肥宅 點溝女神啊: 第十章 第一節 媒人啊媽?
聖誕正日，我一早就起左身。平時訓到黃朝百晏既我，早早就係９點起左身，係出邊煮緊早餐既老媽子都比我嚇到。
「你搞咩咁早起身啊？急尿？」媽道
「尋日早左訓，所以咪早左起囉。」我捽左一捽眼屎
諗番尋日就係好早就訓。
「講起尋日我就有野問你......」媽佢放低曬啲野，示意叫我坐係梳發到。
「做咩啊？」岩岩起身既我糊裡糊塗
「陳師奶話佢個女一番到去就係到哭，我想知發生咩事。」我突然比啊媽既嚴肅嚇親。
發生？我都未哭佢哭乜撚野呢？佢上完黎食完我塊排仲係到哭。我都無收番佢錢！！！
「你係咪......」
「係咩啊？」係媽子既言中甚有猜疑。
「你....你，唉，啊媽唔識講啦！」做咩姐你？
「我都無搞過佢！！！」
「你講咩啊死仔？我話你係咪整哭人咋！」我呆左
「咁你唔識講咩啊？仲搞到我以為你以為我......」
「以為你咩啊？」好在天真既媽媽都唔明我講咩。
「我唔理啊，你同我哄番人啊，我唔想見親陳師奶都咁尷尬啊！」媽接道
佢伸左手入褲袋，攞左張野比我。「咁日同我搞番掂佢啊！唔係唔好番黎啊！」我仔細一睇，原來係元朗戲院既戲票，我啊媽幾時轉行嫁！
返到房，只見件一套我未見過既衫同褲，我啊媽都唔知計劃左幾耐。 著左上身，成個感覺唔同曬，格仔衫加上迷彩短褲，唔係好岩我style。肚腩外露情況嚴重，我嘗試下縮一縮個肚，fit曬。「屌，我搞咩啊，家陣相體咩，搞到我真係好睇重咁！」明明我心入面早早就有啊言。
12月25日，今日我第一次同女仔.......約會。
今日落住毛毛雨，加上冬天真係凍到仆街，本來諗住係電腦面前打ｊ打足成日。當我諗起今日係同小公主出街，我就諗番起尋日。唉，次次都要搞埋啲咁唔好既回憶。
由屋企行到元朗戲院唔洗廿分鐘，所以我好快就到左。平時怕得失人既我會早十幾分鐘到，於是我去左附近既玩具店。
「細路，係你啊？」我一入門口，老闆娘就同我打招呼。
我係佢間鋪幫襯左６年，好似就係小三個年，個時既我好鐘意砌高達，次次同啊媽經過呢到都會入去望望，從此啊媽就同老闆娘做左朋友。
「老闆娘早晨，咁早開鋪啊？」我回佢既問候
「點啊？買高達啊？你都好耐無黎啦。」
「嗯，上左中學就對高達無咩熱情。」對細個既回憶好感慨，慢慢明白成長係一件幾可怕既事。
「唉，你都講得無錯既細路，我啲熟客既仔女都開始大個啦，所以啲生意都開始回落，遲下都要汁嫁啦！」從老闆娘既語氣聽得出佢都仲對呢間鋪頭都幾留戀。
「唉，我行陣先啦。」離開左櫃台，走左入鋪頭既入面。以前唔覺呢到咁大，呢到真係咩玩具都有，上至戰艦模型，下至爆旋陀螺，都係我以前最愛。
我慢慢行到鋪頭既左面，呢到有好多女仔既玩具，仲記得以前就好咸濕既我好鐘意將家姐啲芭比除曬啲公仔衫，對於當時只有少少咸濕既我，就算無lin頭，無毛無閪，都已經好滿足，諗番起得覺得羞恥。
宜家我就連對一個女仔表白既勇氣都無，所以其實我好羨慕以前咩都唔怕既個個我。當我見到個芭比公仔，我突然好想幫佢除衫，想睇下呢家既芭比有無lin頭。係我彎腰慢慢伸隻手去攞起隻芭比公仔個時，我既右手邊同時都有人想攞起佢，睇落係一隻女仔既手，白雪雪既膚色。係個一刻，我地雙手交碰，我係佢滑嘟嘟既手中感到一絲觸電既感覺，係一種好熟悉既感覺。我慢慢抬起頭，企直番個人，望到佢個時我成個人呆左，四目交投，呢個感覺正正就係前日既聖聯發生個。沒錯，係啊言......
佢既衣著簡直係今我眼前一亮，黑白格仔長袖冷衫套白色裇衫，綿質短裙配上黑絲美腿，令人不禁有些少幻想。我同佢既眼神接觸只係僅僅既一秒，當我想開聲打招呼個時，佢就轉頭就急急腳行左出去。「洗唔洗啊？打個招呼都咁難......」我心入面只有一絲絲既酸。我比佢突如其來既反應嚇到，嚇到我原地企左兩分鐘。當我望望鋪頭入面個鐘，見差唔到多十一點正，我就慢慢步行到元朗戲院。
行到去既時候，只見門口冷清，有一兩個啊伯靠係牆上睇報紙。我行到入去，售票員只係得一人當值。其實知前都聽聞過呢到好少人黎，所以好岩啲地下情同...偷情既人。行到入口，我交張票比個工作人員，佢對住偷笑左幾聲，當行到入轉角位，隱若聽到個工作人員講：「又係得一個人，毒撚。」唉，我今日有人約，仲要係靚女，你恨唔撚到嫁啦死白公。