[刺客教條][長篇故] 果晚玩完刺客教條，家姐同我講……: 第157章：蓋開序幕

第158章：
 
「點解次次見到你你都發緊偶逗咖。」游也多踢一踢坐在梳化上的我說。
 
我回過神來，才發現她在我旁邊：「吓﹖﹗冇啊……攰姐。」
 
「攰﹖﹗啱啱扑完野啊﹖」她奸笑說。
 
「關你鬼事咩，係咪想join啊﹖」我說。
 




「痴撚線，join你老味啊。」游也多往我膊頭打了我一下說。
 
「講下姐，我先唔係……」我說。
 
「嘩嘩嘩，你地又開片啊﹖」呂麻君突然在客廳出現。
 
「冇啊……後生仔傾下計姐。」我說。
 
「係囉係囉……你有野傾就傾囉，我唔阻你地喇。」游也多說罷，就離開了。
 




呂麻君笑了一下，向著我說：「喂……半年就過左喇，係咪撻著左呢﹖」
 
「你就撻著，雖然講真嘅，同佢係part得幾有默契嘅……」我說。
 
「哦﹗講出心底話喇你。」呂麻君笑說。
 
「唔係唔係，作為隊友咋。」我連忙澄清。「你呢……同家姐點啊。」我找準時機還擊。
 
可是呂麻君卻突然轉了話題作迴避：「呃……啊，我地講返正題先啦……」
 




「嗯……嗯……」
 
「係囉……半年過左去，我見大家都勁左唔少，係咪應該可以開打﹖」呂麻君問我。
 
「其實大家能力上都準備，係唔知心態上準備好未姐。」我說。
 
「咁等大家返曬黎再問下囉……」呂麻君說。
 
「係囉……係囉……」我和應。
 
「喂啱喇，上次你同露比咪話想學結他嘅，宜家啱喇，啱啱買左枝新野，叫埋佢一齊過隔離試下啦。」呂麻君熱情的說。
 
「好啊，我去叫佢囉。」
 
……在聖殿騎士的某個會議中……




 
「都成半年喇，點解佢地都好似冇咩動靜咁。」在場一名聖殿騎士問。
 
「自從上次見到班刺客同《聖音騎士》一齊打贏左谷守果班之後，我都冇見過佢地喇。」黎棟國說。
 
「咁阮桐貴，呢度你就同佢地最熟，你有冇知道啲咩﹖」最高大師陳茂波問在場的阮桐貴。
 
「各位阿sir，我不斷都有派人去跟蹤佢地或者調查有關嘅情況，我自己都有參與嘅，但係每次唔係失敗而回就係比人發現，仲有發現佢地嘅生活好似越黎越好；另一方面我地嘅唔同機構都不斷有錢唔見左，好明顯係佢地偷曬我地組織嘅錢。以我認識嘅佢地，唔係話佢地做唔到，好彩就做到，佢地又唔係好好彩嘅人……所以我相信佢地有秘密練兵，宜家嘅可以比上一次強左好多。」阮桐貴手拿著平板電腦分析著。
 
「唔該曬你，其實講樣野比大家聽，你估淨係得佢地有練兵咩﹖」陳茂波一邊說一邊走到會議室的一邊，按下牆壁上的按鈕，牆壁漸漸降下，露出一幅落地玻璃。而玻璃的另一邊正正就是一個超大型的訓練場地。
 
「我地都一樣有﹗就算佢地勁左10倍100倍都好，都唔夠我地打咖。」陳茂波興奮的介紹。
 
「嘩……好犀利喎。」
 




「咁就掂啦。」
 
陳茂波見大家欣喜若狂，雙手伸出示意大家先坐下：「多得大家嘅合作同幫手，我地一樣都發揮出最好嘅成果。其實都仲有一個計劃喺下個禮拜會向大家發佈，到時我地聖殿騎士會舉行慶功晚會，慶祝之餘亦都為我地聖殿騎士控制香港打一打氣。」
 
「好啊。」 「好喎。」 「嗯嗯嗯」
 
「……」
 
陳茂波最後說：「係喇係喇，知道大家都會好興奮，我已經叫左秘書寫通告send去大家email，詳情就自己去睇啦。冇咩就散會啦，到時見。」