第102章:

「你班細路,我地食鹽多過你地食米﹗點解我要聽你地講﹗」在車上返回總部途中,較年老的聖殿騎士上級雖然被綁起來,但仍然拼命掙扎反抗。

「唔好頓起個長輩樣,就係你地呢啲人搞到香港咁,更何況你地係聖殿騎士添﹗」查理激動的說。

「查理,冷靜啲。佢地宜家都落入我地手中,我地大把時間同佢地慢慢玩啦。」我露出一個邪惡的樣子,試圖恐嚇他們。

「好恐怖啊呢條友﹗」較年輕的手下說。





雖然他們都矇著眼,但都被我這個氣場嚇到了……

我們一行人終於回到總部,並把他們幾人帶到一個空無一物的房間。確保沒有敗露行蹤後,就把他們的眼罩除下。

「呢度邊度黎咖﹖」

「冇窗嘅,唔通喺地底﹖」

「可能係建築物嘅中間都唔定。」





「你好放左我地﹗對抗聖殿騎士嘅人唔會有好下場。」

「你地嘈夠未﹖我地不嬲都係同聖殿騎士對抗嘅組織,宜家下場好差咩﹖」查理問。

「查理,唔使同佢地講咁多廢話啦,我問你地,最近聖殿騎士搞緊咩活動﹖」開始進行質問活動,雖然我們已經預料到事情不會跟想像中那麼順利,不過看來他們認真地想,將會如實說出來。

「最近啊……你想知發生左嘅定未發生先﹖」年老的上級在說。

「有分別咩﹖﹗你所知嘅全部都講啦﹗」在場的阿純忍不住說。





「咁……咁……講最近發生左嘅先啦。最近我地聖殿騎士化名民建聯搞左個蛇宴啦,仲有我地聯歡會參加抽獎啦,我記得我隔離呢條友仲抽到頭獎添,係電視一部。」上級說著。

「冇啊,你記錯喇,我得超市禮券咋。」旁邊的人說。

「……」

「呃……好好好,講未發生嘅,好似就係聽日,我地會喺唔知邊個會堂會有粵劇show啊。有經過那些年嘅汪阿姐咖﹗你地後生仔應該關注多啲香港嘅文化啊,係好寶貴嘅野黎。」上級繼續說。

「……」

我終於忍不住說:「我唔係講緊呢啲活動啊﹗你講呢啲關我地刺客鬼事咩﹗」

「唔係喎,我鍾意聽粵劇咖啵,我手機啲歌全部都係粵劇。不過汪阿姐就冇咩興趣……」查理舉手說。

「竟然……」我和阿純表示無奈。





「呢個後生仔就識野喇……」上級的廢話還未說完,就被我用袖劍架住他的頸了質問:「我問緊你關於對付我地嘅活動啊﹗」

上級和身邊的人頓時抖了一抖,結結巴巴的說:「我……我都係跟老頂嘅order咖咋……我知嘅野唔係話好多。」

「咁你老頂係邊個﹖﹗收到咩order啊﹖」我抽起他衣領問。

「老頂咪就係最高大師囉……我地收到order要殺你地咋。」上級依然抖著說。

「仲係講廢話下哇﹖﹗你地睇住佢地,唔好比佢地死。」我向密室駐守的成員命令,好好看守著這班人,意圖令他們就範。

「啊,睇黎呢班友傻咖喎……」踏出密室後,阿純說。

「佢地唔係傻,係唔肯講姐,就好似我地有自己嘅教條一樣,唔可以咩都講曬出黎。」我解釋。





「都係嘅。」

「查理,你搵啲人過海又好,新界又好,買幾個飯盒比佢地。我唔想放過任何得到情報嘅機會。」我吩咐。

「隊長,點解要去咁遠﹖」查理問。

「唔通話曬比人地知,我地喺隔離間燒味鋪買返黎咩。」我說。

「細佬豬咁咪一樣會比人發現,不如整啲頹飯比佢地食咪算,順便可以比你地試下我嘅手勢。」家姐走過單眼說。

這個也算是一個好辦法,畢竟外面一定佈滿聖殿騎士的耳目,而且新建的廚房除了讓大家煮一下公仔麵之外都沒有怎樣用過。說不定那班聖殿騎士吃過家姐住的飯後會一五一十的說出來。

「都好喎,家姐手勢好好咖。」我贊成。

「我同水姐都要幫手﹗」露比拉著水姐興奮的走過來和議。





「好啦,就咁決定啦。」