＜無甜後宮＞唔係呀？二十歲先黎讀番中學！？: 新一屆男神女神
半年一度男女神排行榜既日子來臨，
每人可提名一男一女，得到最多提名既十男十女就可以進入第二階段，
第二階段就會進行兩日，全校同學都會獲得一張紅色一張藍色既卡紙，操場內放置二十個投票箱，男仔藍色，女仔紅色，卡紙要放進對應顏色既投票箱，否則作廢。
兩日後既午膳時間，會係操場點票由學生會隨機抽出三位學生負責公開點票。
最高票數既五男五女就係新一屆既男女神。
＿＿＿＿＿＿＿＿＿＿＿＿＿＿＿＿＿＿
我拎住倩怡寫既講稿到廣播室宣布
「經過幾日既時間，我現在宣布二十位既候選男女同學名單。
女同學入選既有：關倩怡、林凱晴、邱靜雯、李紫冰、高嘉慧、林慧珊、李敏宜、唐詠雯、司徒芷琪、文詠思。
男同學入選既有：余海蜂、陳柏翹、李亞倫、黃俊傑、陳衛昇、李梓鋒、林樂天、蕭俊偉、林家達、駱…………點解會有我個名嫁」我感到驚訝
「各位同學有兩日時間，請大家踴躍投票」Ice搶左我支咪
關台之後我就用仇視眼光望住笑緊既Ice同倩怡
「你地做手腳？」
「無囉，比人提名唔係一件開心既事咩？」Ice笑笑說
「無謂獻醜，反正都一定入唔到圍」
「點解咁講呢，我個班都有好多人睇好你」倩怡拍拍我膊頭說
「唉，番到去實比人笑」我嘆了一口氣
我番到課室，眼見全部人都係到陰陰咀咁笑，連雪兒都笑埋一份……
「喂，男神候選人，有無信心贏」雪兒笑著說
「緊係無……」
「哈哈哈，我會留心睇你輸果個樣」
「妖……」我趴係枱面
「軒仔，唔好覺得全班都笑緊你，其實佢地有份提名你，包括雪兒在內，嘻嘻」Miss Chan走到我身邊說
「咩喎……我只係想睇佢輸咋」雪兒立即辯駁
到左小息我準備落去買野食個陣，阿Ling突然捉住我
「軒……一齊落去好嗎？」佢dup低個頭說
「哦，好丫，叫埋Gigi？」
「唔洗，我只係想兩個人」
「咁好啦……」我見到Gigi係後面奸笑……唔知有咩陰謀呢……
落到小食部個陣唔知係咪心理問題，感覺上個個見到我都係背後恥笑我……令我急急腳咁走去無乜入既地方坐，阿Ling都跟埋黎。
「我會投你一票嫁」
「下，多謝你支持」
「軒，我有野想同你講……」點解咁似……
「咩……咩事……」唔係想同我講鐘意我丫嘛……
「其實我一直都鐘…………」被打斷了說話
「駱梓軒！原來你係到，你同我過黎！」我被Ice扭著耳仔
我被拖行幾米，但Ice並無意欲鬆手
「你幾時先肯買沐浴露丫，就黎無喇！！」
「你自己唔去買？」
「我要練舞嫁嘛，練完好攰，唔想買！」我夠要練！！
「好啦好啦，我夜啲買……」
「其實我岩岩係咪阻住你同果個女仔？」
「唔係丫，反而你救左我先岩，佢岩岩好似想同我表白，
佢差唔多講出口既時候比你拉走左我」
「哈，咁佢一定好憎我」
我番到課室見到阿Ling已經喊緊，Gigi見我番左黎就走到我坐位大力拍一下枱面怒視我
「駱梓軒！你對阿Ling做過啲咩！」
「我乜都無做過……」
「我問你！你係咪同果個李紫冰一齊左？」
「我無！但就算係又有咩問題？」
「哼！」Gigi轉身走去阿Ling到
成班同學都係到食花生，只有Gigi過去安慰阿Ling。
唔知點解我一點內疚都無，我係咪真係咁仆街……但我再諗真啲，倩怡個陣個心態係咪同我依家一樣呢……？
＿＿＿＿＿＿＿＿＿＿＿＿＿＿＿＿＿＿
兩日既時間終於過左，我站在操場上既小台階，抽出三位同學點票，一個負責點，一個負責入電腦，一個負責監察。
花了30分鐘，最後得出了結果，電腦接上了投影器投射比各位睇結果。
＿＿＿＿＿＿＿＿＿＿＿＿＿＿＿＿＿＿
女神：
1.關倩怡（學生會書記） 319票
2.李紫冰（學生會統籌） 296票
3.司徒芷琪（紅社副社長）288票
4.唐詠雯（風紀）164票
5.文詠思（舞蹈組組長）96票
男神：
1.陳柏翹（風紀委員長） 309票
2.駱梓軒（學生會會長） 284票
3.李亞倫（藍社社員） 279票
4.林樂天（足球隊隊長） 207票
5.黃俊傑（足球隊隊員） 84票
＿＿＿＿＿＿＿＿＿＿＿＿＿＿＿＿＿＿
What！？我第二名？我唔敢相信……係咪點錯票？
係現場既當選者只有我、Ice、陳柏翹同埋林樂天，其他未見過既只有司徒芷琪、唐詠雯同黃俊傑，而李亞倫即係倩怡既男朋友，不過男仔我無乜興趣，我比較期待既係另外兩位女神係點既樣。
此時陳柏翹慢慢走到我身邊
「會長，恭喜你喎」佢笑面迎來
「我都恭喜你，委員長」我也笑著回應
「我唔單只要你輸一次比我，無論係啲咩，我都要你輸一世」佢舉出手指公，然後倒轉
「真係？你鬥咩我都奉陪到底」我繼續笑著
「你係輸得起先好講，哈哈」佢笑著離去
雖然我真係輸比陳柏翹，但我覺得好正常，佢真係好靚仔，我只不過係樣貌好其他人少少。
＿＿＿＿＿＿＿＿＿＿＿＿＿＿＿＿＿＿
我去到會議室同Ice食飯
「其實另外兩個女神係點既樣」我問
「你有興趣？」
「想知下姐，有無相睇？」
「等陣……」Ice拎出手機禁幾下臉書，比左幾張相我睇「嗱！佢就係司徒芷琪」
真係好靚，個種無辜既眼神，雪白既肌膚，
仲有佢條又白又幼既長腳都可以玩成晚，
真係唔知條裙白啲定條腿白啲，
仲有同倩怡一樣既中分長髮，
擁有女神既稱號真係實至名歸。
「嘩！點解佢會輸比你」
「你咁講咩意思？」Ice從眼神裡湧出殺氣
「無……無丫！仲有果個唐詠雯呢？」
「依個你諗都唔洗諗，人地風紀黎嫁！加上你依家係風紀既眼中釘，遲啲自然會遇到佢」
「車，睇下都得掛……」
「No！其實係我無佢fb」Ice搖搖食指
「車，話說點解你會有咁多人fb，明明係遲過我入學，你都可以多過我既……」
「因為我靚女囉！」佢拍拍自己心口
「……」我無言以對
＿＿＿＿＿＿＿＿＿＿＿＿＿＿＿＿＿＿
我放學個陣因為漏左啲野要上番去拎，
行到3樓既樓梯有個女仔唔知做乜撲左過黎我到，我諗左腳Kick右腳掛……
我坐左係地下，佢就騎住我，好彩唔係好高跌落黎，
如果唔係我屎忽一定開花！
佢雙手蹺住我條頸，額頭貼額頭，係傳說中既零距離？
我聞到陣陣花，眼見細緻既五官，微紅既雙頰。
「呀！！」佢尖叫起來，之後起身「你個死變態佬！！」
「咩丫！明明係你自己撲埋黎」
「哼！」佢轉身走左，隱約見到手臂戴上了紅色帶
對唔住都唔講聲，仲要鬧人，莫名其妙……