[刺客教條][長篇故] 果晚玩完刺客教條，家姐同我講……: 第8章：一網打盡
第8章：
經過一輪破冰行動和一些小插曲，大家總算有多一點了解。目前我們各人先回我家，再從長計議。
「好喇，聰明豆，即係咁，宜家你點睇? 」我問。
「是咁的，有好幾樣嘅野要講，首先我唔信兄弟會得返我地，生還嘅可能都會去左總部，所以我留低左個message喺門口，寫住危險。第二，我地要搵到刺客大師，但係目前為止，我覺得你要帶領住我地先。」聰明豆果然沒有改錯名字，想法果然十分聰明。
這時，阿純和阿健同望著我，我答：「我……係咪因為我對蘋果有抵抗力? 但係我……」
「係都唔出奇，係嘅話，你就係被選中嘅細路。」聰明豆指著我，這無形給我添了不少壓力。
「叮!」聰明豆的手機突然響了一下。「係兄弟會個Whatsapp Group Send黎咖! 」
「有人在嗎?」
「有啊，我係聰明豆。」
「太好喇，Where are you? 」
「咪住，聰明豆你識唔識佢咖?」阿健問。
「叫做知佢係邊個，講過一兩句野咁啦。」她回應。
「我覺得有啲可疑，以防萬一，叫佢錄句音比你聽先。」阿健提醒。
心急如焚的聰明豆差點就誤了大事，於是就要求回應群組的人錄一句音，以聰明豆的記憶，她確定這個人正是那位兄弟會的同伴。於是她亦告知了那人我家的地址。之後就再沒有回音了。
時間過得越久，大家便越覺得不安。一方面害怕當中有詐，一方面擔心那位同伴的安危。
「拍拍拍」這時，大門響起拍門的聲音。
打開一看，有一位遍體鱗傷的兜帽少年伏在鐵閘外一直搖頭。
「你入黎先啦。」那少年的頭搖得更加厲害。鐵閘一開，少年失去重心，坐在大門前，不斷發出「唔」「唔」聲。
這時，出面的走廊有幾名持槍男子從防煙門走出來，那正是剛才那幾名便衣警員。
「中伏! 」這時的阿健才發現自己墮進了圈套，防不勝防，豈料對方竟找來「人質」，誓要把我們一網打盡。
那幾名警員遂漸迫近，這距離並不足以我們任何一人想出對策，這時四周的時間好像變慢了，我伸出袖劍準備反擊，卻不能讓我逃避比我還要快一步的警察再一次的拘捕。
我們全部人，都被警員一一拘捕，並且鎖上手銬。
「帶佢地走! 」一聲令下，警員便把我們帶上貨Van。
「聰明豆，乜你隻腳冇刀咖咩? 我見我家姐都有，佢一腳踢落個差佬度，個差佬就死左。」我悄悄跟聰明豆說。
「話就話腳果把刀係女刺客專用，但係我冇揀到……」
「喂啊，你地唔好傾住啦，宜家我地比警察拉左啊，好地地比你地拉埋落水喇﹗」
「阿隼啊，我地係咪要坐監啊? 會唔會有事咖? 」阿健和阿純一左一右的打斷聰明豆的話之餘，讓我本來不安的心情再加上一點煩燥。
這時，車上的警員也察覺到這一點，向我們叫著「靜啲啊﹗」，可是卻不奏效。另一位警員終於忍不住，再向我們大吼：「阿Sir叫你地靜啲啊﹗你地係咪聾咖﹖再嘈信唔信我拉你地返差館男嘅通櫃女嘅強姦啊嗱﹖﹗」大家終於靜了，亦同時呆望向那位警員。開頭的警員在他耳邊講：「喂，你使唔使咁誇張啊﹖」
「傻嘅，梗係要啦，嚇下佢地都要呱。」
可是靜了好幾秒，剛才的情景又再一次回來。不過情況持續了十多分鐘，因為我們終於到了目的地，旺角警署。
難得回到自己的家中，以為可以暫時逃過警察的追捕，可惜道高一尺，魔高一丈，竟然踏進了警方的圈套；不但全部人被警方一一拘捕，還被帶到旺角警署。此時此刻，我們四人，連同剛才被警方利用的刺客同伴一起被鎖進羈留室裡。
「阿隼啊，你同佢地講，我地唔係刺客黎咖，叫佢地放走我地啦。」阿純卻搖著我抱怨。
我都沒有回應，阿健指責：「你咁仆街咖，宜家我地坐埋同一條船，你冇得走咖喇。」
話雖如此，要兩個無辜的人捲入這場腥風血雨的戰爭，我的確有點過意不去，只可惜現已騎虎難下。
「聰明豆，我地點走好﹖」我問。
「走﹖逃獄犯法咖喎﹗」阿純說。
「一黎，我地未坐監。二黎，佢地拉我地都犯法啦。宜家擺明佢地唔係警察身份拉我地。」我反駁。
「阿純，你唔走我地走，不過之後又有咩事就……You think think you喇。」聰明豆說。
正當我們邀請那位人質兄弟一起逃走，「喂，兄弟，一唔一齊走啊﹖唔係就要陪阿純死喺呢度咖喇。」聰明豆笑說。
阿純一面無奈想扶起那位兄弟，可是他原來一早已經死去了，阿純不但扶不起他，而且還失去重心，向前一跌，剛好跟那位兄弟來了一個死紀之吻。
「屌﹗我走啊，我走啊﹗我唔要同佢死喺度。」阿純立刻彈起來，青著面說。
雖然場面可笑，但始終要對死者表示尊重。我把他安頓好後，就計劃準備逃走。
這時候，一名警員走近：「你班友，有人保釋你地，走得喇。」
有人﹖是誰會保釋我們，何況，以什麼身份來保釋的﹖他應該知道我們和警方的身份吧，我們各人亦因此覺得疑惑。
我們辨了一些手續，走到警署門口，又看見一個很面善的身影，眼前的人竟然就是泰博，鄭松泰。