(無甜)上天給我的一個玩笑 (新增外傳): (4)

「你而家可以話比我知啦」
 
「嗯」啊螢吸左一啖氣「其實係上星期我補習既時候…我突然收到一個電話…係我家姐生左個女」
 
「呢啲開心事黎架WOR，你又咁鍾意小朋友」
 
「但係…我家姐係生完之後身體出現一啲問題，而家仍然留院觀察…我好擔心佢…我同你講話去旅行同MOMO其實係假既…我係去左照顧我家姐」
 
「哦…原來係咁…咁你家姐而家點」
 




「暫時都仲係唔穩定…但已經慢慢好轉」
 
「邊有得擔心咁多呀，你搞店而家個情緒再去照顧佢好過啦」
 
「嗯」
 
「而家夜啦，我送你返屋企啦」我企左起身
 
「唔洗啦…我咁大個人」
 




「你算啦，睇你個樣，你呢幾日都係訓得唔好架啦，一陣係路上出咩事，唔安樂個個係我呀」我伸手示意拉佢起身
 
「咁好啦」啊螢深呼吸一下，捉住我隻手
 
我拉起左佢之後亦都放開手
 
我同啊螢兩個一齊慢慢向住啊螢既住所行去
 
「喂」啊螢突然之間拍一拍我
 




「嗯?」
 
「今晚既事，你唔準同任何人講WOR，你係第一個知」
 
「得啦，琴日我都答認左你唔會同人講啦」我笑笑口

「多謝你」
 
「唔洗」
 
「其實你本質都唔壞呀，成績又唔差，點解要搞到自己好似個壞學生咁呀?」
 
「乜你都會有興趣想了解我咩?」
 
「唔得咩?」佢望住我




 
「得得得」我望向天空「其實你唔覺得咩野都循規蹈矩既人生會好無色彩嘅咩?係學校，條條規矩都跟到足，上堂個陣個個都係似個機械人咁坐定定聽書，有問題問你就答，有功課比你就下下準時完成，第二日就交比老師改，日復一日。」
 
我望望啊螢，佢又不停點頭，好似有啲同意我所講既野
 
「如果係呢個階段咁樣過日子，我邊有中學回憶可言，儘管所有人都覺得我係壞學生，只要我自己而家過得開心又有咩所謂，過多三五七年，只要我唔係犯咩嚴重既校規，又有邊個老師會刻意記得我以前所做過既野。其實而家咁樣咪幾好，返到學校吵吵鬧鬧，有時你又捉下我衰啲咩，我又係到窒下你，至少咁樣既校園生活先感覺到學生既活力」
 
「原來係咁，其實你都係想做下校園入面嘅開心果角色啫」
 
「可以咁講啦，因為從我入到呢間中學開始，我就唔會諗住我地呢一屆學生會有開心果，如果我想係校園到有開心果令到班房入面既人有活力嘅話，倒不如我自己去做呢粒開心果」
 
「咁你又覺得我呢粒開心果做成點呀?」我拍一拍啊螢
 
「Um…」佢對眼望一望天「都幾稱職嘅」啊螢露出久違了嘅笑容
 




「哈…到你屋企啦，快啲返上去訓啦，陣間你又整對黑眼圈變左做國寶，我仲等緊你同我鬥氣」我指住佢屋苑嘅門口
 
「得啦，返學見同埋…多謝你」佢揮一揮手就行左入去
 
我望到佢入左LIFT之後我亦都轉身離開
 
但願佢盡快回復返個心情啦