肥宅 點溝女神啊: 第四章 第二節 聖誕節
離聖誕仲有６日，我同個兩條損友出左去一齊放飯。
「呢個聖誕睇黎我地要攞番＜其實毒撚一個更開心＞黎一齊聽。」我道
「雞兄，你咁講就唔岩啦，因為朕已經有女。」啊銘一面風騷
「FF夠未呀你，你條仆街都識到女！」啊軒睇黎好激動
「咪住先，可能係我地班個個暗瘡大肥婆呢。」
「嘩，食飯講啲咁既野咁無陰公，哈哈。」阿軒收番岩岩既激動。
「咩暗瘡大肥婆啊？你班仆街講啲咁既野！」啊銘比我地兩個笑到惱羞
「算啦，btw，條女係邊個，索唔索先？」我好奇咁問
「索咩啊？咪暗瘡大......」啊銘一手攞住部電話對埋去啊軒面前，佢即刻stop la
我即刻哄個頭埋去，「屌！！！」我同啊軒都不禁屌左聲
「嘩屌，呢條女咁靚女呀！」我道「啊雞你唔認得啦，佢咪係係＜校花榜＞榜上有名既思行囉！」
「做到野啵！校花都比你溝到！」我舉出一隻大拇指
「係咪你迷女女女完人，映人相，跟住要脅佢做你女朋友啊！」啊軒一面酸
「睇住我地點係聖聯放閃光彈閃到你仆街啦！」啊軒想攞起檯上面把刀一下插落佢到
「算啦，咁我地係無女啊！軒，面對現實呀！」最終成餐飯我同啊軒都互抱痛哭。
離聖誕仲有４日，上年平安夜我地三個都約埋一齊去ione一齊打通宵機，但係今年少左個仆街銘，搞到我要同啊軒重新計畫，因為得兩條友就可以雙排，就算留係屋企打都一樣。所以我係小息果時想同啊軒傾下，點知佢一枝箭就急急腳走左，我咁岩因為遲到要去樓下訓企，所以臨小息先可以找佢。訓完我第一時間走去找啊軒，係班房見唔到佢，誰知我見到窗口外有個熟悉既身影，原來啊軒出左去。正當我想拍佢膊頭個時，見到佢同ｃ班個ｍｋ妹傾計...... 「咁好啦，個晚西鐵站等，不．見．不．散。」個ｍｋ妹張最尾個四粒字讀到發姣咁。 個個ｍｋ妹係全校都人所皆知，擁有極品級既長腿，相貌標緻，不過中間係凹既，運動健將但擁有極為健康既膚色，如果唔ｍｋ，應該係女神中既女神！ｍｋ就係點解佢入唔到校花榜既原因。 「嗯～遲啲見。」啊軒佢笑到含春咁款佢一轉身，我就用不屑既眼神睥住佢，「屌你，嚇撚死我咩！」但含春既笑容卻一直保持，「搞咩你個死人樣好似含春？」我瞪住佢，「我．有．女．朋．友．啦～」佢繼續用番岩岩條女同佢講野個把死人聲，「果條女，唔瀨係呀！同佢啪啪啪就話姐，女朋友？！你無野啊？」「你無女就唔好葡萄啦！你平安夜個晚自己單排啦，我個晚有街街出。」佢個發姣樣就係溜打到不得了，呢條仆街竟然為左出街而連惡名昭彰既ｍｋ妹都溝。
不久，上堂鐘響起。「怡姐，我平安夜個日要自己一個過。」我頭望地，眼眶開始浪下浪下，「你地班宅男唔係預左嫁咩？」「本來約左個兩條仆街一齊打通宵機......」「啦啦啦，你唔好同我講佢地有女啊吓！」啊怡佢突然登大對眼「屌，你知就咪講出黎啦！」怡姐安慰左我成堂，最終佢比左個方案我，「約你女神出街！」佢呢下真係嚇親我「你係咪玩我啊？你明知我唔會......都唔想」慢慢我沉默起黎「試左先啦，唔試點知姐！」「可能唔止我一個約佢．大佬啊！女神黎嫁，我咩黎！我肥宅黎架！」我語氣變得好大「我唔靚仔，又肥，又無樣叻，又......」我開始好似啲精神病人咁自言自語「呯！」我突然感覺到面上有一絲既腫痛。「做咩啊你？！」「點啊你！成日話自己唔夠邊個好，唔夠邊個靚仔，講真，你知唔知點解我要同你做fd呀？因為你個人無私心呀，呢個係你既優點呀！我都唔明點解你成日咁睇低你自己，成日將自己缺點放大，明明你自己有好多優點！唉，我都無眼睇你，我走啦！」啊怡攞起個袋，轉身就走。
我無勇氣去面對自己缺點，我同時無欣賞自己既優點。無論點都好，佢係女神，我連做佢隻兵都唔配，何況宜家竟然大膽到話要約佢出街，仲要係最搶手既平安夜！平時星期六日都無膽，何況係平安夜呢啲溝女節日。
離聖誕仲有兩日，今日係聖誕聯歡,對於一班男同學都係重要既日子。個日所有人都可以著便服，而一班睇慣來校服女既厹都一早就捕定係門口。上年聖誕都有同啊軒同啊銘一齊捕女，但係今年......所以我今日早早就上左樓上，經過大門口望住班厹就諗起以前既日子，心中既憤怒令我唔再感到冷，但我都感覺唔到溫暖。 樓上既班房早就佈置好，不過都係畫下黑板，同掛下裝飾咁。我同佈置一樣，著都好簡單，長Ｔ加件樓，黑色長褲。啊軒同啊銘都番左黎，但我對眼前既佢地感到驚訝。 啊銘著骷顱頭長衣，搭上有文字印左落去既黑色綿褲。而啊軒就著格仔恤衫入面加件白Ｔ，配上黑色過膝短褲，帶些少文青feel，佢地兩個個頭GEL到老連咁高，就掂到天花板咁濟。上年佢地何曾唔係同我一樣著到成個宅男呢，唉。
「做咩呀你地？毒男大翻新啊？你地有女溝姐，唔係發左達下話。」我側一側頭
「毒你老豆，作為一個男仔，係時候要打扮下嫁啦。」啊銘一面囂張
「you see see you,and see see me。」啊軒個發姣樣簡直想比人打獲甘
「有女大曬啊？有女就唔同我打機．有女就唔同我一齊昅女，有女就著到男神咁！」
「喂，你唔係嬲呀？」佢兩個異口同聲咁講「走開啦男神，唔好癡埋黎我到，映衰你地！」趕完佢地走，我就係咁一個肥宅坐左係到，坐到聖誕崇拜同派對都完左，眼見佢地個個都咁開心．但我卻唔能夠融入其中，我第一次感覺到高登所講，聖誕獨特既冷，係幾咁刺骨。
終於，所有野都完左。係呢啲時候多數係情侶係長走廊談情，為免觸景傷情，我就急急腳咁走左。行到樓梯轉角位，「哎呀！」頭部受到硬物撞擊，但同時個’’硬物’’都有出聲，我拍住個額頭，慢慢望番上黎，「嘩屌！」我不禁叫左出黎，佢一身簡樸既造型，令我眼前一亮，就算唔係著校服，都一樣咁pure咁true，「你有無事啊？」一把溫柔既聲入我耳朵，「sorry,我走先啦！」我再次跑開左。我差唔多落樓梯時，「啊雞......」個把溫柔既聲叫住左我，接道：「等陣得唔得閒啊？」佢隻手好似攞住左啲野。我個刻頭腦好混亂，我分唔清楚自己聽緊既係真定假，定係有人扮佢把聲，真係好亂。「sorry......」跟住我就衝左落樓梯。雖然佢既一身造型確係幾吸引，但我完全無殘餘時間既時間去欣賞佢同讚佢。卻係我自己避開關於佢既一切，係我自己放棄佢，與人無尤。個日回家既路份外冷清，只見有一兩個公公婆婆係長凳，詳談人生。就連公公婆婆都係咁冷既情況下熱鬧過我，而自己，只係一個人，踏上回家小路......
返到屋企，放低左個袋同岩岩既個一絲寂寞，我就登入左我既召喚峽谷，平時打機我都會滿口粗口，搞到家姐成日入黎話我，但今日我好靜，靜到連張display卡個風扇轉動既聲都聽到。連輸三局積分，平時既我一定會同隊友嘴炮，但係我連嘴炮個份動力都無埋。今日既我一切變得唔同。