《易容師》: 第十三章-步向真相

　　「認咩罪呀？程小芳咁樣......真係佢做架？」
　　「唔......佢承認既，只係非法禁錮，同埋強姦等罪名。」我唔明啵！
 
　　劉SIR憶述剛才，佢同熊教授入到去見程小芳既情況：
 
　　岩先，好似我同o靚仔你上次進入小欖一樣。一開始平平無奇，冇咩特別
事情發生咁。
　　只係當教授入到去程小芳間房個陣，佢既反應先係由疑惑、再轉為驚慌。
　　就係呢個時候，玻璃窗後面既程小芳忽然發癲，再次唸起句詩句：「水城
裡......花中空......之鏡月......」，再起勢咁撞落玻璃窗個到！


 
　　教授佢嚇到仆左落地，雙手按著個頭，係咁：「Sorry，I am so sorry！我無
諗著害到你咁架！我只不過係愛你，愛到想佔有你炸！」
　　然之後係咁地下滾黎滾去，不斷係咁講Sorry。
　　我同Ｄ職員起勢咁捉著佢，先令佢冷靜發黎。
　　同時間，接到我地Call既兩名職員，手持麻醉槍入到佢程小芳間房，先行
替佢打麻醉藥。點知......
 
　　程小芳，竟然起勢咁爬，咬傷左其中一名職員，仲衝左出房外，高速咁爬
向熊教授！


 


　　「呀！！！！」
 


　　砰──砰──砰──砰──
 




　　就係熊教授發癲狂嗌既一刻，我自己都未反應得切，我後面既一名持槍職
員，迅速將衝出房既程小芳射死。
　　程小芳中槍之後，冇再點掙扎。流著眼淚，兩眼靜靜望著熊教授，就咁步
向死亡......
 
　　就係個一刻，熊教授嚇到失禁，接著就大叫：「係我錯！I am a sinner！Kill
me！Kill me, please！！！！」
　　最後我同Ｄ職員將佢帶離程小芳間房，帶佢去換左條褲，整理一下佢既心
情。期間，佢主動講出大約三至四個月，佢同程小芳既事。
 
　　「照你岩先所講，佢強姦左程小芳？」
　　「唔只係咁簡單......」劉SIR又拎起支煙黎點：「係一年前開始，程小芳由
副學士成功升為正式大學生，同時成為左熊德倫教授心理學系既學生。程小芳
係新移民，因此佢不時有唔少既課程都追唔上，於是佢係修讀心理學科個陣，


會經常去搵熊教授問有關學術既野。只係估唔到，熊教授係有著特別既性癖。」
 
　　「SM？」我吞左口大氣，諗起Wendy。
　　「冇錯！就係四個月前，熊教授借指導程小芳心理學上既問題，誘拐程小
芳去到佢另一間位於沙田既住戶。禁錮左半個月，同進行性愛調教。」
　　講到呢到，劉SIR呼出左一個大煙圈，拳頭放到鐵絲網上，低著頭，額頭
貼拳背嘆氣。
　　而我呢一瞬間，呼吸都停止埋。因為我內心好想問一個問題，但身體嘴巴
已經無法行動。
　　「劉SIR......」唔得，就算係點，我都要知道真相：「除左程小芳，仲有冇
其他受犯者？」
 
　　千奇唔好呀！
 
　　「唔知。」咩話？


　　「因為到熊教授承認受罪到依家，佢精神狀況一直都唔係好穩定。而我地
警方搜證，都只不過岩先進行。你既問題，恕我無法回答。」
 
　　冇消息，即係好消息啦？
　　可能啦......
 
　　事件到此，應該算告一段落掛？
　　「劉SIR，有咩最新受害人既消息，可唔可以第一時間透露比我知？」
　　「唔......我唔知你點解咁有興趣，但我諗你應該唔會係壞人既！」
　　「哈，係咩？多謝......」唉！劉SIR其實你可以拒絕我架。
　　「好啦，今日係咁先啦！我送你到出去搭車，之後我仲要趕返總部，處
理Ｄ手尾。」劉SIR拍下我膀，示意叫我上車。
 
　　就係咁，我就同劉SIR離開左小欖。
　　係倒後鏡入面，望著黑夜中既監獄，我內心總係有著一絲不安既感覺。


　　到底係咩？純粹係關心Wendy既事，抑或直覺同我講，件事仲有後續？

　　　　　　　　　　　　　　　　　　　　　　　　　　　(to be continued...)