第56章:

「首先,我地呢度原本有幾千人,打得嘅得百幾人,加上小丑國嘅支援之後總兵力就有大概一萬人。我諗住預留一半,5000人留住喺度先,另一半分成60隊,每隊大概80-90人。呢60隊人分成兩批,一批負責去搶奪返18區各個失去左嘅據點,呢層會有我地兄弟會嘅成員會帶領大家;另一批會佔領全港42間警署。」艦長說。

「咁艦長我地點分隊啊﹖」

「使唔使分官階,上將中將果啲﹖」

「既然我地宜家成隊軍隊,應該要有系統啲喎。」





聽完艦長的話,大家都各有想法,當然有些意見都值得考慮的,有些純粹是廢話。

「咁啦,咁我地點都要有個最高領導人,我覺得一直以黎,艦長都帶領得唔錯,我提議佢做最高領導人。」阿健在人群中舉手大聲說。

「咁都好嘅。」

「都叫贏左第一場仗啦。」

「我贊成﹗」





「雖然唔係好了解佢份人,但係我地點都要有人指揮,到佢冇料嘅先拉佢落黎囉。」

於是,艦長就順利成為我們組織的司令。

「咁好,我會努力帶領大家,為大家帶黎更好嘅香港。」艦長握著拳頭說。

「好喇,我地傾完司令嘅問題,到我地點樣可以令聯盟運作得順利啲。」阿健就像在董事會坐在董事長旁邊的秘書似的,說著現在是什麼程序,什麼議事題目等等。

「不如真係好似頭先話齋,分官階啦……」





「咁分官階都要知邊個打邊個咖﹗」

「咪係,一陣一叫上校,到時十幾個人應你。」

「咁分編號囉,呢個係最好嘅辦法。」

「咁大家都贊成案編號係咪﹖」阿健走到主席台上問完,大家互相看了大家一下都點了頭,我在他旁邊繼續:「咁麻煩大家喺技術組果邊排隊,續個續個講自己個名,如果大家得閒嘅,都問一問唔在場嘅成員,好冇,唔該曬。」

「至於官階方面大家點睇﹖」我問。

「全部做二等兵囉﹗好似打機咁由頭開始。」

「咁有咩意思﹖計我話就應該好似其他國家咁,計年資。」

「我地呢度大部份都係後生仔,邊差得遠﹖」





「我覺得頭先第一場仗有份打嘅都應該高級啲。」

今次實在大家議題要討論了,議事廳都發揮它的作用,讓我們聯盟熱鬧的討論所有成軍的細節。

「我贊成有打第一場仗嘅可以高級啲,至於軍階嘅高低,一係咁……你地講名嘅時候講埋你地加入自己組織嘅時間,大概得咖喇,咁樣就等我地技術組人員去處理啦。好啦,我諗係咁多,大家仲有冇野補充﹖冇嘅我比返艦長講。」阿健在主席台上說完,艦長就繼續向大家指揮。

「係啦……希望解放軍未咁快打過黎啦。咁我地講完18區嘅戰略,宜家係時候講中環軍營嘅佔領戰;總共1000人會參與,我地首先會派400人去打頭陣先,每邊100人包圍住呢個軍營,狙擊手會喺呢度準備好,其餘600就負責支援。2000人就會喺呢同政府總部設防同埋維持某部份正常嘅運作。剩低2000我打算派你地去香港境內嘅軍營主動攻擊,呢個我要同大家再計劃下先。」

在艦長我計劃聲下,我和阿健說:「嘩,阿健,你頭先幾威喎。」

「你都唔差啊,哈哈,不過我冇諗過演變成今日咁就係啦。」

「以後要加油啊﹗」





的確,這幾天事情演變得實在太快,竟然由幾群小組織組成了一隊龐大的軍隊,我期待著未來會向更好的方向發展。