《相交的平行線》: 第二十四話
「要做一個不動聲色的大人了。不准情緒化，不准偷偷想念，不准回頭看。」──筆尖下的深刻
「討厭媚俗但又不甘接受一切，好有趣嘅組合，好似同佢完全相反。」濋濋說。
「嗯，係呀。」 妳答道。
「佢？」 我問。
「Willy。」 濋濋答。
「嗯，佢就係一個活係群眾嘅世界入面，唔改變，一味接受，順著世界去生活，跟著潛規則去做人。」 妳帶點傷感的道。
「好啦，過去就由得佢啦。」我摸一摸妳的頭，妳眼神肯定的看看我，像是說知道一樣。
04:00
經過先前的擾讓，所有在場的人也開始睡意上湧，毫無精神。然而，妳跟濋濋的朋友在站內休息著，而我便到防守線處凝視著防暴警察的行動。防暴警察只是在原地，看來他們在早上便會換班。
我把看到的跟濋濋說，並得到一樣的結論。
「之前俾警方阻著左我地嘅，啱先講到邊呀？」
「講到你話要將成件事講一次俾我借鏡。」
「哦，係。咁呢，有樣你可能唔知，其實我同淇淇係孖生。」
「但係點解你地唔係一齊讀書嘅？」
「我地派位個陣的確係揀同一間中學，但係父母當時心頭有啲高，放左名校做首選。最後期望落空，我地就分開左，好彩兩間學校同區，所以當時都一齊住。之後，我地一齊去左補習，就識左當時兩個男仔。」
「一個係willy？」
「冇錯。當時兩個男仔同時追我，willy已經心頭好高，話同佢一齊之後，可以令我變成世界嘅女主角，令我變成世界嘅焦點，而另一個男仔就冇咩表示，但佢又真係好特別，特別到平凡呢個詞永遠唔會同佢有關係。係willy身上我見到未來，而係另一個男仔身上我見到無限嘅可能。最後，我選擇左無限嘅可能，因為當時我知willy被自己局限左。」
「嗯，明白。」
「但係估唔到，willy佢竟然不斷咁係周圍唱我。話我係四周圍識男仔，四周圍溝仔，四周圍收兵。我非常唔開心，而男朋友又漫不經心咁，他還話清者自清，謠言止於智者。我當時情緒極為低落，因為佢闊佬懶理所以每日都係到嘈架。而我父母係家長群入面信左willy嘅說話，就指責我點解荒廢學業而亂搞男女關係。所以，個晚我同父母嘈完就執嘢離家出走。之後，我同男朋友講，但佢又話我蠢，最後係佢屋企過左晚就走左。」 此刻，她眼眶充滿了淚水。
「但係，我們又因為呢件事而不斷嘈架，佢話我不智，我話佢不解溫柔。無幾耐，我們就分左手。好彩，係課外活動入面認識左呢個大姐姐，佢好好人咁俾我係佢到住，一住就住到而家啦。」
「你嘅過去俾我所想像嘅更加曲折離奇。」
「嘻嘻，我諗番都覺得幾神奇，但係當我settle好晒啲野之後，發生左我最唔想發生嘅事，就係淇淇佢同左willy一齊。所以我冇將所有嘢話俾淇淇知，因為女人係戀愛嘅時候係盲目嫁。」
「我明白，但係其實我地都已經過左willy個關啦。」
「嗯，咁就好，不過父母個關你地仲未過，你知唔知點解我會分手？其實我地鬧交只不過係好小事，我地個時仍然係相愛著對方，就算係日日鬧交，我們都會覺得咁係我地嘅溝通方式。但係有一日，我記得係九月六號，佢好夜先返，我問佢做咩咁夜，跟住佢突然流著眼淚同我講分手。佢冇講到原因，但係我估到。佢唔會係一個俾謠言影響到嘅人，所以應該就係我父母接觸過佢。之後佢把仲將我趕左出門口，想將我趕返屋企，係我最無依無靠嘅時候，係街到遇到個位大姐姐，佢就接左我返屋企。」
「咁你有冇問清楚呀？」
「冇呀，之後我地就冇再見過面，就咁就已經一年啦。」
「明白，我會小心嫁啦，我都唔希望淇淇會唔開心。」
「我都信你會得，因為我打俾淇淇個時，每次講起你佢都好興奮。你仲改變左佢好多，由一個循規蹈矩嘅淇淇，開始會為左同你開始而唔理父母嘅禁止而同你一起。」
不經不覺已經天光了，看看時間已經六點。我看妳還在熟睡當中，便幫妳蓋好衣服，打算等妳醒來才送妳回家。
「你真係好錫佢，事事都以佢為先。」
「咁我帶得佢出嚟，一定要安全咁送佢返屋企，呢個係我對自己嘅承諾。」
「淇淇真係好彩。」
突然，寂靜的街道中有些聲響，我立即跑去看個究竟。原來是防暴警察徹離金鐘，只是剩下普通的警員防守著。眼下暴力清場的危機解決了，現在可以逐步把物資散去其他佔領區。長期的戰鬥開始了。
我回到物資站，發現你已經醒了。我跟負責人說說現在的情況，之後我們便把物資帶過去銅鑼灣。到達銅鑼灣，再次設立起物資站，待人們多了點。然後我們便一同回荃灣了。
我們坐地鐵回到荃灣之後，我便送妳回家。
「小淇呀，我今日番屋企瞓好冇呀？」 濋濋回到荃灣後說。
「好呀好呀，我又可以同小濋一齊瞓啦。」 妳突然間高興的說著，彈彈跳跳上車回家。
然而，送到了妳家樓下。
「妳今日唔好番學啦，妳咁攰，早啲瞓啦。」我說。
「嗯，好呀。」
之後我親妳額頭一下便回家了。
回家之後，還是沒什麼睡意，便換上了校服，看看時間，應該趕得上，我就回校去了。回校途中，妳說妳現在睡了，我便跟妳說我正回校，放學之後再找妳。
我回校之後，高佬一看到我之後大驚。
「你冇事呀嘛，有冇中槍呀？冇死到呀嘛？」之後便摸了摸我下巴。
「咩呀，你講乜呀，你做乜野呀。」我拍開你的手。
「你去左佔領呀嘛，我諗住你唔會番，你而家番左呢，我以為你死左呀。尋日啲新閒不斷話放左催淚彈，然後又有好多message話開左鎗，咁你又唔覆我，我以為你已經…」
「痴根，你有事我都未有事啦。」
「咁又係，你係我地當中最醒個個。」
然而，班主任一進課室，便說了很多要專心學業，不要去佔領芸芸的「廢」腑之言。然後，我便伏在桌上繼續聽著。幸好今天前兩課是自修時間，醒來時已經小息了。
「嘩，你咁瞓得嘅，成晚冇瞓呀？」高佬問。
「係呀，淇淇瞓左我點會瞓姐，唔驚一陣清場走唔到咩。」
「咁又係，但係現場點呀？」
「都係咁，我諗我會星期五六再落去嫁啦。」
「咁一齊啦，我同呀喬都去。」
「好，仲有野同你講。」 然後我便把遇到濋濋的事說給他知。
「下，我真係唔知原來淇淇有個家姐。」
「我知呀。」 呀喬突然走來。
「咁你唔講佢同willy有過一段？」
「我唔想你地知道小濋嘅野，佢因為呢件事已經好唔開心。」
「重點唔係呢度，而係我想知佢男朋友係邊個，我想幫佢地。」 我說。
「咁我就唔知啦，佢冇講我知呀。」
「嗯，唔緊要，我會再查下。」 我說。
沉悶的課程再次開始了，放學後，當我察看電話時，一段段的訊息映入眼簾。
淇淇：傻瓜，我好唔開心呀，我同家姐係海旁呀，你放學嚟搵我好嘛
淇淇：你仲未嚟嘅，好掛住你呀
淇淇：我唔想同你分開呀
淇淇：呀單你好呀，我係濋濋呀，淇淇佢飲醉左呀，你盡快嚟啦
看到訊息，我呆了一下，想著為何你突然變成這樣，究竟妳發生了什麼事？莫非最擔憂的事發生了嗎？我便把訊息給高佬和呀喬看，然後我們便搭的士去海旁。