[刺客教條][長篇故] 果晚玩完刺客教條，家姐同我講……: 第156章：時光飛逝

第156章：
 
「哎喲，你地三條友拍完拖返黎喇。」打開家門的一刻，就見到左又近恥笑的說。
 
「拍你個頭啊……」游也多忍不住追著他來拍。
 
「係喇……家姐、呂麻君、方次郎，你地又話支援我地，但係又唔見你地講啲咩嘅﹖」我問，始終整個行動，耳機都是一直沈默著。
 
「細佬豬你冷靜啲先，其實我地已經hack曬你地身處地方嘅地鐵站……其實話曬都係訓練，如果唔係啲咩大粒野，我都想你地去攞下經驗去解決左先。」家姐語重心長的說。
 




「咪係囉……長長使咩咁惡喎。」露比也在說。
 
「好啦……sor，激動左啲。」我說。
 
這個晚上，大家又在嘻哈聲渡過，這次總算可以吃得好一點，始終大家都「賺」來了錢。
晚飯過後，呂麻君邀我到露比，為接下來的時間安排訓練。
 
「喂，你今日點啊，嘿嘿，左擁右抱啵你。」呂麻君取笑著我。
 
「咩點姐，我就假嘅……你呢就真嘅，你點啊你，有冇好好對我家姐。」我不禁示弱的回應。




 
「咪普普通通咁囉，有啊方次郎喺度阻住曬……」呂麻君笑著說。
 
「咁下次叫走佢囉。」我大笑說。
 
「咁又唔好，咁又唔好……話時話，我地宜家繼續咁樣訓練好唔好啊你覺得﹖定係你想轉下人咁﹖」他問。
 
「梗係轉人啦，仲使問嘅……」我說。
 
「哦……naughty啊你，你想轉走露比，同游也多二人世界。」他說。




 
「……」我根本不知道如何回答。
 
呂麻君見到我無奈的樣子，笑了一聲，說：「哎，唔玩你喇，轉下人都好嘅，夾下唔同人先知大家夾唔夾得埋。」
 
我點頭表示贊成：「係囉……係囉……咁宜家出去講﹖」
 
呂麻君做了一個coming on的手勢，瀟灑的跟我出去向大家宣佈。
 
「喂喂喂，大家唔好玩住……我地有啲野要講。」我們突然教練上身的說。
 
「咁今日大家都成功做到大家嘅任務啦……我同阿隼諗住呢半年都繼續咁樣，當然，任務每次都唔同，咁隊員都可能唔同……」
 
這時候很清楚的聽到游也多「yes」了一聲……
 




「使唔使咁興奮啊……」大家異口同聲說。
 
「冇……同啲唔同嘅人一隊接受下新挑戰咋嘛。」她連忙回應。
 
就這樣，我們整個月中跟不同的人，到不同的地方，做了不同的任務。
能力上雖然沒有大幅度的提升，可是大家的反應能力、隨機應變、敏捷度都比以前有所進步，進行的任務亦漸漸變得多樣化。大家都漸漸產生出不少合體技和不同方面的技能，總算把大家的拉至平均的水平。
期間就連家姐、呂麻君，甚至重量級的方次郎都會加入訓練，所以使配合上，大家都表現得一天比一天好，意外越來越少出現，任務亦越來越讓大家相對覺得輕鬆。即使有時候要跟聖殿騎士展開正面衝突時，險象環生的場面出現得越來越少。
 
至於資金方面，經過這半年來不斷的搜刮，由本來只取走現金到後來只是比較值錢的東西都取走；當然亦要堅守刺客兄弟會的原則，不會向無辜下手。
值錢的東西我們會跟小丑國交易，他們就會交易出相對的金錢和物資。
雖然相方已經中斷早前盟軍的關係，但小丑和小丑女依然願意和我們作合作伙伴。
現在的我們已經不愁吃喝不愁武器裝備，甚至已經把我家對面空置了的單位買下來，作《聖音騎士》三人作新基地和夾band之用。
 
半年就此就過去了，回望這半年……大家都進步得很快，當然自己也有努力當好刺客大師這個名銜。
 




「點解次次見到你你都發緊偶逗咖。」游也多踢一踢坐在梳化上的我說。