《完美犯罪手冊》 - 為了上進而失去一切的故事: 《禍患》

『喂！醒下啊喂！』

………


『b哥，點搞？』一名金毛青年道。


細b打了一記響指，指著附近檯上一個酒桶。





酒桶內早已空無一酒，剩下既只係冷冷既冰水及冰塊。

唦－－－－


「嘩呀呀！！…」阿dee一聲驚呼，寒冷感令他猛然回復知覺。

［啪－］一名黑衣人掌摑阿dee一下，續道：『講！你係咩人！』

「我……」阿dee神智不清，回復精神後打量一下四周。






冇錯，自己係昏迷前失手被擒，而呢個地方應該就係包廂之內。


『劉一二…下嘛？』一名身穿白恤衫，直紋條子西褲坐係沙發上道。

「你…」阿dee將精神集中以回復視力：「我張身分證…！」

原來被擒一刻，阿dee既隨身物品已經被搜獲一遍。






『細b哥問你野呀！』一名手下一拳直衝阿dee臉上。

「嗚…！」

『睇你唔似係警察放蛇…』細b吐出一口煙：『唔想被打一身既，我勸你同我坦白。』


阿dee心想；眼前呢個人應該就係呢度既老大－細b，雖然佢係來自黑幫，

但同記憶中既古惑仔完全唔同。明明古惑仔應該係黑背心、金鏈、gucci同adidas，

但眼前既呢個人卻係西裝骨骨，似是出入上流社會之人。






「我…我只係隨便經過…」阿dee吞吞吐吐。

『隨便經過！？』黑衣男立即揪起阿dee：『咁你又話係細b間房？你老母老點我！？』

「唔…唔係…我………」阿dee完全諗唔到有咩籍口。


『細b哥…一係咁啦～』一把女聲道。

『哦？』細b摟著該女的纖腰，在耳邊細說：『你有咩好提議？』

『既然佢唔係警察…隨便叫佢比返幾萬蚊啲兄弟…咪算囉～？』

『大家點睇？』細b一聲令下。






眾小弟聽到阿嫂咁講後，無一不點頭讚成。

該女身穿修身黑色迷你裙，一雙雪白無暇既長腿表露無遺。

阿dee被打至不能挺身，只能勉強跪係度支撐著身體，望住果個女子一步步咁接近自己。


耳邊突地聽到一把溫柔既聲音：『係你呀…』

「你…你係……」腫口腫面既阿dee橫了身邊既女子一眼。

『你唔認得我咩？』女子道。





「你……」


眼前既呢個女仔濃妝艷抹，長長既睫毛，配上嬌艷欲滴既紅唇，仲有水靈動人既大眼晴…

對阿dee黎講的確係秀色可餐，不過，阿dee係腦海中對呢個女仔完全冇印象。

再加上對方係黑社會大哥既女人，自己又有咩可能會認識到佢？


「我唔識你…」阿dee吐出一句。

『你果然…』女子輕聲道。

「求你…求你地快啲放我走…我真係咩都唔知…」阿dee苦苦哀求著。





女子語調一轉：『細b哥話你嘔幾萬蚊出黎咪放你走囉～？』

「我…」阿dee又想起唔想麻煩阿沁：「我冇咁多錢……」

『冇錢呀？』細b目露兇光：『做野。』


「喂…！你地…！」阿dee被數個手下揪起：「快啲放開我！」

『夠彊逆我意？』細b陰沈地說：『放心，我保證唔打死你。』


細b大模斯樣地坐係梳化之上，一手摟住美女的腰肢，一手拿著煙頭睇住阿dee被眾人狂毆。

阿dee無路可退，只能雙手抱頭保護住自己，向天祈求可以盡快離開。

「嗚…！！」


三名手下接二連三地以拳腳圍毆，加上醉意橫生；噁心、痛楚不斷襲向腦際。


『哈哈哈！同我打落力啲！！』

『係大佬！』


面目猙獰既細b殺得性起，見到伏地抱頭既阿dee被打非常過癮，

因為阿dee愈倔強愈口硬唔道明來意，細b就愈怒氣攻心。

加上要係手下面前樹立威信，故阿dee就成為左犧牲品。


「嗚…」


三人愈打愈兇殘，阿dee意識就愈來愈模糊，已經感到天旋地轉，連抱頭既雙手都開始鬆懈。

呢一刻阿dee既內心只係唔想再麻煩到阿沁，因為欠佢既實在太多。

但…如果再係咁打落去…自己分分鐘會死。

死既原因唔係因為被打死，而係被殺死。


會被趙政祺殺死。


假若再被打至重傷而要入院，假如斷手斷腳，幾個月之後未必能夠完全康復。

什至可能因為受傷而要調職到另一個部門！

到時唔單止自己，就連阿沁…阿媽…家人…全部都難逃一劫。



「我…我有……」阿dee一邊被打一邊呼喊著。

『停，』細b輕舉右手：『你講咩？』

「我…」阿dee沈重地呼吸著：「我話我…有錢…你地…唔好再打…」

『哦？係咩？』

「係…你……你比我打個電話……」


『好呀，』細b將個電話拎到阿dee面前：『二十萬。』

「二十萬…？！你頭先明明…！」

『邊撚個叫你唔老實？我啲兄弟出左咁多力唔洗幫補下呀！？』

「但…」

『打唔撚打呀你！唔打我就叫人打你架啦！』

「打…」阿dee拿起電話：「我而家打……」


無辦法，又係自己闖出黎既禍。

阿dee拎住自己部電話，手唔知係因為被打傷定係緊張，不停顫抖，

係電話通訊錄上面滑來滑去，終於見到阿沁既名字。

此時此刻，一想到自己又要麻煩多阿沁一次…

一想到會連累到所有人都牽連到…

一想到…


『喂，你打唔撚打啊？咪dum波鐘啦！』一名手下踢了阿dee一腳。

「打…」


阿dee合上眼深呼吸，鼓起勇氣指尖於螢幕上按下去…！

然後徐徐將電話放在耳邊，屏息靜氣地等待著。

身邊既人多少都有十幾人以上，亦包括多個妙齡少女，佢地既注意力都無一不集中係阿dee身上。

電話接通，響了幾下後終於…


『喂？阿dee…？』

『呀…阿沁！救我！』


阿沁聽到後呆一呆，續道：『救你…？發生咩事？你而家係邊？』

『我係灣仔一間酒吧…』

『灣仔…』阿沁想起自己今日都去過：『咩地址？我而家黎。』

『仲…仲有…』阿dee言不盡意地說。

『仲有？』

『帶…二十萬黎…』

『二十萬！！？』阿沁目瞪口呆。

『對唔住…但…佢地話二十萬先會放我…如果唔係真係會打到我殘廢…』

『咩人黎？！係咪趙政祺既人？』

『唔係…應該係黑社會…』

『下！？點解會畀人捉住？你無惹佢地佢地點會為難你？』沁問道。

『我…為左……』



忽然，阿沁想起灣仔呢個地方，正正係行動當日所發生既地點。

同樣地亦知道阿dee去果個地方可能係為當日籌備事情，

而發生意外。


『得。』沁打斷阿dee。

『下…？』阿dee以為自己聽錯。

『無問題，我即刻到，你比個電話比捉你既人聽。』

阿dee勉強支撐著身體站起，走到細b面前：『我朋友…搵你…』


『你朋友？』細b傲意橫生接過電話：『喂，咩料。』

『係又點撚樣呀？』

『你放心，我地求財架姐！』

『你老咪咁撚樣同我講野？你邊飯架！？』

『你…』細b忽然面露難色：『得。收左錢我會放人。』


嘟－


收線後，細b打左個眼色示意眾人退後。

『喂，扶佢去坐低。』

『下…大佬但係…？』

『你老味我叫你扶佢去坐呀！拎條毛巾幫佢抹下身！爽手！』


身旁女仔問道：『細b哥…咩人黎？』

啪－

『關你撚事！』細b一巴掌往女仔既臉上印去。

然後，細b站起慢慢走到阿dee身邊，問道：『你同你朋友到底係咩人？』

『嘎…嘎…下…？』阿dee一邊掩住痛處，一邊坐係度喘息著。

『算喇。』細b沒趣地走向門口：『我去渣個水，你地睇住佢！』

『收到大佬。』


面對細b一百八十度既轉變，阿dee完全唔知道發生左咩事。

到底阿沁講左啲乜？會令到呢個黑社會頭目都忌憚三分？

呢一刻阿dee無時間去理會分析，痛楚已經漸漸漫延全身，

係阿沁黎到之前只好休息一下閉目養神。雖然一邊興幸自己暫且安全，

但另一邊卻又欠阿沁多一個人情…


『喂…』

……

阿dee感到有人輕拍佢。

緩緩張開眼：『你…』