[刺客教條][長篇故] 果晚玩完刺客教條，家姐同我講……: 第158章：Email

第158章：
 
「就係咁喇﹗係咪好正呢。」我、露比和呂麻君在他們那邊一起為他新買的結他試音。
 
「其實我唔係好識咖。」我無奈的說。
 
「嗱，我比枝500蚊同10000蚊嘅結他你聽下有咩分別啦。」呂麻君興奮的拿來另一枝差不多外貌的結他。
 
以我理解，如果技術高超的話，不論是500還是50000元的結他，都可以彈出一首精彩的樂曲。所以聽起來完全找不到分別。
 




「都仲係冇咩分別。」我笑著說。
 
「我聽得出啊﹗啲聲好似……係咪叫實淨啲﹖」露比舉起手興奮的說。
 
「嗱嗱嗱，露比都勁過你喇。」呂麻君笑說。
 
「咁呢個呢﹖」這時候，游也多在我們後面出現，她將地上的Jack線連接到她手上的結他和音箱，隨即使勁的彈撥了一下。
 
聽到音樂後，我們卻被她定住了。經過訓練後，游也多的得意技「魔幻音鎖」不只限制於笛子上，結他、鼓聲、甚至連吹口哨，只要能夠發出聲音的東西都是她發動技能的工具。
 




「哈哈哈哈哈，睇下你班傻仔﹗」游也多一邊彈著結他一邊大笑著說。
 
「夠唔夠你傻，夠膽就唔好停啊﹗」雖然身體動不了，但我的口仍然可以說話。
 
「叮叮叮」突然間，呂麻君和游也多的手機同時響起來了。
 
「哼，唔夠你地傻，不過你地好彩，睇下邊個搵我先。」同時使游也多都放下手，停止彈奏了。
 
「哈哈，真係多謝你個電話啊。」我笑說。
 




「唔係啊，我地真係要多謝個電話啊……」呂麻君一臉正經的說。
 
「吓……發生咩事啊﹖」露比問。
 
「呢半年黎，我地個手機一直都仲收到組織嘅email，雖然我地已經比佢地踢走左，但係唔知點解……可以仲未刪走我地email。所以一直以黎，佢地發生咩事，有咩活動，我地都一清二楚……不過見冇咩特別先冇提起過。」呂麻君解釋說。
 
「不過今次見佢話有個慶功晚會，好似係要慶祝某啲野，仲話有發佈會，似乎佢地即將會宣佈佢地嘅計劃。」他繼續。
 
「咁但係佢地都唔會比你地入去啦……咁點算﹖」露比問。
 
「咁冇人叫你大搖大擺行入去咖嘛，梗係做返你地老本行潛入去啦。」游也多說。
 
「都係嘅……咁諗住有得著靚衫咖嘛。」露比失望的說。
 
「啊，都唔係冇得著嘅，雖然話係潛入去，但係都唔可能一直哩埋一二角嘅……我地可能可以融入人群入面，聽下情報又好，搵時機隊冧邊老屎忽又好；換左衫始終冇咁起眼嘅。」呂麻君說。




 
「無錯，我都係咁諗……咪住……但係怕唔怕阮桐貴都喺度嘅話會認到你地﹖」我問。
 
「都係喎……咁要諗下喇，最多叫游也多扮男人囉，哈哈哈。」呂麻君認真的想了想。
 
「點解要我扮男人﹗你地唔扮女人……你啲頭髮咁白又咁長，唔使戴假髮添啊﹗」游也多激動的說。
 
這時候，門就打開了，走進來的是方次郎和左又近。
 
「喂我地返黎喇，頭先我地幾個去完買野返緊黎果陣就收到組織個email喎。」方次郎說。
 
「係啊係啊，又話有個晚會又剩咁，我地係咪都會去﹖今鋪一次過打到佢地稀巴爛啦﹗」左又近興奮的和應。
 
我們四人大家望了大家一眼，笑了說：「吓﹖我地一早傾完點喇喎。」
 




「吓﹖﹗你地唔等我地返黎先嘅﹖﹗」方次郎問。
 
「哎，唔好玩鳩佢地啦，我地係就係傾過下，都未傾曬嘅。」游也多說。
 
「係囉……不如等今晚齊人先開個會啦。」我說。
 
「咁你地得果陣過黎呢邊叫我地啦。」呂麻君說。
 
「好啦……」