黑暗我唔怪你，總之我都係勸你唔好同佢地作對，我走先」
「咪住！你甘心咩？你甘心就咁放棄劍道，就咁比人欺壓到畢業咩？」
「……」佢企係到無出聲
「所以我就係想你同我合作，一齊拉委員長落台」
「就算你成功，但唔擔保下一個會唔會都係咁」


「我已經有人選，我會推薦佢做下一任委員長」
「咁你之後會點做？」佢企番係我臉前

我同佢講左我既計劃之後佢就應承左幫我，比兩日時間佢重組舊部員。同時Ice亦已經宣布退選。倩怡方面，我已經同佢解釋清楚，起初都猶豫，但最後比我說服幫我擔任書記一職。
現在一切已經係我掌握之中。
＿＿＿＿＿＿＿＿＿＿＿＿＿＿＿＿＿＿

10月9日

因為早前Ice退選，所以我提早宣布上任會長，今日學校安排早會去禮堂由我主持，我帶領Ice、倩怡、劉志傑以及數名男生上台，我相信我身旁兩位美女可以令我支持度大幅增加。

上到台上面對一千多名學生，我深深吸了一口氣
「大家好，我係新一任學生會會長，
由李紫冰擔任統籌，關倩怡擔任書記，
依一年入面我地會好好咁為學生服務，


我同紫冰都係轉校生，對學校認識唔係咁多，請大家多多指教。
另外，我亦有幾個事項要宣布，
第一，我將會重組劍道部，劉志傑同學亦會再次擔任劍道部部長。
第二，我聽聞有學生受到一小部分既風紀威脅及欺壓，我會親自調查……」
突然有數名風紀走到台前打斷了我既說話
「你咁講係咩意思」其中一個風紀說
「呢位同學，你知唔知咩叫禮貌，我都未講完我要講既野」我手指指著那位風紀，全校目光投向佢，佢唔出聲之後我亦繼續講
「我會親自調查真相。
第三，首先多謝風紀委員會咁耐以黎對學校既貢獻，
日以繼夜為學生服務相信已經身心疲累，校長已經批准我設立「行動組」分擔風紀既工作，
組長亦會由劍道部部長劉志傑同學擔任。
最後，運動會將會11月2號舉行，所以明天放學開始招募工作人員，
請大家踴躍參與。
我要講既係咁多，多謝！」
我落到台下，有十幾個風紀係台下聚集，


有一個男仔慢慢行到我面前
「你好，我係風紀委員長陳柏翹」佢微笑著說
「有咩可以幫到你？」我亦微笑回應
「你知唔知咁做日後會有人找你地麻煩？」
「知嫁，但我有咩可以驚呢？」
「我知你係咩人，唔會咁易搞到你，但你身邊既人唔同」佢目光轉向Ice同倩怡
「咁我會叫“佢”有咩事搵我好喇，如果唔係唔會放過任何一個人，無論校內，定還是校外」
「哈，我都勸你唔好搞咁多事」
「睇下點」我依然保持微笑

雖然我地對話個陣臉上都保持笑容，但每一個人都知道我地隨時都會開戰……