[刺客教條][長篇故] 果晚玩完刺客教條，家姐同我講……: 第160章：確認電郵

第160章：

「ifc係聖殿騎士嘅地方黎，基本上佢地一定認得我地幾個……但係我應該要跟埋去，你地會有邊個去﹖」呂麻君問我們。

「其實我同家姐都唔可以去咖喇，因為好耐之前我地喺果度諗住偷伊甸碎片，但係比人發現左，班聖殿佬仲捉走左家姐。」我舉手說。

「係囉……冇計啦。咁同聖殿騎士冇咩關係嘅好似只係得和人同露比。」家姐摸著下巴說。

「長長……」露比似乎不太願意。





「唔使擔心嘅露比，呢個唔係啲咩要複雜嘅任務，我諗都只係去搵完施若兜，最多可能攞下啲野咁嘅姐，何況你都勁左好多啦，唔會有事嘅。」呂麻君笑說。

「嗯嗯……」我笑著說。

「好啦……咁我地行喇。」露比說。

她心想：訓練左咁耐，一定唔可以落後佢地咁多咖。

「係咁我地行喇。」呂麻君舉起手，向大家說。





當大家準備好後，呂麻君、和人和露比都一起出門了。

……他們的角度……

「我地宜家過黎 邊度等﹖」呂麻君一邊走一邊按著電話。

「80樓有個空置左嘅辦公室 果度等啦。」施若兜回覆。

呂麻君向和人和露比展示著手機。





「咁我地使唔使準備啲咩﹖使唔使扮送外賣咁上去﹖始終果度保安都好嚴密下。」和人問。

「都唔使嘅……聽講之前就係有人就係扮外賣仔，點知比人捉住左……最後係點就唔知喇。」呂麻君說。

「唔通……係長長同家姐……」露比說。

大家想了想，露出一個「又好似係喎。」的樣子。

「雖然見佢地都冇咩事，但係始終用個風險低啲嘅方法入去好啲。」呂麻君說。

「咁有冇個好啲嘅方法入去啊﹖」和人問。

「咁梗係有啦。」呂麻君沒有繼續說下去，說完就繼續向前走。

不一會，三人就來到ifc國際金融中心二期的旁邊，不過他們並沒有從正常的大門或是其他入口進入大廈。而是從外牆的外牆清潔吊車，把大家送到大廈頂層，再從頂層走下去。





「嘩，呢架野靠唔靠得住咖……」露比抖著雙腿說。

「唔怕喎，只要條鋼纜唔斷嘅話就得啦。」呂麻君自信的說。

「係囉……要唔斷先得咖。」和人和應。

「哎……你唔好嚇露比啦，呢架野嘅風險一定低過比車撞……不過呢個一有事就實死咁解咋嘛。」呂麻君解釋。

「咁解釋唔係仲衰咩……」和人和露比同時說。

不過任務要緊大家都仍然要硬著頭皮踏上吊車，一起乘搭到國際金融中心二期的頂層。
常言道「一日不見，如隔三秋。」現在三人的感覺正正如此，不過是「一日不見頂，如隔三秋。」
吊車慢慢的向上升，明明只有四百多米的距離，但在吊車上的三人感覺就像進入了結界般，永遠都走不到盡頭。





不一會，他們終於到了頂層，他們三人抖著雙腿走出吊車。

「唔好望下面啦……越望越驚咖。」和人說。

「你地係咪刺客黎咖，生人唔生膽咁咖﹗」呂麻君其實也抖著說。

「呢度咁高又咁窄，係人都驚啦。」露比說。

「唔好多講喇，合埋眼行去門口走啦。」呂麻君說。

大家倒數三聲後，一起向天台頂層的門走去，好不容易就把門鎖解開，並走了進大廈。
頂層一向人都不多，所以自然設防不深。所以他們幾人很快就來到施若兜所提及的辦公室了。

「哦，你地到喇。有冇比人發現啊﹖」施若兜笑著說。





「梗係冇啦，有嘅一早比人捉左啦。」呂麻君說。

「好喇，唔講咁多廢話喇，相信你地黎都係問晚會個email係咪真嘅，無錯，入面嘅內容係真嘅……而大家都應該仲未發現send左比你地。我其實準備左啲野，你地過一過黎啦。」施若兜向他們說，並叫他們走到辦公室的窗邊。

「……」

「……」