『對唔住…阿沁…』

「做咩道歉?」

Athena無奈道:『我…只能答你唔知。』

「唔知…?」我再追問:「點會唔知!!?你明唔明我處境呀!」


Athena冇回答我,只係用一個眼水汪汪既眼神,楚楚可憐咁同我對望。



無理由…點解athena仲唔肯答我…?照剛剛既對話推測,佢應該對我完全信任先係架?

加上我已經咁可憐…唔單止可憐,我係分分鐘會死果隻!

就算係正常人都一定會幫我啦?

況且只係區區一個人既來歷姐?

點解咁小事都唔講比我知?救人一命勝造七級浮屠呀…




我推測到既可能,就係athena根本冇信任我!

難道我演得未夠迫真,即使流哂眼淚,爆哂青筋都搏取唔到佢既信任?

定抑或係從對話中佢發現到我有d咩端倪?

我冇得揀!我今日黎澳門既目的唔係為左溝女,我係要知趙政祺既身分!



我絕對…唔可以…空手而回!


「Athena!」我眼神、態度由弱轉強,堅定地望住佢。

『………』athena呆了一呆,不知所措地與我對望。

「點解你仲唔相信我!我頭先講既野句句都係真架!」

『………』

「而家企係你眼前既,可以話係一個將死之人,分分鐘會冇左條命!唔通你明知我咁既慘況,你都唔願意幫下我咩?只係一個人名,你真係一d都唔可以透露佢係咩人!?」

『我…唔…唔識佢…對唔住…』



「…!」我開始激動起來:「你點解仲要呃我?你一定知!」

『…………』

「你同我都係得返一個單親家庭,而家唔單單係我,甚至連我阿媽都會死呀!!你應該好明白我既處境…係有幾咁危險!」

『我…我明白…』

「咁咪係!!點解你仲唔肯講!!!」我叫得聲嘶力竭。

『阿沁…』

「呃…」




係我用盡全力斥罵athena既時候,忽然間,我感受到一股溫柔既體溫包圍我全身。

低頭一看…我見到athena不斷流住眼淚…身體不停顫抖…

就好似完全講唔到野…非常難過一樣。

甚至…從觸碰佢嬌小既身體我可以感受到…Athena比我仲難過…

點解…?

點解佢會咁傷心…?係因為我鬧得太盡…?


『我明白你…阿沁…我真係明白你…』



「咁你點解唔肯講?」

『我真係唔可以講…你都知道,果個女人有幾狠…咁你知唔知我點解明白你…?』

「你意思係…?」

『我同阿沁你一樣…』

「同我一樣?」

『嗯嗯…』athena與我對望著:『你同你家人可能會冇命…所以,我同你既處境…係一樣…』

「原…原來你都…」

『嗯…』她擦去眼淚:『所以,我…唔認識佢…』



「對唔住athena…真係…好對唔住…」


『唔緊要…我明白你…你都係緊張身邊既人…先會咁姐…』

「唉……」我苦笑:「我地見過兩次面…兩次我都整喊你…真係好對唔住…」


『唔唔…唔會呀…』她續道:『冇人同你講…女人係水造架咩~?』

「你懲罰下我啦…我個心會好過d…」

『唔制~』她回復稚氣:『我要你內疚一世~』

「嘩…講得咁嚴重?」我哭笑不得:「好啦,我會內疚一世。」

『講笑咋…傻瓜。』

「唉……」我望住夜景:「我都唔知而家點算好。」

『阿沁…』


「唔怕同你講,我朋友牽涉左入幾單罪案裡面,我原本想去調查一下,想還我朋友一個清白;但我去到一陣,就被趙政祺既手下跟蹤,係我以為逃走到既一刻,佢竟然出現,而且仲要脅我。」

『對唔住…阿沁…我幫唔到你d咩……』

「由佢啦,反正你唔講,應該冇人會同我講架喇…」我仍盡最後既努力說服佢。

『阿沁…』

「嗯?」

『冇…雖然我唔識…但你自己有冇去查過~?』

「查?查咩?」

『查你想查既人囉…可能…會有發現呢?』

「點查呀…我又唔係私家偵探。」

athena反問:『如果你想查出名既人,你會點查?』

「google yahoo囉……下?」


athena微笑地點點頭。

係喎!點解咁簡單我都諗唔到?

我簡直係全世界最白痴既人!


『阿沁,咁我唔阻你啦…』

「下?」

『今日呢餐飯,我食得好開心…多謝你。』

「傻啦…千其唔好咁講…」

『你應該有事要忙…我唔阻你喇。』

「多謝你…!」


我立即拎起隨身袋,直奔門口而去。


『係呢。』athena忽然叫停左我。

我回頭:「咩事?」

『我地之後…仲會唔會再見?』她問。

「我記得……」我轉身面向住佢。

『嗯…?』

「我記得你上次都問過我呢個問題。」

『……』

「我果次答你『會』,係咪?」

『嗯……』

「我今次答你,一定會!我地一定會再見!」

『多謝你…阿沁…』


係月沁急步走左之後,athena一個人形單隻影地行返去佢地二人坐既台前。

彷彿仍然回味緊剛剛二人相處既時光一樣。

正係athena望到入哂神,旁若無人之際時。


『唔錯,做得幾好。』一個身影從漆黑步出。

「你…你仲想點?」

『冇咩點,頭先果個傻仔不斷咁氹你講野,我仲以為你真係會比佢感動到講出口添?』

「你要我做既事,我已經做左,唔該你唔好再騷擾我同我媽媽!」

『哎唷唷唷?My lovely Athena,why so care about that?』

「我唔知你想點,但你唔好傷害佢!」

『你指既"佢"係邊個?』女人續道:『哦~你話頭先個自以為好聰明既傻仔呀?』

「……」

『你睇下你呢個樣…』女人撫著athena的臉龐:『真係夠哂賤。』

athena一下撥開女人隻手:「佢雖然窮,但佢比你人格好好多!」

『哈哈哈哈!人格好?佢呢種騙子你話佢人格好?』

「最起碼…佢知咩叫友情,咩叫親情…但你…你冷血架!」

『Hey…C'mon,relax,you are so mean。』

「你走!我唔想見到你!」

『Athena我諗你搞錯左少少野啦。』

「我唔想知,你走!」

『我為既都只係搵錢,你以為我對呢種傻仔會有意思咩?』

「………」

『相反你…就真係好似動左情喎?』

「我…我冇…!」

『Anyways,既然你已經依照我既吩咐去做,我都唔會為難auntie既~』

「如果你夠膽郁媽媽一條頭髮,我就算死都要攬住你一齊死!」

『嘩…我係咪要好驚?be mature,如果比人知道我有啲咁弱智既妹妹…我會好難堪架。』

「你唔走嘛…?得,我走!」

『咪住。』

「你仲想點?」

『我話你跟我吩咐做之後會放過細媽啫,但…我有話放過你咩?』

Athena咬牙切齒:「你呢個女人…」