[刺客教條][長篇故] 果晚玩完刺客教條，家姐同我講……: 第155章：安全至上

第155章：
 
「都差唔多喇，去埋呢個我地返去啦。」做了神偷一整天，大家都略顯疲態，所以只好把眼前的第12個目標，大窩口站作我們此行的最後一站。
 
整個地鐵站本身已經人少，加上已經渡過了放工時間，所以人流更加少之有少了，從而亦便利了我們的行動。
轉眼間，我已經把結界順利打開，大家都準備好最後一次的行動。
 
「唉……真係好撚攰啊。搞掂真係要去飲返杯先。」游也多不禁說。
 
「好似蒲開咁啵你。」我說。




 
「蒲又唔係話蒲開嘅，去到係咁意飲返杯姐。」她說。
 
我隨口哼著：「哦……飲返杯冰凍啤酒……」
 
「行啦……高歌一曲氣量厚。」游也多打斷我說。
 
「估唔到多多姐都識啵。」露比說。
 
「都話左……算啦。玩音樂嘅點都識少少咖嘛。」游也多說。




 
為這次行動暖場後，解開結界之時亦是我們蓋開行動序幕之際。
大家一如以往的四處搜刮值錢的聖殿騎士資金。
 
「明明呢度咁多人，應該好多錢至係咖啵。」我進入了聖殿騎士基地的那一部份，一邊翻箱倒籠一邊說。
 
「聽講石硤尾果邊好似出左事喎。」
 
「好似話比人攞曬組織啲錢啊嘛。」
 




「係囉……我地都要睇緊啲喇，唔通係果班刺客﹖」
 
突然有一群聖殿騎士從我搜刮中的房間外經過，在電光火石之際，我只好躲在辦公桌後，靜待那群人經過才繼續行動。
在我仍然躲在辦公桌後，另一把腳步聲就從人群的另一邊慢慢傳來。
 
「嘩﹗」突然游也多出現在我身旁，大家互相都被嚇倒了。
 
「做咩你會喺度咖﹖」游也多細聲的問。
 
「出面成棚人，我諗住哩埋啊嘛。」我說。
 
「頭先好險，班人差啲見到我，嚇撚死……」游也多說。
 
「咪住，你地開會先，我要入房攞一攞野。」這時候，外面有人說。
 




我們大家都心知不妙，大家卻同時間掩著對方的口，避免發出不必要的聲音。
 
「喺邊呢喺邊呢……」我們探頭一看，只見一個大叔有自己辦公室不斷搜尋一些東西。
 
「唔通喺張枱櫃筒﹖﹗」那名大叔開始越走越近，如果真的走過來，我們必定會被發現。
 
「冇計啦……博一博啦﹗」我用口形跟游也多說。
 
「小型結界產生器，無邊炎陣 ﹗」我用最輕力的聲線說。
 
大叔的腳尖剛好出現在我們視線之內，幸好當腳跟都出現時，結界剛好落下，剛好避過一劫。
 
「咦，頭先明明聽到有人講野喎……出黎﹗快啲出黎﹗」大叔在結界外拿出手槍大叫。
 
「咩事啊﹖咩事啊﹖」外面的人紛紛走了進來。




 
「喂……宜家點走啊﹖」游也多現在才意識到要把手鬆開。
 
「我較左個結界係成個基地，所以我地搵埋露比，去到門口解返就走得。」我說。
 
「你聽錯咋﹖」「真係有咖﹗」「我地搜下呢個地方喇唉……痴線嘅。」
 
就在他們在那個辦公室內議論紛紛之際，我們大搖大擺的在結界內走動。
 
「喂……你條女喺入面啊。」走著走著游也多發現了露比身處的房間，露比現在卻身埳險景，兩名聖殿騎士似乎發現了她。
 
「嗱，你地唔好埋黎啊﹗唔係唔好怪我唔客氣﹗」露比說。
 
「哈哈哈，刺客小妹妹，你睇下你隻手震到……夠唔夠打咖，哥哥使唔使讓你啊﹖」聖殿騎士說。
 




「你老味啊……游也多你左邊我右邊。」我指示游也多把兩名聖殿騎士擊倒。
 
「嗯……唔好殺左佢地，整暈佢地好喇。」游也多說。
 
露比繼續舉起手說：「你……你理得我啊，我勁起上黎連自己都驚啊。」
 
「咁我地黎喇，你唔好喊喎……嘻嘻嘻。」兩名聖殿騎士互相奸笑了一下說。
 
「仆街啦你﹗」在他們踏前多一步時，我立刻解開結界，和游也多各自把眼前的聖殿騎士弄暈了。
 
「長長﹗多多姐﹗」露比鬆了口氣的說。
 
「我地快啲走喇，啲人好快發現到我地咖喇。」我摸著露比的頭說。
 
「長長小心啊﹗」露比一手拾起辦公桌上的鋼筆，使勁對準我背後正舉槍指著我的聖殿騎士的手。




 
「嘩﹗有刺客喺度啊﹗」那名聖殿騎士把武器掉在地上並大叫。
 
「小型結界產生器，無邊炎陣 ﹗」回過神來，我把終端機的範圍較到最大，然後隨即把結界打開。
 
「終於安全喇……」露比說。
 
「露比你好犀利啊……估唔到你反應都幾快啵。」我說。
 
「係咩係咩，多謝你地及時黎救我就真。」露比笑著說。
 
「sor啊，宜家組職越黎越多呢啲變態佬……」游也多無奈的說。
 
「好啦好啦……大家冇事就好，我地快去喇。」我說。
 
於是解開結界後，我們離開地鐵站，乘巴士回家去。