肥宅 點溝女神啊: 第十章 第三節 尷尬
「有無暖啲啊？」我比佢呢個舉動嚇親
「你雞哥我見慣風風雨雨，有咩.....」鼻上突然有一絲既痕癢「黑超～～」我打左個大乞痴
「你講咩啊雞哥！咩風風雨雨啊？我聽唔到啵！」佢嬉皮笑臉
「你唔好乘機抽我水啵死女包！」佢聽到之後握我隻手握得仲大力左。
「有我抽你水你都要劏雞還神啦！」佢一面紅扑扑，低下頭。
「咁...咁算...啦」我表面上都係好似情不願，心不甘，實際上就享受緊佢手上既溫暖。
我地就好似忘記左尋日既事，反而令我開始懷疑我地之間係咪有啲野......
我地手拖手，明明拖我既人係安琦，但係我就回想岩岩同啊言共渡既時光。街上開始有人用仇視既眼神望住我地，令我有些少尷尬，始終佢唔係我女朋友。佢一路係街上行都保持甜美既笑容，令我有一種肥王子拖住美公主既感覺。
行到車仔麵店，我地找左個位坐低，我一手攞起菜單比安琦，盡顯紳士風度。
安琦諗都無諗就叫人黎幫我地落單。
「係，黎緊！」女侍應回
「我要三餸麵，魷魚，豬紅同豬肚。」佢好流暢講曬出黎。
「咁你要咩啊？肥雞！」女侍應道
「我都要三餸麵，魷魚，牛腩同雞翼......」我一拎轉頭：「怡姐！」
「係我啊傻仔！咁都見唔到我！死仔！」佢著住左牛仔長袖衫加白ｔ，熱褲黑絲。
我只係注視係佢既黑絲到，「望咩啊！咸濕雞！」啊怡喝左我一句
「嘻嘻，雞哥死腳膠！」連安琦都開始恥笑我
啊怡係我耳邊同我講「喂，死仔，唔要啊言啦！」我紅都面曬。
轉身佢就走左去落單，安琦呢個時候哄埋黎「喂，邊個黎嫁？咁靚女既！」佢扁嘴
「我......我掛名家姐囉！」然後我就將我同啊怡識既經過話比安琦聽。
「哦...原來大你成三年，咁你覺得佢點啊？」
「嗯......表面好靚女囉，實際上就好粗魯......」突然隻腳好似比打樁機打左下咁：「嘩屌，好痛啊！」
本來諗住係安琦面前唔講粗口，諗住留番個好印象，點知就比呢一下突如其來既一擊令我露出原型。
「講咩啊！死仔雞！」啊怡出現係我後面，手攞住兩碗麵，而隻腳就踩左係我腳上。
「嘩，洗唔洗咁出力啊大家姐！」我一面痛苦
「唔係你點知衰啊！唔好有下次啊死仔雞！」佢跟手放低左兩碗麵。
跟住佢就攞左張櫈同我地一齊坐。
「係啵，點解你會係呢到出現既？」
「間鋪我老豆嫁，啦，個個咪我老豆囉。」佢指住係廚房煮緊既男人。
啊怡老豆真係好大隻，遠處都傳黎一陣陣既男人味。
「嘩，好大隻啵！」我不禁有一絲既羨慕
「係啊！肥仔雞！」佢望我個肚腩笑
「都...唔係...好肥姐...」安琦突然插左把口
我同啊怡都同無奈既樣望住佢。
「佢啵！唔肥？」啊怡搣左我一下面豬登
「喂，過黎幫我寫啲野。」後面有個啊伯叫啊怡去落單
個啊伯咸咸濕濕咁，睇怕都係望中啊怡對黑絲長腿。
淨番我同安琦對住左坐，變左dead air本身作為男方既我應該去主動打破冷場，點知就比安琦出左聲先
「er.....尋日sorry啊！」佢突然提番起尋日既事。
「唉，好傷心啊！」我一直係到搖頭扮嬲，其實一早原諒左佢。
佢哄個頭埋黎，然後鍚左係我面豬登......
呢一下就好似觸電，我從來都未感覺過女仔嘴唇係咩質感。
「你...你做咩...咩啊？」我比佢呢一下搞到不知所措。
「陪罪...囉。」佢再次低下頭，面泛紅光。
「我都無嬲你......你唔洗陪罪啵。」我突然覺得好尷尬
食完我就自己一個番去。點解得我一個返？因為啊怡條友叫安琦留低陪佢，搞到得番我一個人。
今日嘗試左好第一次，第一次既同女神睇戲，第一次既同女神食飯，仲有...第一次比人錫....
番到去，我再次回到屬於自己既''最佳位置''。一開電腦當然要找班fd聚聚佢啦！
所以我諗都無諗都登入左LOL。點知......得番幾個街場友上左線，啲FD反而唔見曬。
我只好死死氣咁打下街場，自己渡過埋個半個聖誕。打到６點幾鐘，終於都有一個人上線。
「KA MING上線了」加下角彈出一個小視窗，原來係嘉銘。
佢係我地數學啊SIR，我地都唔知求左幾耐先求到佢加我地做FD事因佢打機真係好勁，Ｓ１就已經白金既佢，對遊戲既所有技巧都瞭若指掌。
我諗都無諗就邀左佢入我聊天房，佢都爽快接受。
「啊SIR，無街出啊？」
「你理得我？你咪係坐係個電腦面前同緊我講野！」
我地班男同學同佢真係無咩隔膜，佢個人好風趣，開學唔夠三個月就同我地打成一片。對於女同學，佢就係男神，年紀輕輕，青靚白淨。
「車，我不嬲都無街去嫁啦！」點都唔可以同佢講話我有女同我出街，事因佢係訓導，講比佢聽咪姐係自殺！
「咁你呢銘銘，我就唔信你無街去囉！」
「別說了，我同你咪差唔多，上下高登，唱下LONELY CHRISTMAS咁囉。」睇黎嘉銘都幾渴望比女性滋潤下自己。明明有事業，有樣，有學識，都唔明點解咁都溝唔到女！
「咁打唔打ＮＧ啊？大師哥。」無錯，S１白金，自自然然佢係Ｓ4既實力都唔差。
「打囉，唔通你邀我入黎托咩？」我地可以靠打機變成朋友，靠打機我就可以係佢面前講粗口都唔會比記缺。
打到夜晚，啊媽同啊爸都仲未番，家姐就約左男朋友，嘉銘都話要OFF，而我就打機打到厭。
連飯都未食既我就決定出街食，應下節都好啊......