[刺客教條][長篇故] 果晚玩完刺客教條，家姐同我講……: 第55章：整合托展

第55章：

「佢做咩事啊﹖乜佢食煙咖咩﹖」我們走到女神身邊，她問。

「唔知啊，佢無啦啦發爛咋……其實佢都食左一段時間喇。」我說。「我諗比佢靜下啦，一陣冇野咖喇。」

「好啦，係喇，宜家應該返過去議事廳，艦長佢地應該準備下一輪嘅行動。」阿健說。「bb，我地返過先喇，你唔好亂郁啊，唔係又痛咖喇。」阿健輕吻了女神的額頭一下就和我一起到另一邊的議事廳。

「喂，你同聰明豆宜家點啊﹖」阿健問。





「做咩突然間咁問嘅﹖」我問。

「呃……冇，頭先見佢幫你搞隻手果陣傾左陣計咁。」

「冇咩點啊，咪又係咁囉。」

「即係點啊﹖」

「我都唔知啊，頭先我都已經好似好close咁同佢講野咖喇，佢都好似好冷淡咁。」





「其實我知點解啊，佢純粹驚你覺得菲姐返左黎，你會忽略左佢姐。佢仲話覺得好似同你唔似情侶咁。」

「佢之前講你知咖﹖咁呢排真係好多野發生啊嘛，又打仗又剩。」我解釋。

「女人，唔可以唔理咖，唔理嘅話佢就諗野，諗諗下就冇咖喇。」

「點解你同阿純講嘅野一樣嘅……」

「咁我地三兄弟黎咖嘛，哈哈﹗呃……其實以聰明豆份人咁聰明，佢好少可會咁煩惱，證明佢都對呢件事幾上心，得閒嘅話多啲關心下佢啦。」阿健說。





被有女朋友的阿健教訓，真的說不出話來。在議事廳門前談了一會，我們推開門加入作戰會議。

「好喇，各位。我地今日啱啱過第一場戰事，雖然話唔係好順利，但係都叫成功令對手撤退。」艦長在主席台上說。

「艦長，可唔可以公佈可死傷人數﹖」有人在人群中問。

「呢層就……仲點算緊，不過我地傷亡都唔多。」艦長不確實公佈數字，一來是真的點算中，二來是害怕數字會影響士氣。

「嘩，唔多即係有啦。」

「死人喇，點會咁咖。」

「係囉……」

人群中議論紛紛，大家都擔心著傷亡數字會否再增加，甚至這個數字包括他們自己在內。





「大家靜一靜先，我都唔怕老實同你講，宜家呢個係革命，革命就一定有人犧牲。犧牲左嘅同伴，我地要令佢地唔好犧牲得不明不白，所以我地要攻擊，一定做好犧牲嘅覺悟。」這時候，大家都忍不住抖了一下，大概是被艦長的話嚇倒了。「無錯，大家都會驚係咪﹖所以為左降低呢個機會，我地向小丑訂左一批裝備，足夠我地呢度所有人用仲有凸。所以大家只需要跟住我，或者其他小隊隊長嘅指示去做，咁就一定可以安全。明唔明白﹖」

「咁艦長黎緊我地點做呢﹖」黃台仰問。

「既然我地宜家已經有足夠嘅裝備，呢個時候，解放軍就退守到隔離嘅中環軍營。資源唔怕多，我地要佔領埋佢。
  阿梁天琦、黃台仰，我想你地發出一個獨立宣言，只少等我地出師有名，宜家事關重大，所以一定會有媒體報道嘅，咁樣就會有更多嘅人加入我地。」

「咁實會有班仆街反對咖嘛︿咁我地使唔使殺曬佢地﹖」

「咁...咁又唔使住嘅，一黎可能有反效果，二黎好多都係比人叫出黎，電視都有做啦，連出黎做咩都唔知咖。」艦長繼續。