[刺客教條][長篇故] 果晚玩完刺客教條，家姐同我講……: 第159章：未確定計劃

第159章：
 
到了晚上，我們所有人都齊集在我家的客廳裡。為接下來的「主線任務」作好萬全之策，能夠取得聖殿騎士當前計劃的情報；甚至找到機會把聖殿騎士高層除掉，從而瓦解腐敗的聖殿騎士。
 
「1，2，3，4，5，6，7，8，9……好喇，我地宜家齊人喇。呂麻君我地可以開始喇。」我數著數著說。
 
「好喇……相信大家都知道email件事喇。咁我簡單咁講一講啦，封野就係話下個禮拜聖殿騎士會搞慶功晚會，類似係分享成果咁，同時都會公佈新嘅計劃，呢個對我地黎講係一個好好嘅機會。大家點睇啊﹖」呂麻君問。
 
「我聽方次郎話係因為佢地未del你地聖殿騎士個email account，所以先會收到……其實有冇可能係伏黎咖﹖可能就係為左引曬我地所有人出現。」家姐立刻舉手懷疑說。
 




大家都認真的想了想，的而且確我們所遇到的事都埋藏著大大少少的「伏」，不管是從「6是瘋」時代，還是現在，每次墮入陷阱方知太糊塗。
 
「唔怕，有啊……啊你地果個戴眼鏡果個……」阿純一時間說不出名字。
 
「係喎，有施若兜……」
 
「係囉，有佢可以幫手confirm一下係咪真係有件咁嘅事先，甚至可以搵佢喺果陣幫手添。」阿純繼續說。
 
「嘩，阿純你叻左咁多嘅……」和人驚訝。
 




「哎，跟得你地多啊嘛，我唔係真係咁弱咖咋。」阿純自信的說。
 
「都係嘅，其實呢半年黎，我睇到大家都好努力，變強左都唔出奇。」家姐微笑說。
 
「無錯啊，宜家大家都咁高咁大咖喇，所以今次嘅任務一定唔可以有咩意外發生。」我自信的說。
 
大家都贊成的點了頭，興奮的互相打氣。
 
「啱喇，宜家士氣幾好……咁我地首先同施若兜confirm左先，宜家我地大概傾下個安排，細節果啲睇下施若兜可以點樣幫到忙先啦。」呂麻君說。
 




「係囉，就咁嘅，宜家我地大概知道有幾個目標，分別有新計劃嘅情報、佢地究竟為左咩慶功，如果有機會，甚至可以殺死聖殿騎士嘅高層。」我說。
 
「咁我地咁多人，會唔會好易比人發現﹖」方次郎一邊吃薯片一邊問。
 
「食食食，用下腦諗啦，會唔會真係我地咁多條友行入去，然後遞張邀請卡話合個list有我個名咖，咁咩。」游也多激動的說。
 
「講講講，咁你覺得應該點﹖」我笑著問她。
 
「呃……都係分組咖啦，一組周圍聽吓人地講咩，一組偷偷地去攞佢地計劃嘅資料咖啦，仲有人可以負責監視……」游也多絞盡腦汁的嘗試安排到時的情況。
 
「講得幾好啊，果然跟得智將阿隼多，係聰明啲，哈哈哈。」呂麻君揶揄的說。
 
「你就智將﹗」 「關咩跟得多事﹗」我和游也多同時說。
 
「咁咁咁……家姐都話大家勁左咖咋，我諗野醒左有乜撚野問題。」游也多連忙解釋。




 
「哦﹗仲叫菲姐做家姐添，一家親喇啵。」左又近大笑說。
 
游也多只好掩面，沒話好說了。
 
「你地唔好玩啦﹗宜家呂麻君搵左施若兜先，等佢覆左我地先再算啦﹗」本來靜默的露比突然大聲說。
 
大家都被她突如其來的霸氣嚇倒了：「嘩，阿嫂嬲喇。」
 
呂麻君只好拿出手機，向施若兜telegram發送了一個secret chat：「喂，阿兜，你宜家點啊﹖我有野想問你啊。」
 
「登登登」呂麻君剛把訊息發送出去後，手機就立刻響起。
 
收到了施若兜的秒回：「都係咁啦，仲喺入面做緊啲野。我諗我都知你想問咩咖喇，不過我想見一見你地先，因為有啲野要話比你地知。」
 




「咁去你office﹖」
 
「唔使，果度好危險，我send個地址比你，果度見會好啲。」
 
於是就收到了施若兜寄來的地址。
 
「咩話﹖呢度咪ifc……」我和家姐都叫了出來。