《蒲英的約定》: 第四章──再遇(下)

「唔使客氣，舉手之勞啫，更何況我都一早睇佢唔順眼好耐架啦，你地冇事就好啦。哈哈。」我客氣咁講。「唔，咁為咗報答你，我幫你寫紀念冊啦。俾隻手我啦。」「哦。」我伸出右手。「呢個係我手提電話號碼，放學之學打俾我，我會攞張寫好咗資料嘅紀念冊紙俾你架啦，記住要袋好。」說畢，佢就急急腳咁跑走咗。「咦， 9xxx0xxx。」
……………………………………………………………………………「唉吔，我又瞓着咗添…好似又夢見返以前啲嘢。」跟住我就回想起夢入面嘅數字，所以就去咗揾陳空姐。然後俾我發現咗佢係休息室攞住包咖啡糖發呆。「陳空姐。」「哦，李先生，有咩幫到你？」「冇咩嘢，我想問你攞返頭先包咖啡糖啫。」「嗱，你包糖，係呢到。」佢伸手將包糖交俾我。我接過之後一睇就見到9xxx0xxx，同以前陳卓盈同學嘅電話號碼一樣。我即刻細細力拍咗佢個頭一下講：「重話未見過我，陳 卓 盈同學。咁耐」突然間，佢撲埋黎抱住我講：「仲以為你唔記得咗我添。」「點會啊，咁靚女點會唔記得啊，哈哈。不過咁耐無見，過得好嘛？」「好。不過自從你去咗韓國之後就同你斷哂聯絡啦？」「哦，因為我電話唔見咗，所以咪冇哂你地啲電話號碼囉。咦，不過無見一排高咗又瘦咗啵。係啦，你啊哥呢？佢點啊？」「佢都幾好。不過估唔到無見一排，你都重係未成熟過啵…唔好講住啦，我仲做緊嘢，等落咗機先同你再傾啦。」「okok，咁Starbucks見。」

落機之後就已經係夜晚七點十分，當我正準備去Starbucks嘅時候就收到馬叔叔電話。「你說把愛…」「喂，馬叔叔？」「係，政蒲，你認得我把聲？」「哦，唔係，係因為老豆話咗俾我聽，我到咗香港你就會聯絡我，所以我咪估係你囉。」「原來係咁。我打黎係想同你講詠英知道你返咗香港所以好開心，話要黎接你機，但係因為佢病咗，所以我冇俾佢去。」「哦，唔怪得見佢唔到啦，咁佢冇事啊嘛？」「佢話佢食咗藥好翻好多，而家應該休息緊，係屋企瞓緊覺。」「哦。咁唔使佢黎揾我，等我去揾佢得架啦。」「唔，佢電話號碼係9xxx2xxx。到咗樓下就打比佢啦，我諗佢一定好期待見返你。順便提下你而家香港沙士好嚴重，所以盡量避免去人多嘅地方。最後，記住聽朝六點早機。我而家去緊你老豆屋企，晏啲有時間就視像你老豆啦。」「ok收到，咁好啦，拜拜。」「嘟」

講完電話之後我就行咗去Starbucks。我揾咗個有兩個座位嘅枱，坐低之後就whatsapp卓盈，話俾佢知我到咗。然後我就用住手機等佢。

廿分鐘之後，有個着住黑色連身裙嘅人行咗埋黎。「Hi。」佢微笑道。我抬頭一望，原來係卓盈。我一望就發現佢換咗件衫同重新化咗個淡妝。再仔細睇嘅時候先發現佢都幾靚，黑色嘅連身裙同佢白裏透紅嘅肌膚形成咗強烈嘅對比，而且因爲裙嘅長度係短過膝頭少少，所以完全突顯咗佢嘅四十吋長腿同高挑嘅身材。「Hello。」我呆咗一下之後應道。

「睇黎咁耐冇見，你唔只高咗瘦咗，重越黎越靚女啵。哈哈。」我講笑道。「緊係啦，唔通個個都好似你咁咩，長唔大嘅細路。」「你錯啦，我有長大過架，同埋我大過你兩年，所以你先係細路。」佢聽到之後就鼓起泡腮冇出聲。「好啦好啦，唔串你啦。你飲啲咩？我請。」「碎朱古力咖啡星冰樂走cream。」說罷佢就微微一笑。「ok等我一陣。」之後我就跑去買咖啡。