肥宅 點溝女神啊: 第十章 第二節 睇戲,唔係啊!
行到入去戲院，只見零星人頭，十隻手指數得曬。我望我張票寫住１４ａ，我就行左過去１４ａ坐低。１４ａ係一個中間排既兩人座位，睇黎啊媽真係想撮合我同安琦......
我呢個啊媽真係深不可測，我除左同我啊媽坐過兩人座之外，今次係第一次同個異性坐。
呢套戲係叫''移動迷宮''，聽我家姐講好好睇。至從有左電腦之後，我就好少出街親身到戲院睇。就算係睇都係約埋一大班人睇，好少可好似今日咁........
慣常既戲前廣告，都係提下你唔好開電話唔好拍攝個味野啦。我反而擔心我今日會唔會一個人睇，因為.....安琦仲未到......
突然聽到遠方傳黎既腳步，係清脆腳步聲。我個心跳都隨住腳步而變得快，「唔知同女仔睇戲，行街，食飯既感覺係咩呢？」我一路諗一路笑得發春，有少少發春都正常，平時除左恰姐就無女仔願意同我做朋友，就算係怡姐都無同過我去睇戲啦，何況今日係同個女神級一齊睇呢。佢坐低左係１４ｂ。
「喂，你黎左啦！」我直望螢幕向佢講
「.......」
「做咩唔出聲啊？嬲我啊？」
「唔...唔係」聲音好細。
「唔好嬲我啦，一時意氣用事咋，姐姐」我扮曬個小朋友咁哄佢開心
「...哦...」
「你唔好嬲......」我望我既右手邊：「...啦...」
當我一直以為自己係同安琦講緊野個時，右手邊出現左個會發光既人，突然我個心好似停左一停，冷汗慢慢流出。
「點....會係你嫁！」我呆左咁望住佢。
「啊琦...佢...比左張票我....」
「吓.....」我呢刻都唔知多謝安琦好定罵佢好。
就係呢一個半鐘，我終於享受到呢一種假得黎但好真實既戀愛。有時螢幕白畫面，係螢幕射出黎既白光就好似幫緊啊言打燈，佢面上白裏透紅既膚色，令人有想上前擁吻既感覺。佢隻手放左係大腿，白滑既手配上黑絲，令手顯得更白滑。個刻真係好想放隻手係佢手背上面，就好似戀愛緊既一對小情侶。都係個句，FF下唔洗死啊！
接下黎所有時間，我都無法專注係電影上面，有個大美人係身旁，都唔洗睇戲啦，因為長頭髮既女仔好吸引。
最後我都係抱住一絲絲既睡意訓著左，因為今日太早起身，生理時鐘都未調整好。
「喂，醒啦！」我慢慢打開眼簾，原來我睡左係啊言既肩上。只見啊言同我面對面咁望住，一向都無同女性有接觸經驗既我紅都面曬。岩岩黑蚊蚊既戲院都著番燈，呢一刻我終於可以望清楚佢既美貌，佢既心事都好似比我睇穿，有種心動既感覺。
「sor...ry啊！我無心嫁，我一唔小心就訓左，我真係無心嫁，我唔係咩變態黎嫁，我...」享受完係啊言肩上既三秒鐘，我從夢中醒黎，慌亂既我一輪嘴就講左一大堆解釋既說話。
「唔...唔緊要啦！都幾...」佢流露出一丁點既笑容：「...可愛...啊...」
唔好啊！我唔要做兵仔啊！我要做駙馬！我唔要兵糧啊！
我比佢迷人既雙眼迷住，令我有一種無形既尷尬。始終我同佢都有一段時間無接觸......
「我...我走啦。」佢呢句語氣帶點冷漠。呢一句就好似我排隊買野食，點知排到鋪頭前面已經賣曬咖哩烏冬既感覺，好空虛同失望。
本來可以同女神單獨渡過一個半鐘既時間，點知就比我訓左一個鐘，真係比我糟蹋左安琦既一番心意。本身我諗住開口問佢可唔可以同我食個晏，點知佢再一次好似玩具店個時咁，急急腳就走左去......
一出到戲院門口，我就攞起電話wts比安琦。
「你搞咩啊！（怒）」
「做咩啊死人頭？」
「你知係同我去睇嫁？」
「咩同你去睇啊？睇戲？」
「吓，我仲意為係你安排...」
「你講張票啊？我係食早餐個時比左啊言啊XD」
「你岩岩睇完戲？咁咪姐係同啊言一齊睇！」係後面有一大堆笑哭
「係啊...多得你啦...」
「咁姐係你係元朗戲院附近？」
「嗯。」
「咁我過黎找你啦！我岩岩係學校出黎，你企定定啊！」
「隨你...」表面上就可有可無，實際上心入面笑得幾咁狂妄，岩岩先同女神睇完戲，宜家就同校花出街，爽死了。
過左十五分鐘，係街到吹左十五分鐘風既我，再一次抖震。街口轉角位，黎左一個著住PE衫既女仔，頸上有一條頸巾，好眼熟...
我地學校既PE衫一向都係突顯女性胸部既最強武器，但係我地都有一件可以將PE衫既功用降到最低既武器，就係PE外樓，此樓令安琦既３３Ｃ未能盡露。
「喂，雞哥！」佢係遠處向係戲院前等到變雪條既我揮手。
「你黎啦咩！」本身諗住罵佢個時，就咁比佢面上既笑容瓦解我既怨氣。
「咁都要行過黎嫁，雞哥！」佢雞哥前雞哥後，搞到我都唔係幾好意思。
「點啊？找我做咩啊死女包！」
「找你食飯啊！雞哥！」佢用一把小女孩撒嬌既聲
「咁你想食咩啊？」
「唔.....食車仔麵囉。」佢指住遠處既一間麵店心入面一直都怕佢係果啲咩港女，會食咩潭仔，好彩最都簡左間平民食店。
身體一直不停咁震，就算係磨擦雙臂都係無補於事，係口呼出黎既氣都變成一團氣飛走。
「做咩啊你？」佢甜笑：「好凍啊？雞哥！」「凍....凍你個死...人頭啊！」我好不給力咁講出黎，點都唔可以係女仔面前失威！
話雖如此，都係我口都唔掙氣咁震，震到啲牙都發出「噠噠噠」既聲。
安琦突然伸隻手埋黎，捉住左我隻手......