肥宅 點溝女神啊: 第九章 第三節 無平安既平安夜
我係褲袋攞左條鎖匙出黎，望住個鎖頭，一手攞住條鎖匙，再回頭望一望安琦。
「你真係要入黎？」佢點左下頭
「咁好啦！」我真係好容易比人說服。
我一開門就好順手將往右開燈，即刻變得燈火通明。
「你飲唔飲啲咩啊？」我習慣性講左句，然後行左入廚房
「你有無老土啲啊？洗唔洗煮埋麵我食啊？」佢笑住講
可能我真係睇ＴＢＢ睇得太多，個啲客套口頭蟬都出埋黎。
「但係我岩岩見你無咩點食野啵。」
「咁你有咩食啊？」講完就衝左入我個廚房，開我雪櫃。
「就呢樣啦！雞哥哥～得唔得姐～」佢用嬌嗲既聲黎問我。
嘩，佢真識揀，佢攞上手個塊係我前幾日係超市買番黎既澳洲西冷牛排，我諗住聖誕正日自己攞黎食。
「你咁識揀嫁，成一百幾銀錢塊啵。」我只係覺得好肉赤 。佢繼續眼甘甘咁望住我，嘟起個嘴。
「你真係想食？」我開始心軟，唉，對住女仔我真係無曬計佢衝過黎攬住我隻手，佢既３３Ｃ都一貼伏係我臂上，好軟同好舒服，係寒冬底下便是和暖。
「煮啦煮啦！煮比我食啦。」佢不斷搖我隻手，佢既３３Ｃ隨住佢而擺動，真係心都軟埋，但我身體某卻是堅硬無比。
「好啦好啦，你放手先啦！」我開始有啲尷尬。
「你地啲電車男唔係鍾意呢味咩？」佢傻笑
「首先，我唔係電車男，我係宅同肥姐，同埋我只係知咩係男女授授不親姐。」
雖然係咁講，不過其實我幾想佢搖多幾下，益下我，滋潤下我呢個肥宅。係道德上我係唔應同佢有接觸，所以先叫佢放手。但係心入面就諗緊其他野，呵呵......
「咁我係出面等你啦！」佢轉身就走左出梳發坐。
我伸左半個頭出去，望左一望，屌，不得了，佢成個訓左係梳發上邊玩電話，長腿就展現出黎，更有種肉隨砧板上既感覺。
「咁岩屋企無曬，不如好似啊軒咁......」
諗諗下，安琦見我眼甘甘望住佢，佢就同我講：「煮你就煮啦色魔，煮野都要昅女！」
「等陣就出黎收伏你，死靚妹」
「嘩，我好驚啊！」佢扮曬驚咁，搞到我真係好似強女女女佢咁。
過左十五分鐘，安琦見我搞左咁耐都未得，所以佢行左入黎。
「搞咩啊？搞咁耐既？」佢攞住部手機側頭望住我。
「我整緊我個份啊！你食左我塊排咁我食咩啊？」
「你個份REST緊啊，等下先啦！」我接道
「咩叫REST啊？」佢唔入廚房，唔識呢個字我算。
「係一個令牛排更好食既方法，目的係保持肉汁。」Gordon ramsay話曬係我師父，雖然佢唔識我。
「咁你搞緊咩啊呢家？」「蛋包飯啊。」我一手攞起個pan，一手攞起隻碟，一翻就翻左個蛋包飯過去。
「wu~~好型啵雞哥。」佢不禁鼓掌。
「出去先，唔好阻住我。」我將份牛排同半月型既蛋包飯一齊搬左出去。
「啦，食啦為食妹。」我將份排放左係佢面前，佢就逼不及待咁切左舊黎食。
「嘩，掂啊雞哥，真係岩岩好三成啵」佢舉起手指公
「唔係咩啊？焦面好均勻嫁。」
「你個蛋包飯好靚啊！」我話晒都整左十幾廿次，唔靚就假啦！
「如果呢餐係我男朋友整比我就好啦。」安琦接道，佢活潑既一面突然失蹤。
「食啦，我都想呢餐唔係整比你啊。」
「車，點啊你，你真係好鍾意啊言咩？」佢放左舊牛排入口
「唉，成一年啦，由第一日係屋苑見到佢，我就已經鍾意左佢。」真係多少往事酸在心頭啊！
「你唔係同佢表白左啦咩？」佢呢一下令我好似觸電咁，可以話係一針見血。
「我......」講番起我就諗起上年今日既呢一晚，我膽粗粗去表白，最後比自己搞破左。
「你真係好傻啊，你都講到出口啦，做咩唔講埋落去啊？」
「我.......我都唔想嫁，個時我太緊張，啊言個時拖住我隻手，我根本就諗唔到野，跟住就同佢講我講笑，佢就發曬脾氣咁，跟手我都發埋，咁就完左...」講起都有啲後悔，只能怪我唔夠成熟。
「唉，咁就抵你啦傻仔，啊言係咁嫁，有無聽過咩係惱羞成怒啊？」諗番啊言當日既話，我真係開始有少少火，佢所講既我真係永遠都記得。
「個日係佢找我做水泡在先嫁，佢玩９我啊！點解你覺無野啊？」我開始語氣變得火大，不斷將責任推係啊言身上，我都可以話真係惱羞成怒。
「咁你知唔知佢點諗你啊？」安琦語氣都開始有啲火
「佢咪就係當我係肥撚，宅撚，可以得閒就攬下既水泡囉！佢個晚都講得好清楚啦，佢唔會鍾意我啊，永遠都唔會啊！！」我都按奈不住我既怒火
「啪！」呢一下好清脆，佢兜巴車埋黎。突然靜曬，只見安琦用雙眼瞪住我。我好似從佢眼中睇得出熊熊烈火，佢要爆啦。
「你真估唔到你係啲咁既人，難為佢......」佢拎起披肩，轉身就衝左出門口。
「難為佢？難為佢定難為我啊宜家！」我對住對門大嗌。
再一次既不歡而散，點解次次都係咁，同完個男友分手就找我，當我咩啊？白韻琴啊？「個天想點啊？點解溫馨過後總係怨恨收場，點解我既平安晚唔可以好好咁過啊！」我真好想當住個神面前問佢。最後我都係死死氣汁番好啲野就咁番房訓。「難為佢？」我訓係張床個時諗到呢句，安琦個句野好似未講完嫁啵。我諗左成晚都諗唔到，佢都難為左我成年啦，我有咩好難為佢姐！我諗我都算好勁，兩個平安夜，同兩個女神過，跟手激嬲埋兩位，我諗我係學校入面最好彩，同時最撚慘既，唯有咁安慰住自己先啦.......