第154章:

我們三人一同走進了旺角地鐵站,地鐵站一如以往的熙來壤往。每一個角落都站滿了人。

「我地使唔使去個少人啲嘅車站先啊﹖」露比問。

「游也多你知唔知邊個車站多錢啲……」我問。

「真係唔知喎,但係又冇理由又去地鐵總部……不如就咁揀啲少人啲嘅站,好似石硤尾、天后、大窩口果啲咁咪比較少人囉,咁當然少錢啲啦。」游也多提議。





「是但啦……少極都有一萬幾千,都夠使嘅。」我說。

「咁咪要遊地鐵河……又唔坐得,坐左比人話咖,咁實攰死啦。」露比埋怨。

我微笑了一下,我向她展示了在口袋中拿出的結界終端機。

「係喎,咁樣就算坐地下都冇人知啦。」露比興奮的說。

「但係你開著佢果下,人地唔知以為係痴線佬呢,一定youtube見。」游也多說。





「唉……咁去左石硤尾先囉,都係兩三個站姐。」我提議。

大家都點頭贊成了。

「喂,你係咪傻撚左啊,宜家咁仲用八達通﹖慌死人唔知你去過邊咩﹖買單程飛啦。」游也多見我正想將自己的八達通拍左入閘機上之前說。

「係喎係喎……sor。」我只好退後幾步,回到售票機前。

「哈哈,長長醒少少,就唔使比游也多屌啦。」現在連露比都開始取笑我了。





我們走到售票機前,雖然那個介面似乎跟從前一樣,但是對一個普通的香港人來說,使用售票機的機會少之有少,差點連哪裡投錢都忘記了。

花了半個小時,終於到了石硤尾站了。由於今天是平日,加上現在大多數人都還在上班或者上學,車站的人的確屈指可數。

我們找到了一個沒有人注意到的地方,把終端機調較至控制室門後,然後叫了啟動語「小型結界產生器,無邊炎陣 ﹗」

因為身處於結界的關係,即使上鎖了的門都可以輕易穿過。
我們經好穿過門後,確認沒有人經過後就隨隨把結界終端機關上。

「呢度應該唔難應付,大家分頭搵啦。記得只係可以攞屬於聖殿騎士嘅錢啊。同埋一定唔可以比人發現。」我說。

「得啦……你搞掂你自己先啦。」游也多自信的說。

每個地鐵站的控制室其實某程度上也是聖殿騎士的其中一個基地,其中一定會收藏部份資金,雖然屬於地鐵辦公室的位置亦可能有藏金。
所以我們在沒有人發現的情況下,把每一個房間、儲物櫃、甚至抽屜都找得一清二楚。盡量搜得最多聖殿騎士的資金。





「啊,估唔到咁易攞。」我們搜刮完後,大搖大擺的走出地鐵站。

「因為呢度少人姐……其他地方不必咁簡單咖喇。」我回答露比。


「喂喂,多多姐啊,你肚唔肚餓啊,我地去食野好啊好啊……」露比笑說。

「咩多多姐啊,真係好難聽啊。何況我唔係大你好多咖咋。」游也多說。

「哈哈哈,多多姐嬲個樣好搞笑,我開始鍾意多多姐喇。」露比繼續微笑說。

「吓……」游也多表現得受寵若驚。

「好啦好啦,先左野先啦。何況都唔急得一時啦。」我說。





於是大家走到附近的石硤尾商場吃午餐。